ذهب احمد وخرجت فرح من البيت
فرح:صباح الخير
لين:صباح النور
فرح:يله نمشي
لين:اكلج نسيت شغله مهمة بالبيت راح ارجع للبيت
فرح:يالله وكتج
لين:اي لازم ارجع لا تخافين مراح نتأخر
فرح:تمام يله
شغلت السيارة وعدت الى المنزل
لين:انتظري هنا مراح اتأخر
فرح:اي بس بسرعة
فتحت الباب السيارة وخرجت دخلت إلى المنزل وصرت ابحث عن والدتي
لين:ماما... ماما..... ماما وينج.... ماما
نوال:لين ليش رجعتي
لين:اكلج البارحة شنو انطاج احمد
نوال:اي انطاني شغل تخصج
لين:شنو
نوال:انتي شمدريج
لين:شنو انطاج ماما
نوال:ماشي هسة راح جيبه الج
دخلت الى غرفتها وبعد لحظات خرجت من الغرفة
نوال:هاج اخذي
وضعت شي بيدي نظرت إليه رأيت خاتم الخطوبة احمد الذي اعطيته له في يوم خطوبتنا تجمعت الدموع في عيني
لين:شنو هذا
نوال:هاي الحلقة مالتج كال ملازم تبقه عندي بعد ما انتي انخطبتي
جلس على الاريكة وصرت ابكي وجلست امي بجانبي
نوال:حبيبتي ليش تبجين هذا الشي طبيعي انتي هسة مخطوبة لشخص ثاني وهو ملازم يخلي الحلقة مالتج بيده ميصير
لين:بس اني ما جنت اريد هذا الشي يصير كله
نوال:بنتي الحياة قسمة ونصيب وانتي مو من نصيبه ولازم نتقبل هذا الموضوع وبعدين شبيه ياسر خوش ولد ويحبج ويعاملج احس معاملة يعني مراح تلكين واحد احسن منه لا تضيعينه من يدج على مود واحد حتى شهادة ماعنده
التفت إلى والدتي
لين:شنو؟
نوال:اي مكمل دراسته ابو دراسة
لين:انتي جاي شتكولين هو مو راح حتى ياخذ الشهادة من الخارج
نوال:اي بس رجع ولا شي
لين بصدمة:شو ليش
نوال:يكول من وكعت الطيارة دخل بغيبوبة ثلاث سنوات ومن كعد رجع يعني ما درس
لين:مستحيل يعني جان بغيبوبة كل هاي السنين
نوال:اي وعلى العموم احنا شعلينه بيه
نهضت بسرعة من مكاني
نوال:هاا يمه شبيج
لين:اني راح اروح
نوال:يله مع السلامة
نوال:مع السلامة
خرجت من المنزل بسرعة ركبت بالسيارة
فرح:ليش تأخرتي
لين:اسفه يله امشي
ونحن في الطريق
لين:اكلج صدك احمد جان بغيبوبة كل هاي السنوات
فرح:اي
لين:زين ودراسته مكملها
فرح:اي يكول ما لحكت اكمل ورجع بس يكدر يدخل هنا بأي كلية وهو عنده معدل عالي
لين:اي صح
وصلنا الى المستشفى ونزلت بسرعة من السيارة
فرح:شبيج مستعجلة
لين:اريد احجي وياه ياسر
فرح:وياه ياسر بشنو
لين:بتحديد موعد زواجنا
فرح:هااا
لين:يله باي
دخلت إلى المستشفى بسرعة ابحدث عن ياسر وفجأة رأيته يتحدث مع مدير المستشفى ذهبت إليه
لين:صباح الخير
المدير وياسر:صباح النور
المدير:شلونج لين
لين:الحمدلله دكتور انت شلونك
المدير:الحمدالله
نظرت الى ياسر
لين:ممكن نحجي شوية
المدير:يله اخذوا راحتكم اني عندي شغل
ياسر:اتفضل دكتور
ذهب المدير وبقينا انا وياسر
ياسر:خير حبيبتي
لين:اريد احجي وياك بموضوع
ياسر:خير
لين:تعال نطلع شوي
ياسر:بس لين عندي شغل
لين:ماشي من تخلص شغلك لازم نحجي
ياسر:الموضوع ضروري
لين:اي
ياسر:تمام راح احاول خلص بسرعة
لين:تمام
(احمد)
عندما كنت اتمشى رن هاتفي نظرت إليه رأيت رقم ريم
احمد:الو
ريم:الو هلو احمد شلونك
احمد:هلا ريم شلونج شخبارج
ريم:احمد الله انت شلونك ان شاء الله بخير
احمد:لا تمام
ريم:ان شاء الله طمني شفت اهلك
احمد:اي شفتهم
ريم:اي وشنو كالوا
احمد:عبالهم جنت ميت
ريم:هاا
احمد:اي هههههههههههه
ريم:اي وانت شنو اخبارك شمسوي هناك احمد:عادي
ريم:اكلك شوكت اجي
احمد:لا انتظري مو هسة
ريم:شوكت يعني
احمد:من اتصل عليج واكلج
ريم:ماشي
احمد:اكلج دين شلونه
ريم:الحمدالله كاعد ضايج من رحت
احمد:هههههههههههه
ريم:شيسوي ماعنده احد غيرك
احمد:خليه يمكن يتعود
ريم:اسكت احسلك
احمد:هههههههههههه
ريم:هذا يريد يحجي وياك
احمد:،ماشي
دين:الو هلا بالسافل
احمد:هلا بيك
دين:ليش رحت والله ضوجة
احمد:مو اختك يمك
دين:وشسوي بيها هاي البومة
ريم:انجب لك
احمد:والله مشتاقلكم
دين:اذا تريد ناخذ هسة طيارة ونجي يمك
احمد:اي طبعاً راح تجون بس مو هسة انتظرو شوية
دين:ماشي شوكت ما تريد اتصل علينا واحنا نجي
احمد:اي يله هسة روح
دين:مع السلامة
احمد:مع السلامة دير بالك على ريم
دين:ان شاء الله
اقفلت الخط وعدت إلى المنزل
(لين )
اصبحت الساعة 11:00 ومازلت انتظر ياسر لكي اتحدث معه وفجأة انطرق الباب ودخل ياسر
ياسر:هاي حبيبتي خلصت شغل نطلع هسة
لين:اي يله
خرجنا من المستشفى وذهبنا الى مكان هادي لكي نتحدث
ياسر:شنو الموضوع
لين:الموضوع بخصوص زواجنا
ياسر:اي كولي شنو
لين:ياسر اني اسفه بس ما اكدر اكمل
ياسر:بشنو ما تكدرين تكملين
لين:زواج ما اكدر اكمل
ياسر:يعني تردين تفسخين الخطوبة
لين:اي
ياسر:زين ليش اني سويت شي غلط
لين:لا بالعكس انت خوش انسان و اي وحدة تتمنى تزواج واحد مثلك بس اني ما اكدر اكمل
ياسر:انتي فاجئتيني بهاذا الموضوع
لين:اسفه
ياسر:الموضوع يخص خطيبج السابق
لم ارد عليه لانه مع حق انا اريد أن اتركه بسبب احمد لانني مازالت احب احمد ولا اريد شخص غيره
ياسر:ماشي افتهمت على العموم اني مراح اجبرج على شي انتي ما تردينه وهاي حياتج وانتي حرة بيها
لين:اشكرك على تفهمك
ياسر:لا ماكو داعي كل شي قسمة ونصيب برغم جنت اتمنى تصيرين من نصيبي بس شنسوي القدر
لين:اني اعتذر منك من كل كلبي
ياسر:لا ماكو داعي تعتذرين ولا شي مثل ما كلتلج كل شي قسمة ونصيب
اخرجت الخاتم من يدي واعطيته له
لين:اتفضل
ياسر:بس راح نبقه اصدقاء مو؟
لين:اكيد يله عن اذنك
ياسر:اتفضلي
خرجت من المطعم ركبت سيارتي وكنت سعيدة جداً اشعر وكأني حرة واخيراً سوف اعود الى حبيبي احمد اني لا استطيع أن اتزوج شخص غيره سوف اعتذر منه واقول له بأنني كنت مجبرة على الزواج من ياسر والان انا حرة وسوف اعود لك يا حبيبي
لين:اتمنى هسة اتصل على احمد واحجي وياه بس الشغل اوف من الشغل هههههههههههه
عدت بسرعة الى العمل وكانت طوال اليوم ابتسم
رامي:شنو هاي الابتسامة
فرح:اي صدك شكو اليوم
لين:ماكو شي
فرح:لعد ليش شكلج فرحانة
لين:بصراحة اريد اكلكم شي
فرح:كولي
لين:اني تركت ياسر
رامي فرح:شنو
لين:اي تركنا بعض اليوم الصبح
رامي:ليش
لين:شنو ليش اني ما اريده وافقت عليه على مودكم بس ما اكدر اكمل وياه بعد
فرح:على مود احمد
لين:بصراحة اي اني بعدني احب احمد واريده
نظروا إلى بعضهم البعض
لين:شبيكم
رامي:لين انتي متأكدة من قرارج هذا لين:شنو هذا السؤال اكيد اي احمد هو حب حياتي اني جنت احبه من جان عمري تسع سنوات يعني حياتي كلها قضيتها وياه ما اكدر ازوج واحد غيرة
بس اريد مساعدتكم لازم
فرح:بشنو
لين:تحجون لاحمد الحقيقة وتفهمونه انه انتو الي خليتوني اوافق على ياسر اني معليه لان ادري بيه راح يشلع كلبي على ما يقتنع
رامي:ماشي
لين:يله هسة اني رايحة باي
فرح:باي
(رامي)
ذهبت الى وبقينا انا وفرح
فرح:شفتها شلون فرحانة
رامي:اي بس احسها راح تنجرح
فرح:انت ليش تحجي هيج والله شاكة احساسك غلط
رامي:بلكت يطلع غلط بس مجاي افكر بشي ثاني
فرح:احمد يحب لين ومستحيل يفكر يعوفها وهسة تشوف اول ما يعرف بالموضوع راح يرجع الها
رامي:ان شاء الله
فرح:اي امشي خل نروح للبيت
رامي:ماشي
(فرح)
عدنا الى المنزل ولم يكن احد موجود دخلت الى المطبخ ورأيت امي تعد الغداء لنا
فرح:مساء الخير
مريم:مساء النور حبيبتي
فرح:لعد وين الكل
مريم :ابوج طلع واخوج فوك بالغرفة مالته
فرح:ماشي رايحة اشوفه
مريم:اي
تركتها وذهبت الى غرفة احمد كان الباب مفتوحاً عندما دخلت رأيته يخفي شيء في الدرج
فرح:هاي
التفت وكان مصدومة
احمد:فرح
فرح:اي شبيك
احمد:هااا لا مابيه شي بس ليش اجيتي فرح:شنو
احمد:اقصد شعجب رجعتي هسة
فرح:مو خلصت شغل من وكت وكلت اجي اكعد احجي وياك مثل زمان
احمد:اي تعالي اكعدي
دخلت جلست بجانبه على السرير
فرح:اي شلونك اليوم شنو سويت
احمد:شسوي يعني كاعد وساكت
فرح:اكلك ليش ما تروح تقدم على الكلية وتكمل دراستك
صمت قليلاً وثم قال
احمد:راح عليه
فرح:ليش راحت عليك تكدر ترجع تكمل وانت معدك عالي يعني اي كلية تكدر تدخل
احمد:ما ادري
فرح:فكر بالموضوع وشوف
احمد:ان شاء الله
فرح:اكلك
احمد:كولي
فرح:لين فسخت خطوبتها
احمد بصدمة:شو
فرح:اي اليوم الصبح تركته لياسر
صمت طويلاً
فرح:احمد بشنو صافن
احمد:ولا شي
فرح:راح شتسوي هسة
احمد:بشنو
فرح:بموضوع لين
احمد:واني شعليه بيها
فرح:شنو شعليك جاي اكلك البنيه تركت خطيبها
احمد:اي شسوي اني تركته او لا شعليه بيها
فرح:بس تركت خطيبها على مودك
لم يقول شي اكتفاء بنظر لي
فرح:احمد راح اسئلك سؤال
احمد:شنو
فرح:انت بعدك تحب لين
لم يرد علي
فرح:زين اكو شخص بحياتك
احمد:اوف انتي اليوم شكد تحجين
فرح:احمد ليش جاي تتهرب من السؤال
احمد:سؤال شنو الي جاي اتهرب منه
فرح:اكو احد بحياتك
احمد:اكلج اني تعبان واريد انام روحي
فرح:لعد طلع كلام رامي صحيح
احمد:شنو قصدك
فرح:انساه الموضوع
تركته وخرجت فعلاً كلام رامي صحيح احمد قد تغير كثيراً هذا ليس احمد القديم
فرح:معقول تغير هيج زين ليش شنو السبب
(لين )
اصبحت الساعة الرابعة مساء عدت الى منزلي عندما دخلت إلى غرفة المعيشة رأيت امي جالسه على الاريكة وكانت غاضبة جداً
نوال:اجتي
لين:شكو
نوال:انتي شنو مسوية اليوم
لين:شنو سويت
نوال:صدك تركتي ياسر
لين:انتي شمدريج
نوال:قبل شوية اتصلت عليه امه وكالت انتي شلون تسوي هيج
لين:ماما ما اكدر اكمل وياه ما احبه
نوال:لعد تحبين هذا الي عافج ولا سئل عنج طول هاي السنوات
لين:جانت عنده ظروف خليته ما يتصل
نوال:حتى لو شلون تضيعين واحد مثل ياسر على مود هذا الصايع
لين بعصبية:ماما لو سمحتي
نوال:انتي شنو تردين ترجعين لاحمد
لين:اي لان احبه
نوال:ولج اي حب هذا ما تشوفين شلون عافج
لين:غير انتو خليتوني انخطب الواحد ثاني وطبيعي يتصرف هيج
نوال:انتي من كل عقلج تحجين
لين:اي
نوال:ولج انتي وين وهو وين شنو هذا الي تردين تزوجينا لج حتى شهادة ماعندة
لين:شنو هذا الحجي ماما انتي من شوكت تفكرين هيج
نوال:من اشوف بنتي تريد تدمر مستقبلها وياه واحد ماعنده شهادة
لين:ماما هذا الي جاي تحجي عليه احمد يعني انتي اكثر وحدة تعرفه
نوال:احبه واعرفه خوش ولد بس مو اخليج تزوجينه
لين:لعد ليش وافقتي على خطوبتنا من البداية
نوال:قبل جان غير وهسة غير
لين:وشنو الشي اللي تغير
نوال:قبل جان يدرس وياكم بس هسة انتو وين وهو وين
لين:انتي مو تدرين شنو ظروفه
نوال:هاي اذا جان كلامه صحيح
لين:شنو قصدج
نوال:يعني اني مجاي اصدك قصة جان بغيبوبة وما اعرف شنو
لين:شنو
نوال:اي الله يعلم شنو جان يسوي كل هاي السنين
لماذا امي اصبحت تتصرف هكذا وماذا تعني بأنها لم تصدق كلام احمد هل يعقل أن في شيء اخر يخفي عنا
ذهبت الى غرفتي غيرت ملابسي ونزلت الى الاسفل
لين:اني طالعه
نوال:وين
لين:رايحة اتمشى شوية
نوال:ماشي
خرجت من المنزل لم اخذ سيارتي صرت اتمشى الى أن انتهت على نفسي بأنني اقف امام منزل احمد بقيت اواقفه في مكاني وكنت مترددة في الدخول او الرجوع فجأة انفتح الباب وخرج احمد من المنزل وكان متفاجئ برؤيتي امامه توترت كثيراً لم اتوقع رؤيته الان كيف سأتحدث معه الان
وبماذا ابدي هل اعتذر منه ام اركض إليه واحضنه ماذا افعل
وفجأة افقل الباب واكمل طريقة لم يلتفت الي حتى وكأنني لست موجودة امامه انصدمت كثيراً وخابت آمالي كلها لم اتوقع بأنه سيتصرف معي هكذا كنت اريد ان اعتذر منه لقد اشتقت إليه كثيراً غيرت مساري وعدت إلى المنزل ذهبت الى غرفتي..
استمرينا على هذا الوضع شهرين احمد يتجاهل وجودي امامه وانا لم اعد اذهب الى منزلهم مثل العادة صرت أتجب رؤيته لا اريده ان ينزعج من رؤيتي واصبحت لا اخرج من المنزل كثيراً اخاف من مصادفته في الطريقة
وفي يوم حين عودتي الى المنزل قمت بتوصيل رامي الى منزله وذهبت لكي اوصل فرح الى منزلها اوقفت سيارتي امام المنزل
لين:يلا انزلي
فرح:تعالي ادخلي شوية
لين:لا ما اكدر اريد اروح ارتاح تعبانه
فرح:تعالي شبيج صارلج هواي مجايه
لين:خليها على غير مرة تعبانة هسة
وفجأة انفتح الباب وخرج احمد
فرح:هلو احمد
احمد:هلو بيج
فرح:وين رايح
احمد:طالع اتمشى شوية
فرح:هسة
احمد:اي
لين:اني رايحة مع السلامة
احمد:لين
لين:نعم
احمد:امج موجودة عنده هسة
لين:شنو ؟....اوف يالله
فرح:اي خوش لعد تعالي ادخلي
لين:لا كلتلج تعبانه واريد اروح ارتاح
فرح:وين ترحين اذا امج هنا
لين:اخذي منها المفاتيح مال البيت عفية فرح:هاي شبيج ليش ما تنزلين
لين:جاي اكلج تعبانه خليها على غير مرة فرح:ماشي هسة راح اجيب المفاتيح
لين:تمام
دخلت فرح الى المنزل وبقينا انا واحمد واقفين امام الباب
احمد:شلونج
لين:الحمدالله وانت
احمد:الحمدالله
صمتنا قليلاً وثم قال
احمد:سمعت خطوبتج انفسخت
لين:اي
احمد:ان شاء الله يعوضج بحسن منه
لين:شكراً وانت هم
وفجأة خرجت والدة احمد وكانت متفاجئ لرؤيتنا معنا وكانت تبتسم
مريم:هلا لين شلونج
لين:هلو خالة شلونج
مريم:تعالي ادخلي ليش واكفه
لين:لا شكراً بس انتظر المفاتيح مال البيت
مريم:وين رايحة تعالي ادخلي ارتاحي عدنا امج هنا
لين:لا شكراً خالة ماكو داعي
مريم:تعالي صارلنا هواي ما شايفينج يله امشي
اجبرتني على الدخول إلى المنزل لم اكن اريد ذلك كنت احاول أن ابتعد عنه دخلت رأيت امي في المطبخ
لين:السلام عليكم
نوال:وعليكم السلام هلا بنتي شوكت اجيتي
لين:قبل شوية انتي شتسوين هنا
نوال:شسوي يعني
لين:ماما انطيني المفاتيح اريد اروح للبيت
والد احمد:ليش تردين ترحين
التفت ورأيت والد احمد يقف امامي
لين:هلو عمو شلونك
والد احمد:بخير بنتي وانتي شلونج
لين:الحمدالله
والد احمد:تعالي عمو اريد احجي وياج
لين:ماشي
والد احمد:احمد... احمد
نزل احمد من الاعلى
احمد:نعم بابا
والد احمد:تعال ويانه نطلع
احمد:وياكم
والد احمد:اني ولين
احمد:بابا عندي شغل هسة
والد احمد:عوف شغلك هسة من ترجع كمل.... لين
لين:نعم
والد احمد:احنا طالعين شوية ونرجع....يله امشوا
خرجنا من المنزل وكنا تسير في الطريق كنت احاول ان ابعد نظري عن احمد وهو ايضاً
والد احمد:شبيكم انتو ليش هيج صايرة تصرفاتكم
احمد:ليش
والد احمد:ليش انت تسوي نفسك ما تدري تره اني منتبه عليكم زين
نظر إلي
والد احمد:انتي ليش مجاي تجي للبيت مالتنا مثل قبل
لين:بصراحة عمي
والد احمد:احجي الصدك مو تجذبين ادري بيج راح تكولين عندي شغل هواي واجي تعبانة ومن هذا الحجي مو ؟
لم ارد عليه لان كلامه صحيح
والد احمد:وانت الثاني شنو هاي تصرفاتك ليش هيج وين احمد القديم احنا عائلة واحد وبينا عشرة عمر ما اريدها تخرب بسبب تصرفاتكم هاي
نظر إلى احمد
والد احمد:احمد ابني تره احنا الي جبرنا لين على الخطوبة هي جانت رافضه الموضوع بس احنا كلنا حاولنا نقنعها توافق يعني هي معليها
احمد:بس اني ما مهتم بهاذا الموضوع
انصدمت عندما سمعت كلام احمد
توقفنا عن السير
احمد:اني ما يهمني الموضوع بعد انخطبت او لا كل هذا بعد ما يهمني واني حجيت هذا الكلام من اول يوم وصلت بيه
وقفت في مكاني ومازلت مصدمة لم استوعب ما اسمع الان هل هذا الشخص هو احمد الشخص الذي حبيته
احمد:اني اسف لين بس هاي هي الحقيقة انتي انخطبتي او لا بعد ما يهمني موضوعج كله
والد احمد:احمد شنو هاي التصرفات
احمد:اسف بابا بس هي هاي الحقيقة لين الي جان بينه انتهى من زمان
والد احمد:اني مجاي اصدك هذا احمد الي جاي يحجي
احمد:عن اذنكم
تركنا وذهب
التفت إلي
والد احمد:بنتي اني ما جنت ادري بهذا كله
لين:بس اني جنت ادري
والد احمد:تدرين؟
لين:اي عمي اني اعرف احمد من سنين طويلة يعني مو يوم لو يومين وادري شنو بداخله من البداية وجنت ادري هذا راح يكون جوابه بس جنت اتجنب احجي وياه حتى ما اسمع هذا الكلام بس انت اليوم خليني اسمع الحجي اللي جنت اتهرب منه طول هاي الشهرين
والد احمد:اعذريني بنتي
لين:ماكو داعي تعتذر يله اني صار لازم اروح للبيت
والد احمد:روحي بنتي
اوصلنا الى المنزل اخذت المفاتيح من امي وعدت إلى المنزل ذهبت الى غرفتي تمددت على السرير وصرت ابكي
(احمد)
عدت الى المنزل ذهبت الى غرفتي واتصلت على ريم
احمد:الو
ريم:الو هلو احمد شلونك
احمد:الحمدالله اكلج
ريم:كولي
احمد:صار الوكت حتى تجين
ريم:شنو
احمد:اي لازم تجين وبأقرب وكت هم
ريم:انت متأكدة
احمد:اي
ريم:ومن راح اجي شنو راح يكولون اهلك فكرت
احمد:لا تخافين ...وخل يجي دين وياج
ريم:ماشي باي
احمد:مع السلامة
وفي اليوم التالي استيقظت من النوم استحممت وجهزت نفسي ونزلت رأيت الجميع على الفطور وكانت اليوم عطلة
احمد:صباح الخير
الجميع:صباح النور
فرح:شبيك شكلك فرحان اليوم
احمد:اي وعندي لكم مفاجأة
مريم:مفاجأة؟
احمد:اي
فرح:شنو هي
احمد:اذا حجيت مراح تصير مفاجأة ولازم تنتظرون شوية بس اروح وارجع
مريم:وين رايح
احمد:اجيب المفاجأة الكم
خرجت من المنزل وانا في الطريق اتصلت على لين
(لين)
كنت اتناول الفطور ورن هاتفي نظرت رأيت رقم غريب اجبت
لين:الو
احمد:الو
سمعت صوت احمد استغربت كثيراً لماذا يتصل بي
احمد:اني احمد
لين:خير
احمد:عندي طلب منج
لين:طلب شنو
احمد:اليوم معزومة عدنا انتي وخالتي
لين:نعم
احمد:اي تعالي
لين:عندي شغل ما اكدر اجي
احمد:بس اليوم جمعة يعني ماكو شغل عندج عطله
لين:عندي شغل بالبيت
احمد:بعدين كملي الشغل اني عندي مفاجأة وانتي لازم تكونين موجودة
لين:مفاجأة شنو
احمد:اذا اكول راح تخرب
صمتت قليلاً
احمد:شنو قررتي
لين:ماشي جايه
احمد:شكراً
اقفلت الخط ونظرت الى امي
نوال:منو هذا
لين:هذا احمد
نوال:احمد شنو يريد
لين:كول اليوم معزومين اني وانتي على بيتهم ولازم نجي
نوال:ليش شنو السبب
لين:يكول عنده مفاجأة والكل راح يجي نوال:ماشي نروح ونشوف
لين:اني راح اصعد اجهز نفسي
نوال:ماشي
ذهبت الى غرفتي غيرت ملابسي وجهزت نفسي ونزلت الى الاسفل كانت امي تنتظرني
نوال:يله امشي
خرجنا من المنزل واتجهنا الى منزلهم وعندما وصلنا وجدنا عائلة رامي ايضاً موجودين
لين:السلام عليكم
الجميع:وعليكم السلام
مريم:هلا بيج ام لين اتفضلوا
نوال:تسلمي
فرح:هلو لين شلونج
لين:بخير
رامي:انتو هم اتصل عليكم احمد
نوال:اي والله اتصل على لين وكال لازم تجين عني مفاجأة
مريم:شنو هي هاي المفاجأة مالته
والد احمد:الله يعلم
همست لي فرح
فرح:اكلج يجوز عرف بنفسه غلطان ويريد يعرض عليج الزواج
لين:لو سمحتي سدي الموضوع
فرح:شبيج صرتي عصبية اهدي
بقينا ننتظر ساعتين وفجأة انطرق الباب وذهب رامي لكي يفتح الباب وكنا ننظر دخل احمد وفجأة دخل ودخلت معه فتاة ومعها شاب
ريم و دين:السلام عليكم
تفاجأ الجميع من رؤيتهم
الجميع:وعليكم السلام
احمد:هذول عائلتي هذا ابويه وهاي وامي وهاي اختي فرح
ريم:اهلا وسهلاً
والد احمد:اهلا بيكم
احمد:وهذا رامي صديقي وعائلته
دين:اهلا وسهلاً
رامي:اهلا بيك
احمد:هاي خالتي نوال
ريم:اهلا
نوال:هلا بيج
احمد:و هاي لين
عندما سمعت الفتاة باسمي التفتت الى احمد وثم نظرت إلي
ريم:مرحباً
لين:مرحباً
احمد:هذا صديقي دين
رامي:هلا بيك
صمت قليلاً وثم نظر إلي وقال
احمد:وهاي ريم مرتي
الجميع بصدمة:شو
