يوميات هو و هى

الحلقه الثامنه عشر

#الحلقه_الثامنة_عشر_من_يوميات_هو_وهى <3
جنه بتلف فى اوضتها رايح جاى ... :D
اقول لمجدى ولا بلاش
اقول لمجدى ولا بلاش
اقول لمجدى ولا بلاش
يوووووووووووووووو هيزعقلى
لا مش هيزعق هو وعدنى انه هيعرفنى غلطى براحه
حاجه تكسف بصراحه يعنى لو اتجرئت
اروح اقوله ان عرفت بالصدفه ان خالد بيتفرج على ....
واديته رقم فونى عشان عايز مساعدتى
مجدى مش هيزعق بس :D ده هيعلقنى على باب اوضتى
لانه اكيد هيقول ان خالد عايزانى فى طريق شمال
وحتى لو يمين هتهزهق برضو >_<
فجأه تليفون جنه رررررررررررررررررن
جنه / ياللللللهوووووووووى مجدى بيتصل
يادى الحوسه واللوسه والكوسه :D
مجدى / ازيك ي بت ي جنه وحشتينى ابت
جنه بخوف / اها اه الحمد الله
مجدى / شكلك عامله مصيبه ... قرى
جنه / اصل اصل
مجدى / لا اخلصى ممكن حد يشدنى من قفايا دلوقتى ها :D
جنه بتستجمع قواها وبتقول / مجدى انا اديت رقم تليفونى لواحد
احم احم .. مجدى .... احم احم
مجدى بيحاول يهدى / نعمممممممم حضرتك
جنه / واضح انك مش فاضى استأذن انا يلا سلام
مجدى بهزار / دا انتى ليلتك سودااااااااااااااااااااااااا
جنه بهزار / ريلكس ريلكس خاااااااالص
مجدى / وحياه خالتك .....
جنه / ههههههه بص هو شاب طلب منى مساعده فى الالتزام
ومردتش اخليه يقف معايا .. فقالى ممكن رقم تليفونك ومش هضايقك
فانا اتكسفت اقول لا واديتله الرقم التانى اللى تبع موضوعى مش خطى الشخصى
عارفه ان غلطانه بس اتلخمت فى الموقف ووووو
كانت جنه هتقول وخصوصا ان مسك ايدى لكن مقالتش
مجدى / امممم وحصل امته الكلام ده واتصل بيكى
جنه / امبارح .... لا متصلش
مجدى اضايق بس اتمالك اعصابه / بصى يا حبيتى
انتى جدعه انك قولتيلى ... انا هقولك تعملى ايه
مترديش يا جنه عليه نهائى او حطى الرقم بلاك
لو عايز يلتزم هيدور على طرق تانيه كتير ..مش هتقف عليكى يعنى
مفيش اكتر من الشيوخ والمساجد والفديوهات اللى بتتكلم عن الدين
التكنولوجيا اتطورت واى حاجه نقدر نجيبها بسهوله فهو مش هيغلب صح
جنه / صح عندك حق
مجدى / غير ان الكلام مع بنت ملتزمه ممكن يفتن شاب بالتزامك
وسهم الشيطان يدخل قلبه من النقطه دى وده كلامك لو فاكره
جنه / اه :( فعلا
مجدى / ولو نيته مش سليمه ولا التزام ولا غيره يبقى بيدخلك من دماغك يا حلوه
واللى عايز يلتزم مش هيدور على بنت تساعده يلتزم
لانه كلامه معاكى بدايه فتنه اساسا ... فهمتى ي جنه كلامى كويس
جنه بحزن / ايوا يا مجدى فهمته
انا اسفه o.O انا مش هرد لو اتصل ومش هكرر الغلط تانى
مجدى / جدعه يا جنه ... عموما خلى بالك من نفسك ولما اجى الاسبوع الجاى لينا قاعده سوا اتفقنا
جنه بفرحه / ربنا يخليك ليا يا احن اخ فى الدنيا ...فى انتظارك <3
مجدى / تسلمى يلا بقى طيرى :D
جنه / سلام ي معلم
خالد بيحاول يتصل بجنه
الهاتف المطلوب مغلق او غير متاح
من فضلك حاول الاتصال فى وقتا لاحق :D
ازاااااااااى قافله التليفون كل ده ... بقالى 6 ساعات على الحال ده
هشوف لغايه بكره يمكن عندها ظروف....
كريمه / يا خاااااااااااااالد بتفكرى فى ايه
خالد / لا ابدا مفيش
كريمه / ما تيجى تقعد معايا شويه
خالد / معلش يا ماما ... انا عايز انام شويه
كريمه / ماشى ناجل كلامنا وقت تانى ... اصحيك بكره كام
خالد / 9 كدا
كريمه / ماشى يا حبيبى تصبح على خير
خالد / وانتى من اهله
فضل خالد يتقلب ومجالهوش نوم
فكر يتصل بعمرو لكن تليفون عمرو كان مقفول
فجاه بص خالد حواليه لقى اللاب فى وشه على المكتب
الشيطان / ايه يا خالد مش هتتفرج على حاجه
محدش شايفك ياعم ... عيش بقى انت شاب
وعندك مشاعر واحسايس ومش هتتجوز دلوقتى
هتفضل كدا
خالد / انا مش هعمل كدا تانى خالص
الشيطان / مش هتقدر .. فاكر لما شوفت #@!$&^%@
خالد سررررررررح مع المشهد اللى جابه الشيطان فى دماغه
الشيطان / يلا تعالى افتحه ....ويبقى توب تانى
خالد / استسلم للوساوس وفتح اللاب >_<
________________________________
عمرو فى البلاكونه
اشوفك ازاى ي جنه
البلوك اللى عملتيه فى الفيس وعلى الفون واللى بقيتى فيه جننتينى عليكى اوووى
لانك قويتى ... هتعمل ايه يا عمرو ؟؟؟ هتعمل ايه يا عمرو؟؟
بس لقتها :D
-------------------------------------------------
الساعه 2 بالليل
خالد قفل اللاب بحسره وقال
انا عمرى ما هتغير وابقى انسان كويس :(
حتى جنه اللى ممكن تساعدنى مش معبرانى
اتهند خالد تنهيده فيها كسره ونااااااااااااااااام
-------------------------------------------------
فى الجيش
يوسف / يا واد يا مثقف :D
مجدى / ههههههه ده كتاب البت جنه صممت انى اقراها
يوسف / ورينى كدا ..كيف نحب الله ونشتاق اليه لمجدى الهلالى
اسمه جميل
مجدى / واللى جوه اجمل <3 وزى ما جنه قالت كلامه بيجذب القلب اووى
يوسف فى سره / ومثقفه كمان يا جنه ...ما شاء الله <3
يوسف / ممكن تدهولى اقراه بعد ما تخلصه
مجدى / اكيد ^_^
يوسف / مالك كدا كنت بتتكلم فى التليفون وحسيتك مضايق
مجدى / اهاااا كنت بكلم جنه فحكتلى عن حاجه ضياقتنى بس عادى يعنى
سيطرت على الموقف
يوسف/ اهااااا طيب ربنايصلح الحال
اسيبك تكمل قرايه واروح انام بقى
الحقيقه ان يوسف قبل ما ينام سال نفسه سؤال ملهوش اجابه
ليه كل ما بسمع سيرتك يجيلى فضول اعرف اى حاجه عنك؟
ليه ؟
------------------------------------------------------------------
تانى يوم فى الكليه
جنه ونغم خلصوا محاضراتهم الساعه 3
نغم / عملتى ايه يا جنه امبارح مع البنات
جنه / هحكيلك كل اللى حصل دى انت فاتتك بلاوى
بس تعالى نتغدا بره ... نضربلنا طبقين كشرى ونتكلم على رواقه
نغم / هههههه ماشى يلا لحسن هموت من الجوع
حكت جنه ل نغم عن كل اللى حصل
موقف خالد ورد مجدى
نغم / مجدى عنده حق فى كل اللى قاله وانتى غلطانه
جنه / عارفه انى غلطانه ... وبعدين انا لحقت الموقف واخدت راى مجدى
وبعدين كان رد فعل غصب عنى اننا اتلخمت اصلا
نغم / يلا خير بس خالد زودها
جنه / اه فعلا بس من كلامه حسيت انه غرقان بجد :(
نغم / قلبك الطيب ده هيوديكى فى داهيه
جنه / هههههههههههه احيانا
كان فيه عيون مراقبه نغم وجنه من على بعد فى صمت
اتـــصــــال
نغم / ايوا يا ماما ... حاضر ... هجلكم على هناك
لا مسافه الطريق ... 10 دقايق بس
جنه / فى ايه
نغم / معلش يا جنه انا لازم امشى دلوقتى
اصل ماما وبابا راحوا عند عمى وقولولى اجى على هناك عالطول
جنه / ولا يهمك ربنا يشفيه ويعفو عنه
امشى انتى عشان متاخريش وانا هحاسب
وكدا كدا طريقك مش زى طريقى
نغم / معلش بقى يا حبيتى مقصره
جنه / امشى يا بت يا هبله من هنا :D
حاسبت جنه ... وقررت تتمشى شويه على الكورنيش .. وتببص لنقاء الميه
فضلت جنه قاعده ولقيت حد حطه ايده على كتفها وبيقولها وحشتينى اوووى
جنه بخضه / عمرو
عمرو / ده المكان اللى قابلت فيه قبل كدا فاكره يا جنه
جنه بتنهيده وبتحاول تبقى قويه / عايز منى ايه ي عمرو
عمرو / انا لسه بحبك وعايزك يا جنه
عايزك يا جنه
نرجع زى زمان فاكره الحب اللى بنا
يااااااااااااااااه <3 مش هلاقى ضفرك يا جنه مهما لفيت
جنه بضحكه سخريه / بالسهوله دى هو انت فاكر نفسك هتلف وتلف وترجعى تلاقينى بقولك وحشتنى يا عمرو ... يلا نكمل سوا
عمرو / انا عارف انى جرحتك وجاى اقولك انا اسف
عايزين نفتح صفحه جديده سوا وهتقدملك
جنه بعياط / انت جيت متاخر اااااااااااوى يا عمرو
عمرو / انتى بتحبى او اتخطبتى لحد ولا ايه :(
جنه / لا .... بس حبك جوايا مااااااااااااات يا عمرو مبقتش حاسه بيك زى زمان
منكرش انى مقدرتش انسى جرحك بس قدرت انسى حبك لانك متستاهلش
عمرو/.....................................................................
جنة / انت غبى اوووووى لان جاتلك الفرصه فى بنت كانت بتحبك وبتموت فيك
وكنت بتحايل عليك نرجع لبعض وكنت عندى القدره وقتها ان اسامح وارجع
لكن انت خونت وبعبت ورميت
خليت معانى القسوه والجرح تكبر كل يوم جوايا لغايه ما سيطرت عليا انى ابطل احبك وافوق من ادمانك >_<
كان عندك استعداد تضرب على الحديد وهو سخن يوم ما انكسرت منك وترجعنى لحبك
لكن سبت الحديد لما برد وبقى صعب تشكله زى ما انت عايز
عمرو / دموعه نزلت وقال انا ااااااااااااااااااااااااااسف سامحينى
جنه / اسف على ايه هو حصل ايه يعنى
بسيطه يا استاذ انت بس بكتنى وظلمتنى وخلتنى اقول من وجع القلب اه
تعبتنى نفسيا وجسديا وعيشتنى ايام صعبه دلوقتى بتقولى اسف
عمرو / ابوس ايدك كفايه انتى بتعذبينى ليه
جنه / انت اللى عذبت نفسك يا عمرو لما ظلمت ووعدت قلب بنت معاك من البدايه
فلازم تشرب من نفس الكاس
عمرو / سامحينى يا جنه
جنه / ربنا لما بيسامح بحنن قلوب البشر انها تسامح يا عمرو
عن اذنك
عمرو مسك ايد جنه وقال / انا لسه بحبك ومش هسيبك ... فاهمه
جنه / متحاولش توصلى باى وسيله تانى
انا وانت مش هينفع نكون لبعض ... مش دى جملتك برضو يا استاذ
مشيت جنه وسابت عمرو فى وجع وذهول O.o
#يتبع