يوميات هو و هى

الحلقه السابعه

#الحلقه_السابعه_من_يوميات_هو_وهى <3

استكمل الشيخ على كلامه وبعد ساعه انتهى الدرس :)
يوسف استأذن من مجدى وحازم / هروح اسال الشيخ على على حاجه وجاى
حازم / ماشى هستناك انا ومجدى بره
يوسف / السلام عليكم ... ازيك ي شيخ على
الشيخ على / وعليكم السلام ... عامل ايه ي ابنى
يوسف / الحمد الله بخير .... معلش بقى مش بحضر زى الاول بس الجيش هو اللى واخدنى ... وان شاء الله كل ما هنزل اجازة هتلاقينى عندك ^_^
الشيخ على / ربنا معاك يابنى ويخرجك منه بالسلامه يارب
يوسف / امين يارب
كنت عايز اخد رائيك فى حاجه كدا
الشيخ على / خير ي ابنى ... اتفضل
يوسف / فيه بنت الحجه رشحهتالى انها بنت ناس ومؤدبه
وخالتى عارفه اهلها وناس طيبين
وقعدت مع البنت دى ... كلامها كويس وبتصلى ...
ولبسها محترم بس مش شرعى
.. انا صليت استخاره هنا فى المسجد بس متردد
مش قادر احدد اذا كانت مناسبه ليا من ناحيه الالتزام ولا
الشيخ على / بص يا ابنى مش هقولك احكم باللبس .. لان فيه بنات بتبقى من جواها كويسه جدا ونفسها تقرب من ربنا بس محتاجه زقه يعنى لو قولتلها غيرى لبسك وكلمتها باسلوب كويس ..بتستجيب اذا شاء الله
اما بقى حته الالتزام بصفه عامه فبتعرفها من اللى ادامك من كلامه مع افعاله
فانت لازم تتكلم معاها فى امور الالتزام ع الاساس انها تقدر تفتح بيت على طاعه الله ولا لأ
فاهمه يعنى طاعه زوج ولا لأ وغيره
يوسف / فعلا عند حق ...بس انا دلوقتى مش قادر احدد وجوايا تردد
الشيخ على / فيه شاب ممكن يعرف اللى هو عايزه من مقابله واحده
وشاب تانى يعرف من مقابلتين وشلب تالت ممكن يحدد ويقرر ب اه او لأ من 3 مقابلات
وفيه بقى واحد تانى خالص لو متردد ومش قادر يحدد زيك
ممكن يخطب ويشوف اذا كانت مناسبه ومريحاه من كل النواحى اللى عايزاها او لأ
يوسف / طب لو خطبتها ومرتحش يبقى كدا ظلمتها
الشيخ على / لأ ..... ده مش ظلم مادام هيبقى عندك مبررات قويه
مش مثلا تسيبها عشان لقيت بنت احلى منها او زهقت زى ما اغلب الشباب بتعمل
والخطوبه فى الاساس معملومه عشان تشوفوا هترتاحوا لبعض ولا لأ
ونصيحتى ليك انك متسبش صلاه الاستخاره حتى لو خطبت
ولا تتجاوز معاها ف الحدود الشرعيه
يوسف / طب ما انا لو مشيت فى خطوبه ... اصلى استخاره ليه تانى
الشيخ على / اصل الموضوع لو فيه خير ربنا هيسهلك الموضوع طول ما انت ماشى
حتى وانت خاطب ربنا برضو هيسهل الامور اكتر ما بنكم لغايه م تتجوز <3
ولا شر ربنا هيظهرولك فى الوقت اللى يريده
يوسف / جزاك الله خيرا ي شيخنا بجد ريحتنى ^_^
الشيخ على / ربنا يبارك فيك ي ابنى ويرزقك ببنت الحلال اللى تريح قلبك وتجعلك سبب لهدايه ربك ^_^
يوسف / امين يارب العالمين <3 عن اذنك سلام عليكم
الشيخ على / وعليكم السلام ورحمه الله وبركاته ... فى حفظ الله ي ابنى
فـــــى بــيـــت جــــنـــه
هدى (ام جنه ) / ايه ي حبيتى بتعملى ايه
جنه / كنت بذاكر ي ماما
المواد حوسه ولوسه :D بس مش عايزه اراكم المذاكره عشان اتخرج بتقدير
هدى / ربنا يحققلك اللى بتتمنيه ي حبيتى
جنة / امين يارب ... كنتى عايزه منى حاجه
هدى / اه .. كنت عايزه شويه طلبات من السوبر ماركت اللى تحتنا ده
جنه / حاضر ي ماما ... هاتى الفلوس واكتبى طلباتك فى ورقه
لبست جنه عبايه سواد وخمار زيتى ونزلت
جنه / لو سمحت انا عايزة ....... و.......
الشاب اللى واقف / هو انتى ليه لما بتشترى منى الحاجه
بحس انك قرفانه او مضايقه
جنه / والله انا جايه اخد طلبى وامشى ومش مطلوب منى ان اضحك واهزر يعنى
الشاب / ع فكره انا مش بعاكس ... انا متجوز ولابس دبله اهو
جنه / ميخصنيش .... حسابك كام
الشاب / 23 جنيه ونص ....
جنه / اتفضل
الشباب / بس انتى كدا ع فكره (Y) وده الصح ^_^
مشيت جنه من غير ما ترد بس قالت فى سرها
جاتك نيله تنيلك .. مش هدخل المحل ده تانى طول انت موجود ي رخم
جنه وهى ماشيه فى الشارع شافت شاب بيغسل عربيته تحت بيتهم ومشغل اغانى
وهى طالعه على السلم سمعت المقطع ده ووقفت فى مكانها
كل ذنب انه لاقانى ... قلبى مخلص مش انانى .. ف زمان الحب فيه كلمتين بس ف اغانى
كل ما فتكر انه باعنى كل ما اعرف قد ايه ..كنت موهوم ف كل يوم عيشته ليه معرفش ليه
كدبه وصدقتها واهى عاشت وقتها قابل اخلاص لى وحنانى بقسوته
ياخساره محبنيش .... ي خساره مفهمنيش
قعدت جنه على السلم تعيط .... اهااااااااااا
منك لله ي عمرو ... هيترد فيك الوجع اللى بحس بيه كل شويه
عمرك ما هتلاقى بنت تحبك وتتمنالك الخير قدى
حسبى الله ونعم الوكيل :(
مسحت جنه دموعها وطلعت بيتهم ......
____________________________________________
حازم / ايه رائيك ي مجدى ف القعده الحلوة دى
مجدى / تصدق الشيخ ده اسلوب حلو وبيدخل القلب
وكنت محتاج فعلا الدرس ده ... سبحان الله
حازم / انا ويوسف مكناش بنصلى وفى يوم الجمعه نزلنا نصلى زى م اغلب الشباب بتعمل بتصلى الجمعه بس ... لقينا الشيخ ده قعد بعد الصلاه سمعنا درس فى منتهى الجمال
ومن وقتها انا ويوسف بنصلى وبنحضر للشيخ ده
مجدى / ما شاء الله عليه بجد ..ربنا يجعله سبب فى هدايه شباب كتيره
وانت ويوسف ربنا يجازيكم كل خير انك دلتونى على الطريق ده
حازم / الهدايه من عند ربنا ي صاحبى <3
مجدى / ونعم بالله .... اهو الواد يوسف جه
حازم / كل دى فتوه ي عم :D
يوسف / والله انا محتاس وكنت محتاج راى الشيخ على
مجدى / خير
حكى يوسف عن مقابلته لهيام ونصيحه الشيخ على
مجدى / صلى استخاره وخلى الباقى على الله
حازم / نصيحتى ليك ... اقابلها تانى وشوف اخر الكلام ايه
يوسف / انا حاسس لو قبلتها تانى مش هقدر احدد برضو
ممكن البنت تكون كويسه ومناسبه وانا اتسرع لو رفضت
او العكس برضو
انا محتاج فتره اقرر بصراحه عشان مبقاش ضيعت فرصه من ايدى
مجدى/ طب هتعمل ايه
يوسف / هشوف لغايه بكره واللى فيه الخير يقدمه ربنا
حازم ومجدى / ونعم بالله
_________________________________________
وصل يوسف بيته
ابو يوسف ( عامر) / حمد الله على سلامتك ي ابنى
يوسف / الله يسلمك ي حج
عامر/ امك حكتلى على مقابله النهارده وبتشكرلى ف اخلاق البنت واهلها
عايز اشوف انت رائيك ايه مبدائيا
يوسف / شكلها كويسه ... بس سيبنى لغايه بكره بالليل اصلى استخاره
واللى عايزه ربنا هيكون
عامر/ ان شاء الله ^_^ ادخل بقى اتعشى وارتاح :)
يوسف بتنهيده / حاضر
صلى يوسف استخاره ... وفضل طول الليل يفكر
ويعيد المقابله تانى فى دماغه
___________________________
مجدى وصل بيته وفضل قاعد مع ابوه وامه وخالد اخوه عن الشيخ على
واصحابه يوسف وحازم ^_^
لكن جنه فى اوضتها ... فتحت فيس شويه
ومسكت مذكرتها وكتبت فيها
فى كل مكان هتحس بالم الحبيب ..ذكرى صعب تنساها بسهوله لاننا بشر بيألمنا الفقد ويكسرنا وغصب عنك الدمعه هتنزل والقلب هيوجع :(
اوعى تستسلم لشعورك القاتل... خليها لحظه سريعه ومتوقفش حياتك عليها
#يتبع
By Heba Ahmed
..