يوميات هو و هى

الحلقه الرابعه

#الحلقه_الرابعه_من_يوميات_هو_وهى <3

ابله ندى / ازيكم يا بنات ... نورتونى ^_^
نغم / ده بنورك ....جنة صاحبتى اللى حكتلك عنها
ابله ندى / عامله ايه ي جنه
جنه / الحمد الله ... كان نفسى اجيلك من بدرى
لانى نفسى اتكلم مع حد فى دين وجها لوجه
لدرجه انى كنت بحسد الشباب انهم بيقدروا يروحوا المسجد ويستفسروا ويتناقشوا مع الشيوخ براحتهم ........ يقدروا ياخدوا دروس فى الفقه وغيره بقى
ابله ندى /  ما كل ده تقدرى تعمليه والمجال للبنت موجود
جنه / تمام ... بس المجال ده للشباب اوسع بحكم ان احيانا البنت مبتعرفش تنزل من البيت
فى اى وقت ولا اى مكان ....بتبقى صعبه حبه
ابله / امممم فعلا بس استغلى مجالات تانيه زى النت والفديوهات
جنه / اكيد طبعا .. ده اللى بعمله من 4 سنين
استغليت النت ف اجزاء كتير لالتزامى والحمد الله ربنا بعين <3
نغم / واضح انكم اخدتوا على بعض ... هسيبكم بقى وادخل جوه لهنا
ابله ندى / اتفضلى يا حبيبتى
جنه / انا عايزة كام كتاب اقرأه عن النبى محمد صل الله عليه وسلم بس باسلوب سهل وبسيط
ابله ندى / فيه كتاب اسمه مدرسه السيره للشيخ محمد حسين يعقوب كويس جدا
عندى جوه وفيه كتب تانيه كتير فى المكتبه اللى فى وشك دى
جنه / تمام ^_^ هاخد كام كتاب اقرأهم وارجعهوملك تانى
ابله ندى / براحتك ي حبيتى
ربنا يثبتك ويكتر من امثالك ويرزقك الزوج الصالح <3
جنه / امين يارب العالمين ^_^
مجدى / الو ... ايوا ي جنه .. قدامى 10 دقايق واكون فى الموقف
جنه / تمام هتلاقينى قدامك عالطول
مجدى / ماشى ي حبيتى
جنه / انا اسفه ي ابله ندى هضطر امشى دلوقتى عشان هقابل اخويا مجدى لانه راجع من الجيش .... واكيد ان شاء الله هيبقى لينا كلام تانى
ابله ندى / ولا يهمك وحمد الله على سلامته
جنه / الله يسلمك :) .... نغم نغم ... انا ماشيه وهكلمك بالليل
نغم / ماشى ... هستناكى ;)
________________________________________
فـــــى الــمـــوقــــف
يوسف / هسيبك اسبوع بحاله اكيد هوحشك :D
مجدى / هههههههههههه فعلاهفتقدك الحبه دول
يوسف / حبه ... ياراجل دول اسبوع يعنى 24 ساعه X 7 ايام
مجدى / هههه  كل حاجه كدا حاسبها ... امشى بقى
يوسف / اشوفك على خير ي معلم على اتصال بقى
مجدى / ان شاء الله ..... سلام
يوسف تابع مجدى لغايه ما عينه وقعت  عليه وهو بيسلم على بنت لابسه فستنان تركى لونه زيتونى وخمار كافيه ونضاره شمس بنى  وفجاه مسك ايدها ومشيوا
فضل يوسف متنح وقال لنفسه
الله البت بالحجاب الحلو ده ملاااااااااااااااااااااك
يارب ميكنش مجدى بيعلب بيها >_<
يوسف كمل طريقه ووصل لبيته
________________________________________
فى الكورنيش
مجدى / عامله ايه ي بت ي جنه
جنه / الحمد الله ... اخبار جيشك ايه
مجدى / الحمد الله تمام ... انتى فيه اى حاجه مضايقكى نفسيا
قويلى انا اخوكى حبيبك افتحيلى قلبك
جنه بخوف / هااا لا ابدا انا كويسه
مجدى /  خلى بالك من نفسك يا جنه
لو احتاجتى تكلمينى فى حاجه انا جمبك
اوعى تخافى منى وتفتكرى انا لما تفضفضى معايا بحاجه هزعقلك وهتقلى فى نظرى
بالعكس هطبطب عليكى وهوجهك صح ي اجنه
فاهمه كلامى كويس
جنه باستغراب / اكيد ي مجدى لو فيه حاجه هقولك
احكيلى بقى حالك كان ازاى فى الفتره اللى فاتت ف الجيش وانا هتسلى فى البيتزا الحلوه
دى اللى جبتهالى  ^_^ وانا بسمعك
مجدى / بصى ي طفسه :D
حكى مجدى ل جنه عن جدعنه وطيبه صاحبه يوسف اللى اتعرف عليه فى الجيش
بس طبعا محكاش ل جنه عن اللى قاله ل يوسف على سكته للبنات
جنه حست بدقه فى قلبها لما سمعت كلمه يوسف وقلت بتلقائيه / اه ده اللى كنت واقف معاه ده شكله طيب اووووى
مجدى / وابن حلال مصفى
جنه بتنهيده / طب يلا بقى نروح عشان الحجه اللى ف البيت زمانها قلقانه علينا
مجدى / اه يدوب نروح يلا
____________________________________
فى بيت يوسف
يوسف بيفتح باب شقتهم بالمفتاح
السلام عليكم
ازيك ي امى وحشتينى اووووى
ووحشنى اكلك وحلواياتك :D
كريمه (ام يوسف ) / وانت كمان يا حبيى وحشتنى اوووى
وعمالاك المحشى اللى بتحبه ... وصنيه البسبوسه اللى بتحبها
يوسف / الله الله ... ايوا كد غذينى لحسن رمرمه الجيش جابت اجلى
كريمه / ادخل ريح وخد دوش من الطريق وهتلاقى الاكل على السفره بيتنده عليك
يوسف باس ايدها وقال / ربنا يخليكى ليا ي غاليه <3
______________________________
مجدى وجنه وصلوا لبيتهم بالسلامه
ومجدى سلم على اهل بيته .. وملى التناك وفضل يتكلم باباه
اما جنه دخلت جوه اوضتها واتصلت بنغم
جنه / مش عارفه ي نغم دى خامس مره مجدى ياخدنى يفسحنى ويقولى الكلام ده
خايفه يكون عرف بحبى القديم
نغم / امممم فعلا غريبه ... بس هيكون عرف منين يعنى
جنه / ده اللى هيجننى ... لما عمرو نهى معايا كل حاجه
انا قررت اتخلص من اى حاجه تفكرنى باللى كان بينه
مسحت صوره ورسايله ع الفون والشات اللى بينا
وكل حاجه مش سايبه اى دليل اساسا لاى حد
نغم / طب كويس ... يمكن يكون خايف ان حد يلعب بيكى ويكسرك
فيعمل كدا
مجدى قال لنفسه ... هروح اقعد مع البت جنه شويه
لكن سمع جنه بتتكلم .. فوقف على باب الاوضه ومرضاش يدخل
جنه بدموع / وكان فين من سنتين لما انجرحت من عمرو ووجع قلبى
كان نفسى وقتها فى حضن اخوياااااااااا
كان نفسى يكون هو اول واحد ينصحنى ويخاف عليا ويقولى افتحيلى قلبك
يحذرنى من غدر الشباب ... يكون سندى ومخافش منه
واهرب باحساسى لوحدى واكتمه جوايااااااااااااااا
كنت بموت وانا بشوف رسايل الشات بينه وبين البنات
ببقى وقتها نفسى اقوله ... خاف عليا انا ...عشان متتردش فيا
بس مقدرتش اقوله كدا ... كنت بحس انى متكتفه ... او لسانى تقيل انى انطقها
كنت خايفه يقولى .. انا شاب واعمل اللى انا عايزه
اهاااااااااااااااااااااااااا ي نغم على اللى جويا
هونهاااا يارب عليا ... هونها يارب عليا
نغم بتنهيده / مش عارفه اقولك ايه
انتى عندك حق فى اللى قولتيه .....
بس هقولك ... ادى لنفسك فرصه انها تفرح ... وعمرك ما هتفرحى وانتى بتبص لورا كدا
ادى فرصه لنفسك ان بكره هيجى شخص جميل وصالح يعوضك
وفكرى دلوقتى فى اخوكى ... انه بقى كويس وقرب منك زى ما انتى كنت بتتمنى اينعم جات متاخر ... بس لعله خير وفرج قريب ... بس اصبرى وصدقينى ربنا هيفرح قلبك بفرحه كبيره
جنه / يــــــــــــــــــــــــــــــــــــــــــــــــارب .. بعد اذنك
هروح اصلى وانام تصبحى على خير
مجدى وعينه بتدمع / اهاااااااااااااا ي جنه قلبك اتظلم زى ما انا ظلمت مريم
عندك حق  ف كل اللى قولتيه
قلبى اتوجع عليكى اوووووووووووووووووى
حق عليا ي جنه سامحينى انا السبب
يارب ساعدينى اكفر عن ذنبى واعوض اختى واسعدها
دخل مجدى اوضته ومعرفش ينام من كتر الوجع والتفكير
اما جنه كتبت فى مذكرتها هذه العبارات ودخلت ف نوما عميق
(( ان كان الالم يكسر .... فقلبى لن يضعف
وان كانت الدمعه سقطت..... فاستركها عن ذنبى تكفر
وان كان ليلى طويل ..... فغدا سيكون قصير
فصبرا يا قلبى ف يوما ما ستنبض من جديد <3 ))
#يتبع