وفجأة امسكت بالسكين وطعنت احمد في بطنه وسقط على الارض
لين:احمـــــــــــد
مالك:لج انتي شنو سويتي
كلوديا:اني كلت اذا احمد مراح يكون الي هم مراح يكون الغيري
شعرت بنار تحترق بداخلي نهضت وامسكتها من رقبتها ودفعتها على الحائط حاولت قتلها
لين:اليوم اكتلج خلاص يا سافلة
كلوديا:راح تموتيني وخري مني
لين:شلون تضربينه راح اكتلج
كلوديا:مالك الحكلي
قبل أن انطق بكلمة ضربني مالك على راسي فقدت توازني وسقطت على الارض
كلوديا:جانت راح موتني هاي التافهه
مالك:كلوديا انتي شنو سويتي
كلوديا:مجان عندي حل ثاني مراح خليها تاخذه ابدا
مالك:امشي خل نطلع منا بسرعة
خرجوا من المنزل وبقينا انا واحمد ممددين على الارض كنت لا استطيع النهوض بسبب الضربة كانت قوية جداً
اخرجت هاتفي واتصلت على رامي
رامي:الو
لين:الو رامي
رامي:لين شبيه صوتج
لين:رامي تعال بسرعة على بيت مالك
رامي:بيت مالك شكو
لين:كلوديا ضربت احمد بالسكين
رامي:شو
لين:تعال بسرعة الله يخليك
اقفلت الخط وجلست بجانبه وضعت يدي على الجرح لكي لا ينزف اكثر
لين:حبيبي فتح عيونك الله يخليك لا تعوفني وتروح احمد تسمعني فتح عيونك
وبعد نص ساعة وصل رامي ومعه سيارة الاسعاف وضعوا احمد بالسيارة وذهبنا الى المستشفى وعندما وصلنا فوراً ادخلوا الى غرفة العمليات
رامي:شلون صار هيج فهميني
لين:لا تسئل اي شي هسة اني مو حمل الاسئلة
كنت ابكي وادعوا ربي ان يشفيه ويعافيه لي وصلت فرح الى المستشفى
فرح:شكو شنو صار احمد وين
رامي:بغرفة العمليات
فرح:عمليات ليش
رامي:نزف دم هواي
فرح:شلون صار هيج شلون ضربته هاي السافلة
وبعدها خرج الطبيب ركضت عليه
لين:طمني دكتور شلونه احمد
الطبيب:لا تخافون حالته استقرت وكدرنا نوكف النزيف
رامي :الحمدالله
لين:اريد اشوفه اكدر اشوفه
الطبيب:اي بس ندخله للغرفة يرتاح بيها وبعدين تكدرون تدخلون تشوفونه
فرح:شكراً دكتور
الطبيب:العفو
احتضنت فرح
لين:احمد ما بيه شي
فرح:اي حبيبتي
رامي:الحمدالله والشكر
فرح:اتصلوا بالشرطة على هذيج السافلة
رامي:بلغتهم قبل شوية
فرح:اي خوش خلي ياخذوها الشرطة هاي السافلة
لين:بس وين هسة هي....
(كلوديا)
كنت انتظر عودة مالك ذهب الى المستشفى لكي يتأكد من حالة احمد لا يزال عايش او ميت وبعد نص ساعة سمعت صوت الباب ودخل مالك
كلوديا:هاا طمني عايش لو ميت
مالك:الحمدالله عايش
كلوديا بصدمة:شنو عايش
مالك:اي
ضربت الطاولة بيدي
كلوديا:الله يلعن
مالك:شبيج مو زين عايش
كلوديا:لا مو زين يبقه عايش لازم اخلص منه
مالك:شنو
كلوديا:اي لازم اكتله
مالك:لعد وين الحب وهاي السوالف
كلوديا:لك يا حب هذا اساس اني ما جنت احبه اني جنت بس اريد احصل عليه وهو رفضني بسبب هذيج الحقيرة وانت تدري اني ما احب احد يرفض طلبي واذا ما اخذت الشي اللي اريد راح ادمره
مالك:بس هذا مو غراض حتى تكسريها اذا ما اخذتيها ولا سيارة حتى تحركيها هذا انسان
كلوديا:بالنسبة لي كلها نفس الشي
مالك:راح شتسوين هسة الشرطة جاي تدور عليج
كلوديا:مراح ادخل للسجن قبل ما اخلص شغلتي
مالك:شنو يعني
كلوديا:يعني لازم اخلص منهم
مالك:شنو انتي تخبلتي تردين تكتليهم
كلوديا:اي وانت راح تساعدني
مالك:مستحيل تردين تورطيني وياج
كلوديا:انت اساس متورط لان ساعدتني مالك:فوك ما ساعدتج
كلوديا:طبعاً لعد تعوفني ادخل السجن
مالك:ومنو كلج تضربينه
كلوديا:جان يستاهل هاي الضربه...
اسمع اريدك تساعدني بموضوع
مالك:خير.....
(لين)
نقلوا احمد الى غرفة خاصة لكي ترتاح وذهبت لرؤيته وكان لا يزال نائماً سحبت الكرسي وجلست بجانبه امسكت بيده
لين:حبيبي ياروحي الحمدلله رجعتلي بخير والله اذا صارلك شي ماجنت راح اكدر اعيش انت النفس مالتي فتح عيونك ياعمري الله مشتاقتلك موت الدنيا من غيرك ما تسوه شي اكعد حبيبي
شعرت به يحرك يديه نظرت إليه بفرح
لين:احمد حبيبي انت تسمعني فتح عيونك ياعمري
فتح عينه ونظر إلي
احمد:مراح اعوفج و اروح
حاولت ان احضنه ولكنه تألم قليلًا ابتعدت عنه
لين:او اني اسفه حبيبي يوجعك شي
احمد:اي عندي وجع
لين:وين الوجع
احمد:هنا
اشار لي الى جبينه قبلته من جبينه
لين:راح الوحع
احمد:لا بعد هنا
اشار لي على خده اليسار قبلته على خده
لين:راح الوجع
احمد:لا بعد هنا
اشار لي الى شفتاه
لين:انت تلعب عليه
احمد:لا صدك توجعني
لين:مممم
احمد:هسة انتي وكفتي على هاي
ابتسمت واقتربت منه وقبلته قبله سريعه من شفتاه وابتعدت
احمد:شنو هاي
لين:شبيك
احمد:وين تكفي هاي البوس
لين:لعد شنو تريد
احمد:اريد وحدة قوية وطويله
لين:لا والله انت مو مريض
احمد:اي وهذا احسن علاج
اقتربت منه وقبلته قبله طويلة وثم بعد لحظات ابعدني عنه ونظر إلي
احمد:اني اسف
لين:على شنو تعتذر حبيبي
احمد:على اللي سويته بحقج
اردت ان اتحدث ولكنه منعني
احمد:خليني اكمل كلامي... اني مجان لازم اشك بيج ولا دقيقة جان لازم اصدك بيج مو اصدك بيهم اعتذر منج سامحيني
لين:ماكو داعي تتأسف حياتي اني بعمري ما زعلت منك ولا راح ازعل وبعدين اللي سويت جان تصرف عادي بالنسبة لكل واحد ممكن يمر بهيج موقف
احمد:بس اني جان لازم اصدك بيج مو بيهم
لين:هذول كلاب ويكدرون يقنعون الواحد بأي طريقة مثل ما خدعني هذا الحيوان وصدكت بيه
احمد:اي بس
لين:خلص حبيبي انساه الموضوع وخلينه نكمل حياتنا المهم احنا سوى هسة وما كدرو يفرقونا
احمد:صح اوعدج راح ابقه يمج ومراح اعوفج ابدا
صمت قليلاً وثم نظر لي
احمد:وين الامانه
لين:امانه؟
احمد:اي الحلقة مالتي شنو تردين تغلسين عليها
ابتسمت واخرجت الخاتم من حقيبتي ووضعته في اصبعه
لين:لا تشيله بعد من يدك
احمد:اني اسف
لين:اوعدني بعد ما تشيله من يدك
احمد:وعد حبيبتي
في اليوم التالي اخرجوا احمد من المستشفى وذهبت الى المنزل
لين:مساء الخير ماما
نوال:مساء النور هاا شنو الاخبار
لين:ماكو شي طلعوا احمد من المستشفى قبل شوية
نوال:الحمدلله لعد راح اروح اشوفه
لين:ماشي واني بس ارتاح شوية واجي نوال:تمام
ذهبت امي الى المطبخ وصعدت الى غرفتي اخرجت ملابسي ودخلت للحمام استحممت وخرجت غيرت ملابسي ونزلت الى الاسفل دخلت المطبخ ولم اجد امي
يبدوا بانها ذهبت قبلي....
(احمد)
انطرق الباب وفتحت فرح الباب ودخلت والدة لين
نوال:السلام وعليكم
الجميع:وعليكم السلام
اقتربت مني وقبلتني
نوال:شلونك خالة حمدالله على السلامة احمد:الله يسلمج
نوال:شلون صرت
احمد:الحمدالله شوية احسن
نوال: قبل شوية اجتي لين وكالت طلع احمد من المستشفى
فرح:شنو ما تجي لين وياج
نوال:لا كالت تجي بس تبدل ملابسها
فرح:اي خوش
جلسوا يتحدثون مع بعض ومرت نص ساعة وانا انتظر لين ولم تأتي
مريم:نجهز الاكل
احمد:لا انتظري خل تجي لين
فرح:اي ميريد ياكل اذا ما حبيبته يمه
احمد:وانتي شكو
فرح:اصبر شوية صير ثكيل
احمد:امشي لج
مريم:صدك اشو تأخرت لين
احمد:راح اتصل عليها
فرح:ولك اصبر شوية يجوز عدها شغل
احمد:اوف منج انتي شتردين مني
مريم:عوفي الولد مريض
فرح:واني شنو سويته يعني
وفجأة رن هاتفي نظرت إلى الرقم كان رقم غريب
احمد:الو
كلوديا:الو هلو احمد
احمد:كلوديا
كلوديا:عفية عليك عرفتني من صوتي شنو صوتي مميز عندك
احمد:اكيد مميز احقر وحده
كلوديا:مقبولة منك حبيبي
احمد:شتردين ليش اتصلي بيه الشرطة جاي تدور عليج
كلوديا:اني ما يهمني هذا الموضوع اني يهمني انت وبس
احمد:كلتلج اني مو الج انتي ما عندج كرامه
كلوديا:انت اساس بعد ما تهمني ولا اريدك اساس
احمد:لعد شكو اتصلتي
كلوديا:اتصلت حتى اكلك عندي شغلة تخصك
احمد:شنو هاي
كلوديا:حبيبة كلبك لين
احمد بصدمة:شو
كلوديا:اي لين موجودة عندي هسة
احمد:انتي شتردين منها اذا سويتي الها شي راح اكتلج خلاص
كلوديا:اذا تريد تنقذها تعال
احمد:وين انتي واني اجي
كلوديا:حتى وانت مريض تجي
احمد بعصبية:جاي اكلج وين
كلوديا:اهدئ لا تصير عصبي مو زين على صحتك
احمد:كلوديا وين لين
كلوديا:انتظر اتصل مني باي
اقفلت الخط وبقيت مصدوم لا اصدق ما يحصل حوالي لقد خطفت لين تلك السافلة
فرح:شنو احمد
نوال:لين شبيها
احمد:كلوديا خطفت لين
الجميع:شنو
نوال:شنو يعني لين مو بالبيت
احمد:اكيد خطفوها من البيت
فرح:راح شنسوي هسة
مريم:لازم نتصل بالشرطة
احمد:لا اخاف تسوي بيها شي
فرح:لعد شلون
احمد:هاي تريدني ولازم اروح
فرح: شلون تروح وانت بهاي الحالة
احمد:لعد شلون اعوف لين عدها
وبعد ربع ساعة اتصلت بي كلوديا واعطتني العنوان وذهبت الى هناك وعندما وصلت
(فرح)
كنا ننظر عودة احمد وفجأة انطرق الباب ذهبت لكي افتحه وتفاجئت برؤية لين امامي
فرح بصدمة:لين
لين:فرح شبيج
فرح:انتي شلون طلعتي لعد واحمد وين
لين:ما افتهمت شنو قصدك
فرح:كلوديا شلون طلعتج بهاي السرعة
لين:كلوديا شنو طلعتني شنو ما افتهمت شي
مريم:انتي مو حنت مخطوفه
لين:مخطوفة شنو لا ماكو هيج شي
فرح:شنو يعني هاي
لين:احمد وين
فرح:احمد.. لين
لين بعصبية:جاي اكلج احمد وين
فرح:قبل شوية اتصلت عليه كلوديا وكلتله لين عندي مخطوفة ولازم تجي وهو راح
لين:وين راح
فرح:عليها
مريم:شنو يعني اخذت احمد بدل لين
لين:اني راح اروح ادور عليه
فرح:اني جايه وياج
لين:اتصلوا برامي خل يبلغ الشرطة
خرجنا من المنزل نبحث عن احمد ذهبت الى منزل مالك ولم نجدهم هناك
لين:ماكو هنا هم
فرح:وين راحوا لعد
لين:انتي ما سمعتي العنوان
فرح:لا كتب العنوان بالورقة واخذها وياه
لين:شلون مصيبة هاي
وفجأة وصلت سيارة الشرطة
تيم:السلام عليكم
لين:وعليكم السلام
تيم:اني الضابط تيم
لين:حضرت الضابط خطيبي مختفي من الصبح لحد هسة ومحد يعرف وين اترجاك ساعدنه
تيم:اهدي ان شاء الله راح يرجع
لين:كلوديا ومالك همه السبب بالبداية ضربته بالسكين وهسة خطفته
رامي:اهدي لين راح يرجع اكيد
لين:يارب
تيم:احنا رحنا على بيت كلوديا وعلى كل الاماكن اللي ممكن يكونون بيها بس ماكو شي
لين:شنو يعني
تيم:لا تخافون احنا اكيد راح نلزمهم وين يروحون يعني همه ممنوعين من السفر
لين:ويجوز سوله شي
فرح:لا تكولين هيج ان شاء الله ماكو شي
لين:هو منا مريض وهسة طلع من العمليات شنو راح يتحمل والله اذا صار بيه شي اذبحها خلاص
مر اسبوع كامل ونحن نبحث عن احمد ولكن لا جدوى من ذلك وفي يوم اتصل بي رقم غريب
لين:الو
كلوديا:الو هلو لين
لين:منو
كلوديا:شنو ما عرفتيني
لين:كلوديا
كلوديا:عفية عليج
لين:وين احمد ولج حقيرة شنو سويته بيه
كلوديا:لا تخافين حبيبج مابيه شي لحد هسة
لين:وينج انتي شنو سويته لاحمد
كلوديا:اذا تردين تشوفينه تعاي على هذا العنوان
اعطتني العنوان وخرجت من المنزل وصادفتني فرح
فرح:شكو شبيج
لين:اتصل كلوديا وانطتني العنوان لازم اروح
فرح:انتظري خل اتصل بالشرطة
لين:ماكو داعي اني رايحة
فرح:انتظري ولج لين.... لين اوف ياالله
وبعد ربع ساعة وصلت الى العنوان كانت عبارة عن صحراء كبيرة ويجد بها كوخ صغير وصلت الى هناك وفجأة انفتح الباب وخرجت كلوديا ومالك من الكوخ
لين:وين احمد
كلوديا:لا تخافين حبيب الكلب جوه
لين:اذا سويتي بيه شي والله اموتج بيدي
ابتسمت بسخرية دفعتها ودخلت إلى الكوخ ورأيته مربوط بالكرسي وينزل بالدماء من كل مكان ركضت عليه واحتضنته
لين:احمد حبيبي شنو مسوين بيك هذول الكلاب
كان مغمى عليه
لين:اني اجيت ياعمري فتح عيونك
كلوديا:لا تخافين ما بيه شي
هجمت عليها حاول ان اقتلها
لين:اليوم اكتلج خلاص
دفعتني بقوة سقطت على الارض
كلوديا:اذا تردين تطلعين عايشة منا اكعدي ولا تسوي مشاكل
لين:اذا صار عليه شي محد راح يخلصج مني
كلوديا:خلصي نفسج بالبداية
تركتني وخرجت ذهبت الى احمد
لين:احمد حبيبي
رفع راسه ونظر لي
احمد:لين
لين:اني يمك ياعمري
احمد:انتي شلون اجيتي
لين:بعدين نحجي بس لازم نطلع منا بسرعة
احمد:شلون
لين:ما ادري بس لازم اكو طريقة نكدر نطلع بيها
وفجأة شممت رائحة شي يحترق
لين:شنو هاي
وفجأة اشتعلت النيران حولنا من كل مكان
احمد:هاي شنو
لين:احمد
احمد:افتحي يدي بسرعة
فتحت يده ونهض وصرنا نبحث عن مكان لكي نخرج منه ولكن لم نجد اي مخرج لنا من المكان وكان يحترق الكوخ بأكمله
لين:احمد هذول راح يحركونه
احمد:لا تخافين راح نطلع منا
ارتفعت النيران بسرعة واصبحت تسقط علينا الاشياء كنت خائفة وارتجف اتقرب مني احمد واحتضني
احمد:لا تخافين ياعمري اني يمج راح نطلع منا صدكيني
صرت ابكي
لين:شلون راح نطلع ما تشوف الكوخ كلة جاي يحترك علينا
احمد:ليش اجيتي لين ليش
لين:لعد ترديني اعرفك الوحدك
نزل راسه وصار يبكي امسكت بيه
لين:احمد... احمد حبيبي باوع عليه احمد
امسكت بوجهه ورفعت راسه
لين:حبيبي اني ما خايفه من الموت اهم شي انت موجود يمي
احمد:ليش اجيتي ليش كله بسبب
لين:اهم شي عندي انت ما يهمني اذا راح اموت
احمد:سامحيني لين
لين:انت اهم شخص بحياتي واني وياك بالحياة او بالموت
احمد:ما اكدر اتحمل اشوفج تموتين كدامي
لين:عندي هاي اسعد لحظة بحياتي لان راح اموت واني يمك
احتضني بقوة وكنا نسمع اصوات التكسر الاغراض كنت احتضنه بقوة شعرت بان تلك اللحظة هاي كانت لحظات الاخيرة بيننا وفجأة سمعنا صوت فرح
فرح:احمد.... احمد.... لين
التفتنا ورأينا الباب قد انكسر وكانت النار قليله حول الباب
لين:احمد الباب
احمد:امشي خل نطلع
امسك بيدي وخرجنا من الكوخ وعندما خرجتا رأيت سيارات الشرطة والاسعاف حولنا ويحاولون اطفئ النيران لم نصدق ما حصل لقد نجونا من الموت احتضني احمد وصرنا نبكي وبعد لحظات اقتربت منا فرح
واحتضنتنا
فرح:الحمدالله والله جنت راح اموت مو الخوف عليكم
لين:الحمدالله
احمد:كلوديا ومالك شنو صار بيهم
تيم:اخذناهم للسجن
لين:الحمدالله
احمد:خلصنا منهم
فرح:جانوا يردون ينهزموا وشفناهم بالطريقة
لين:بس شلون عرفتوا احنا هنا
فرح:من طلعتي طلعت وراح واتصلت على رامي بلغ الشرطة
احمد:اوف الحمدالله... تعالي حبيبتي
اخذني بين احضانه
لين:واخيراً خلصنه
احمد:محد راح يكدر يفرق بينا
لين:صح
فرح:يله امشوا خل نرجع للبيت
امسك احمد بيدي وعدنا الى المنزل
العودة الى الحاضر
احمد:عبالنا المشاكل خلصت بهذاك اليوم بس
دين:عزة هاي شنو هذول
لين:راح شنسوي هسة هذول شنو يردون منه بعد
احمد:ما ادري
تيم:تذكر حادث الطيارة
احمد:اي طيارة
تيم:اللي صارت وياك قبل ثلاثة سنوات
احمد:اي
تيم:همه السبب
الجميع:شنو
تيم:اي بعد التحقيقات بالموضوع اكشتفنا هذا الشي
احمد:انت شنو جاي تحجي
تيم:اي همه السبب بسقوط الطيارة
لين:ياربي دخليك هذول شنو يردون منا تيم:لازم نتنبهون منهم لان بعدهم حاطينكم براسهم
ريم:شنو هذا الانتقام والله غريبين هذول
تيم:يلا اني صار لازم اروح
احمد:ماشي
نهض تيم وخرج من المنزل
(ريم)
عندما خرج الضابط تيم انتهزت فرصة انشغالهم بحديث نهضت وذهبت الى غرفتي اخذت هاتفي واتصلت
ريم:الو
المتصل:الو
ريم:عندي لكم اخبار مهمة
المتصل:شنو
ريم:قبل شوية اجه ضابط اسمه تيم وحجه وياهم
المتصل:بشنو
ريم:عنك انت واختك
مالك:صدك
ريم:اي وعرفوا كل شي اكلك اني خايفه
مالك:من شنو خايفة
ريم:اخاف تنكشف الحقيقة وشسوي اني
مالك:لا تخافين مراح يصير شي
ريم:واذا صار
مالك:كلتلج لا تخافين اني راح احل كل شي
ريم:ماشي يله باي
(مالك)
اقفلت الخط وذهبت الى كلوديا
كلوديا:شنو الاخبار
مالك:يكولون اجه الضابط تيم وفهمهم كل شي
كلوديا:اها
مالك:وهي الغبية راح تخرب كل شي
كلوديا:لا تخاف منها هاي اني راح انهي موضوعها بسرعة وكت
مالك:شنو يعني
كلوديا:يعني راح اكتلها حتى ما تسوي لنا مشاكل
مالك:شنو
