يوميات هو و هى

الحلقه الرابعه والعشرون

#الحلقه_الرابعه_والعشرون_من_يوميات_هو_وهى <3
نغم اخدت جنه فى حضنها وقالت / يا حبيتى يا جنه كل ده جواكى
بس اهدى خالص انا فهمتك وحسيت بالحيره والوجع اللى جواكى
اعملى اللى يريح قلبك وربنا هيعوضك ويفرح قلبك بفرحه قريبه
محدش مكانك يا حبيتى
جنه مسحت دموعها / الحمد الله على كل حال
انا النهارده هبلغ ردى لبابا انى مش مرتاحه وكمان هغير خطى واشغل مكانه الخط اللى كنت مخلياه للبنات
نغم / احسن كدا
انتى لسه بتجمعى البنات فى الشقه وتقعدى معاهم
جنه / اه بس خلاص انا هوقف الموضوع ده
نغم بحزن / ليه بس :(
جنه / خلاص الامتحانات قربت
ومش عايزه حاجه تشغلنى
وكمان مش عايزة احتك بخالد اكتر من كدا
خايفه اشوفه فى النازله والطالعه اويكلمنى باى وسيله
فكدا حلو اوووى لغايه مع الاجازة تيجى وبعدها بقى هفكر فى طريقه تانيه للموضوع ده
نغم / فعلا محتاجين نركز فى الدراسه شويه
وانتى ربنا هيفرحك ويعوضك عن كل حاجه يا جنه
بس انتى اصبرى
جنه / صابره وراضيه والله
نغم / انا اتاخرت اووى وكويس انى اطمنت عليكى
جنه / ربنا يخليكى ليا يا نغم وميحرمنيش منك ^_^
-------------------------------------
فى قهوة جمب بيت مريم
يوسف / السلام عليكم
شخص / وعليكم السلام ورحمه الله وبركاته
يوسف / متعرفش يا حج بيت فارس سلامه
كنت عايزه فى موضوع مهم
الشخص باستغراب / لا حول ولا قوة الا بالله
هو انت تعرفه منين ؟
يوسف بتوتر/انا صاحبه وكنت مسافر بره ورقمه ضاع منى ومش عارفه اوصله
الشخص / اهااا ... فارس اتوفى من 8 شهور فى حادثه على الطريق
يوسف بتاثر / ان لله وان اليه راجعون
البقاء والدوام لله ربنا يرحمه ويصبر اهله
الشخص / امين يارب
يوسف / شكرا يا حج عن اذنك
الشخص / الشكر لله يابنى ... ربنا يسترها ويسلمنا من الدنيا على خير
رجع يوسف لمجدى اللى كان واقف بعيد وقاله على الخبر
مجدى بصدمه / اتوفى ! من 8 شهور !
يوسف / للاسف اه
مجدى / ان لله وان اليه راجعوان
عشان كدا كانت لابسه اسود .. انا كنت حاسس ان الحزن اللى فى عينها ده حزن مش طبيعى
وجواها كتير اووووى .. ياحبيتى يا مريم :(
اتصدمت تانى فى حياتها :(
يوسف / الاعمار يابد الله ومحدش ليه دخل فيها
ربنا يصبرها على ما بلاها
مجدى بدموع / يارب
يوسف / يلا نمشى من هنا .. ملهوش لزوم القاعده هنا
مجدى / بس انا لازم اعزى
يوسف / تعزى مين ؟؟ مريم ؟؟ لا وضع صعب بجد
كدا ممكن تفهم غلط وتفتكر انك فرحان فى موت جوزها
مجدى / لا لا مريم متفكرش كدا
لانها عارفه مهما حصل بينا عمرى ما اشمت فيها نهائى
يوسف / معرفش بس الافضل مترحش البيت عندهم
مجدى بحيره / طب يلا نمشى وابقى افكر فى الموضوع ده
فى بيت جنه
مصطفى / يا جنه يا جنه
جنه / نعم يا بابا
مصطفى / فكرتى يا بنتى فى موضوع العريس
الراجل بيتصل بيا وعايز الرد
جنه / احم احم بابا انا صليت استخاره كذا مره ومش مرتاحه
مصطفى / فكرى كويس قبل ما تضيعى فرصه من ايدك يا بنتى
وخدى وقتك فى التفكير ومتستعجليش انا ممكن اقوله لسه شويه
جنه / صدقنى يا بابا فكرت ومش مرتاحه
كل شئ قسمه ونصيب
مصطفى بتنهيده / اللى يريحك يا جنه
وربنا يعوضك بالافضل يا حبيتى
جنه دخلت جوا اوضتها وفضلت تعيط
مسكت قلم وعبرت عن احساسها فى مذكرتها
لم يكن قلبى بيدى فقد دق لك دون تحكم ونفر منك دون تحكم
مازال الوجع يراوضنى وقربى منك لايسعفنى
اشعر وكأنك حجرا ثقيلا على صدرى ازحزحه بصعوبه
فهذا هو الم الحب :( ومرارته ولــــــــــكــــــــــــــن
سأطوى صفحه الماضى وسأصاحب المستقبل
واطلب من الله ان يرزق قلبى بالصبر والسلوان حتى يأذن الله لى بالحلال <3
_________________________________________________
بعد صلاه العشا فى المسجد
خالد / السلام عليكم
الشيخ على / وعليكم السلام ورحمه الله وبركاته
خالد / كنت عايز اسأل حضرتك على كذا حاجه بس محرج
الشيخ على / مفيش احراج فى دينك يابنى ^_^
اتفضل اسأل ؟
خالد حكى للشيخ على عن ذنوب الخلوات وتوبته ورجعوه وتوبته
بس طبعا مقالش عن جنه خالص
الشيخ على / هجاوبك ببساطه خالص
عارف اننا كلنا اصحاب ذنوب ومعاصى
بس الكويس فينا اهو اللى يتوب بجد ويحاول ويجاهد نفسه انه ميرجعش تانى
ومن حلاوة الايمان ان العبد يخطئ ويتوب الى خالقه
فان الله يفرح بتوبه العبد <3
مادام ربنا فتحلك باب الهدايه يبقى عايز قلبك يا خالد وعايزاك تفووووق يابنى
وبنجيك من شر نفسك وشر شيطانك وده لان ربنا بيحبك اووووى
خالد جسمه قشعر وعينه اتملت دموع
الشيخ على حط ايده على قلبه وقال / قلبك ده ملك ربك
اوعى تعلق قلبك بذنب او شخص ياخدك منه
هتتعذب اوووى فى بعدك عنه ولو قربته منه هتحبه وهتبكى على بعدك عنه
اسمع النصيحه دى واياك تفرط فيها
كمل الشيخ على بعد ما شال ايده من على قلب خالد /
للاسف اغلبيه الشباب بيقعوا فى الفتن دى بطرق مختلفه لكن فى الاخر فتنه واحده وهى فتنه النساء .....
ففيه اللى بيكلم بنت ويتجاوز معاها الحد :( بكلام او صور او لمس :(
وفيه اللى بيقضيها صور اباحيه او فيلم اياحى :(
وغيره وغيره الا من رحم ربى
وللاسف فى زمنا صعبوا الحلال فالحرام بقى سهل اوووى
بس مبدائيا كل ده ميبقاش تبرير للغلط صح
خالد وهو مركز اووى فى كلامه وبحزن على حاله قال / اكيييييييد طبعا
الشيخ على / ربنا ذكر فى كتابه العزيز
وليستعفف اللذين لا يجدون نكاحا حتى يغنيهم الله من فضله
عف يابنى جوارحك بصرك وسمعك ولسانك وايدك عن الحرام
لغايه ما ربنا يرزقك بالحلال وخد يوسف عليه السلام قدوة ليك
خالد / بس ده نبى وانا مش زيه :(
الشيخ على / لا لا متخدش انا الانبياء والرسل ملايكه وانهم اهل التقوى فبيعملوا كل حاجه صح واحنا لا لاننا غيرهم
ربنا سبحانه وتعالى بلاهم ابتلائات قويه جدا عشاان يعلمنا ااننا لما نتحط فى وسط المواقف دى نتصرف زيهم
سيدنا يوسف عليه الصلاه والسلام استعان بالله على فتنه النساء وربنا سبحانه وتعالى نجاه
فانت تاخد الدرس من هنا وتفر الى الله من ذنبك ومعصيتك من هذا الامر لانه هو بس اللى هينجيك فهمت يا خالد
خالد / ربنا يفتح عليك اه الحمد الله فهمت وفهمت قوى كمان
الشيخ على / قال الله تعالى ( واستعينوا بالصبر والصلاه وانها لكبيره الا على الخاشعين)
يعنى عمرك ما هتقدر تتخلص من اى ذنب فى حياتك او وجع الا لما تستعين بالله
بالصبر وكثره الصلاه ولكن بخشوووووووووووووووع
خالد / طب واللى ادمن الموضوع ده جامد وبيضعف يعمل ايه ؟؟
الشيخ على / اكثر من العبادات ومجاهده النفس
اقولك على حاجه افضل اعمل جدول عقاب بالطاعات
يعنى لو ضعفت مثلا احلف على نفسك انك هتصوم يوم
او هتقرا جزء من القراءن او هتتصدق بمبلغ معين
خلى فيه عمل صالح قصاد ذنبك ^_^
ودى حاجه هتنجيك وتثبتك
خالد بفرحه / فكره جميله جدا جدا
انا مبسوط اوى انى اتكلمت معاك وارتحت نفسيا
وان شاء الله هطبق الكلام ده
الشيخ على / الحمد الله رب العالمين
ربنا ينجيك يابنى من شر الفتن ويفتحلك ابواب الهدايه
قوم يلا صلى ركعتين لله قبل ما تشمى وادعى كتير اوووى
خالد / حاضر ^_^ وان شاء الله اجيلك كتير
الشيخ على طبطب على كتفه وقال / وانا هستناك ^_^
------------------------------------
مجدى روح البيت ومتكلمش مع حد وفضل تفكيره يجبه شمال ويمين
انت هتستهبل يا مجدى صح
انت مصدقت انها جوزها مات عشان مريم ترجعلك تانى
متنكرش الحقيقه اللى جواك انت اينعم زعلان على حزنها بس نفسك تقرب ليها تانى
وكمان خايف من رد فعلها ياترى لسه فكراك وبتحبك
ولا هتهزئك لو كلمتها وانت عارف باللى عملته فيها زمان
وياترى هتفكر زى ما يوسف قالك ولا لأ
اهااااااااا على دوشه التفكير
انا تعببببببان اوووى
انا لسه بحبك يا مريم وعاااااااااااااايزاك
يارب لو ليا نصيب فيها قربنى منها ولومليش نصيب متعلقش قلبى بيها
انا راضى بحكمك يارب <3
_____________________________
على جانب اخر
صاحبنا خالد روح البيت والفرحه مش سايعه
لانه حكى وفضفض وسمع النصيحه بطريقه بسيطه
دخل اوضته وفتح الورقه اللى جنه كتبتهاله وكتب فى ضهرها
تلخيص لكلام الشيخ على
عشان يقف مع نفسه وقفه صح
وبعدها مسك القلم وكتب على ايده اليمين الجمله دى عشان يفكر نفسه بيها باستمرار
بدايه جديده مع الله وهدفى رضاه <3
----------------------------------------
اتصال
مصطفى / كل شئ قسمه ونصيب يا عمرو
عمرو اول سمع الخبر التليفون وقع من ايده
#يتبع
#ايه_رائيكم_حلقه_النهارده