وأصبحنا ننظر الى بعض بصدمه دفعته ونهضت من السرير بسرعة
لين:لك راح شنسوي اجتي امي
نوال:لين وينج
لين:عزة
نهض احمد من السرير
احمد:راح اطلع من الشباك
امسكت بيديه وسحبته إلي
لين:انت تخبلت احنا بالطابق الخامس
احمد:لعد راح شنسوي
لين:اسمع انتظر هنا لا طلع صوت واني راح انزل اشوفها واجي
احمد:ماشي
تركته ونزلت الى الاسفل
لين:ماما ااجيتي
نوال:اي وين جنتي انتي
لين:فوك بالغرفة مالتي
نوال:صارلي ساعة صيح عليج جنتي شتسوي
لين:ما سمعت
نوال:رحت البيت ام احمد وهسة اجيت
لين:هاا
نظرت إلي والدتي وثم اقتربت مني
نوال:شبيج وجهج اصفر
لين:اصفر
نوال:اي انتي مريضة
لين:اي راسي يوجعني
نوال:روحي ارتاحي شوية
لين:وانتي
نوال:اني راح اكعد اباوع على التلفزيون شوية
لين بصدمة:شنو
نوال:شبيج
لين:اقصد صارت الدنيا ليل هسة ولازم تنامين
نوال:بس اني ما نعسانة
لين في نفسها:اذا انتي مراح تنام احمد راح ينام عندي فوك
تركتها وذهبت الى احمد
احمد:هاا شنو الاخبار
لين:امي ما تريد تنام هسة
احمد:وكتها امج تريد تسهر
لين:راح شنسوي هسة
احمد:اذا ما راحت امج ما اكدر اطلع او
لين:او شنو
احمد:انزل من الشباك
لين:انت تخبلت تزل من الشباك
احمد:لعد شلون شنسوي هسة
لين:لازم اكو حل
واصبح يبتسم لي
لين:انت على شنو تضحك
احمد:امج مراح تروح تنام هسة وهذا الشي حلو تعالي خل نكمل لحظاتنا الرومانسية
دفعته بعيداً عني
لين:انت مخبل احنا وين وانت وين
احمد:شنسوي لعد امج ما عاجبها تنام اليوم تريد تسهر اكلج
لين:هاا
احمد:يمكن الحجي راح يجيها اليوم هههههههههههه
لين:شوف اني وين وهذا وين
لين:كله بسببك
احمد:واني شعليه
لين:ليش اجيت للبيت
احمد:فوك ما اجي اشوفج هيج تحجي
لين:وكعتنا بمشكلة هسة
احمد:قبل جانت الشغله سهله بس هسة لين:بقى هنا راح اروح اشوفها
احمد:ماشي
نزلت إلى الاسفل وكانت والدتي جالسة تشاهد التلفاز
نوال:بعدج ما نمتي
لين:لا
نوال:لعد تعالي اكعدي وياي هذا خوش فلم
لين في نفسها:خرب حضي
لين:انتي ما نعسانة مو زين صحتج السهر
نوال:اي اروح انام بس يخلص الفلم
نظرت الى الفلم كان في بدايته
لين في نفسها:ياربي هذا بعد هواي يله يخلص شنو من مصيبة هاي
ذهبت الى احمد
احمد:شنو صار
لين:امي ما تريد تنام هسة
احمد:اذا ما طلعت امج مواعدة الحجي اليوم اني مو احمد
لين:اسكت يمعود..... عندي فكرة
احمد:شنو
لين:الكهرباء لازم نكطعها عليها
احمد:شنو
لين:اي من تنطفي الكهرباء راح تروح تنام
احمد:اي هاي خوش فكرة
نزلت إلى الاسفل وخرجت الى الحديقة من غير ان تراني امي وذهبت الى جهز الكهرباء وقطعت سك الكهرباء على المنزل و انطفأت الكهرباء
لين:واخيراً
دخلت إلى المنزل وعندما اردت الدخول صادفتني والدتي
نوال:هاي منو
لين:اا اني ماما
نوال:لين
لين:اي
نوال:اكلج ليش انطفت الكهرباء
لين:شمدريني
نوال:حرامات ردت اكمل الفلم
لين في نفسها:اذا كملتي الفلم احمد راح يكمل الليلة عندي بالغرفة
نوال:يله راح اروح انام
لين:تصبحين على خير
نوال:وانتي بخير
ذهبت والدتي الى غرفتها وذهبت الى غرفتي
لين:احمد... احمد
احمد:هاا راحت
لين:اي الحمدلله روح هسة
احمد:متأكدة
لين:من شنو
احمد:ترديني اروح
لين:لعد اني ليش سويت كل هاي غير حتى تروح
احمد:خبيثة
دفعته خرج الغرفة
لين:امشي... انتظر احمد
احمد:ترديني ابقى
لين:لا اريد اوصلك للباب لا تطلع امي وتشوفك
احمد:اني اعلمج
لين:امشي
نزلنا من السلم من غير صوت لكي لا تستيقظ امي وعندما وصلنا الى باب غرفتي والدتي سمعنا حركة في غرفتها دفعته ودخلنا الى المطبخ وإختبئنا خلف الثلاجة وكان المكان ضيق جداً فتحت والدتي الباب ودخلت إلى المطبخ ارد احمد ان يقول شيء ولكني وضعت يدي على شفتاه لكي امنعه من التحدث فتحت امي الثلاجة لكي تشرب الماء وفجأة شعرت بيد احمد على خصري حاولت ان ابعد يده عني ولكنه كان يمسك بي بقوة وبعدها خرجت والدتي من المطبخ وذهبت الى غرفتها دفعته بقوة وابتعدت عنها
لين:انت جاي تستغل المواقف
احمد:ششش امج لا تسمع
لين:امشي اطلع بسرعة
اخذته واوصلته الى باب المنزل
لين:واخيراً يله روح
احمد:انطيني بوسه قبل ما اروح
لين:انت ما تشبع امشي روح
احمد:تره صاروا عليج هواي اليوم اني اعلمج
لين:اي هههههههههههه
ذهب احمد اقفلت الباب وعدت إلى المنزل
وفي اليوم التالي
(احمد)
استيقظت الساعة 11:00 جهزت نفسي وجرخت من المنزل وذهبت الى المستشفى التي تعمل بها لين وقفت بعيداً واتصلت بها
احمد:الو
لين:الو هلو
احمد:شلونج
لين:الحمدالله اشو اليوم اجيت وما لكيتك
احمد:جنت نايم اكلج وين انتي هسة
لين:وين يعني بالشغل
احمد:اني واكف يم الباب المستشفى
لين:شنو؟
احمد:اي منتظرج اطلعي بسرعة
لين:ماشي
اقفلت الخط وبعد لحظات خرجت لين واقتربت مني
لين:احمد انت شتسوي هنا
احمد:اجيت حتى اخذج ونروح
لين:شنو
احمد:اي يله امشي
لين:بس عندي شغل اليوم
احمد:لا والله معليه اني عندج شغل او لا لازم تجين
صمتت قليلاً وثم قالت
لين:انتظر شوية هنا هسة اجي
ذهبت الى الداخل وبعد ربع ساعة خرجت تركض
احمد:هاا
لين:يله امشي حليت الموضوع
احمد:يله
رمت علي مفاتيح السيارة
لين:اخذ انت سوق بمكاني
احمد:طبعاً
اخذت المفاتيح وركبنا بالسيارة وذهبنا
لين:وين راح تاخذنا
احمد:مفاجأة
(لين)
وبعد ساعة وقفنا امام حديقة وكانت كبيرة جداً
لين:شنو هاي
احمد:تعالي انزلي
نزلنا ودخلنا الى الحديقة وكانت كبيرة جداً لم ارى حديقة كبيرة هكذا من قبل
لين:هاي شنو من وين عرفت هذا المكان احمد:عن طريق النت
لين:تخبل كلشي موجود هنا
احمد:تعالي
امسكت بيدي واصبحنا نتمشى معاً وفجأة اخرج احمد هاتفه واصبح يلتقط لي الصور في هاتف
لين:تعال خل ناخذ سلفي
احمد:تمام
وقف بجانبي واحتضني والتقطنا صور مع بعض
احمد:انتظري هنا
لين:وين رايح
احمد:هسة اجي
ذهب احمد وبعد لحظات عاد وهو يحمل يده وردة حمراء
لين:شنو هاي
وضعها على شعري والتقط لي صورة وجلسنا على احدى المقاعد وضعت راسي على كتفه وغمضت عيني
احمد:صارلي شكد ما مرتاحي هيج راحة من ثلاث سنوات
فتحت عيني ونظرت إليه
لين:وين جنت كل هاي السنوات ليش ما اتصلت
احمد:كلتلج لا تسألني لان ما اكدر انطيج الجواب
لين:بس ميصير هيج احمد اني من حقي اعرف وين جنت كل هاي السنوات شتسوي جنت ومنو هذول ريم ودين شلون تعرفت عليهم وليش همه عايشين وياكم بالبيت كل هاي الاسئلة براسي ما اكدر ما اهتم بيها
احمد:اكيد راح يجي يوم واجاوبج على كل هاي الاسئلة اللي براسج بس مو هسة
لين:ليش مو هسة شنو الفرق بين هسة وبعدين
صمت لم يرد علي
لين:سكوتك هذا جاي يحيرني احمد راح اتخبل شنو قصتك أنت ليش ما تريد تجاوب اني من حقي اعرف
احمد:لا تضغطين عليه لان ما اكدر انطيج جواب
لين:براحتك
احمد:امشي خل نرجع
خرجنا من الحديقة وعدنا الى المنزل كنا صامتين طوال الطريق اوصلته الى المنزل وعدت إلى منزلي ذهبت الى غرفتي جلست على السرير وصرت افكر لين:لازم اعرف الموضوع بأي شكل لازم اعرف شنو هو الشي اللي ضامه عليه وليش ما تريد تحجي لازم اعرف الحقيقة
(احمد)
الوضع اصبح يزداد سوءاً علي لين تريد أن تعرف الحقيقة وهذا الشيء من حقها ولكن انا لا استطيع أن اخبرها الان لا استطيع ماذا افعل
دين:شبيك صافن
احمد:ماكو شي
دين:شلون ماكو شي
احمد:اوف
دين:امشي خل نطلع نتمشى شوية
احمد:يله
خرجنا انا ودين من المنزل وكنا نتمشى في الطريق
دين:خير احجي الي شنو القصة
احمد:اوف من وين تريدني ابدي
دين:بكيفك
احمد:اني ولين رجعنا تصالحنا
دين:صدك
احمد:اي
دين:لك شوكت صار هذا
احمد:من اسبوع
دين:خرب بيك صارلك اسبوع وما تحجي شي
احمد:ما اجتي فرصة
دين:لا والله
احمد:خليني اكمل الموضوع لا تشلع كلبي
دين:كمل
احمد:لين تريد تعرف الحقيقة
دين:حقيقة شنو
احمد:المرض
دين:شنو ليش لين ما تدري بعدها
احمد:ما كدرت احجي خفت عليها
دين:بس احمد البنيه من حقها تعرف ميصير هيج
احمد:ما ادري شسوي
دين:لازم تحجي الها الموضوع ميصير
احمد:اني محتار وما اعرف شنو اسوي
دين:اسمع احمد لين لازم تعرف هذا الموضوع من حقها لازم تكعد وياهه وتحجي الها كلشي
احمد:يعني انت تريدني اوكف يمها وببساطة اكلها اني مريض وعندي سرطان وراح اموت
رامي:شنو
التفتنا ورأينا رامي يقف امامنا
احمد:رامي
رامي:شنو هذا اللي سمعته
اقتربت منه
احمد:،رامي الموضوع مو مثل ما تعتقد بصراحة
رامي:لا تجذب احمد احجي الحقيقة الله يخليك اللي سمعته صحيح
لم ارد عليه
رامي بصراخ:احجي ليش ساكت
احمد:اي
احتضني واصبح يبكي بصوت عالي
احمد:اهدئ رامي
رامي:لك شلون يصير بيك كل هذا ما تحجي شلون
احمد:ما ردتكم تنقهرون
رامي:يعني تريد تشيل الهم بس انت الوحدك شلون
احمد:اني من هيج ما ردت احد يعرف
رامي:ليش ياربي ليش
دين:اهدئ شوية انت لازم تساعده
رامي:انت مراح يصير لك شي تسمع مراح تموت لازم تروح تتعالج وين ما جان
احمد:لا تخاف الدكتور كال وضعك جاي يتحسن شوية يعني اكو امل
رامي:اكيد اكو امل ان شاء الله
في اليوم التالي
(لين)
فرح:خلصت شغل
لين:واني هم اليوم تعب مو
فرح:اي صدك
لين:اكلج رامي وين
فرح:ما ادري
لين:ما ادري شبيه بس تصرفاته غريبة اليوم
فرح:هاا يمكن
لين:احجي وياه بس صافن
فرح:يجوز متعارك وياه بنيه من صديقاته
لين:هو من شوكت يهتم للبنت اصلا يجرح بيهن ولا يهتم
فرح:اي صدك
لين:تعالي خل نروح للكافتيريا نشرب شي
فرح:يله
اردنا الخروج ورأينا رامي يتمشى وكان شارد الذهن اقتربت منه و لوحة له بيدي
لين:شبيك اليوم
رامي:هاا ماكو شي
لين:شلون ماكو شي وانت بس صافن صاير شي
رامي:لا
لين:شنو اليوم ضربتك بنيه بوري وضايج
ابتسم لي ابتسامة خفيفة وذهب
ماذا يحدث معه لماذا يتصرف هكذا
لين:لج شنو قصته هذا
فرح:خلي بعدين راح نعرف اكيد راح يحجي
لين:انتي ليش ما مهتمه للموضوع تعرفين شبيه
فرح:اني لا طبعاً من وين راح اعرف شبيه
لين:ما ادري ...امشي يله
ذهبنا الى الكافتيريا وجلسنا نتناول القهوة
لين:اموت واعرف شبيه رامي
فرح:هسة انتي ليش تردين تعرفين الموضوع عوفيه
لين:مو هاي اول مرة اشوف رامي هيج مقهور
لم تقل شيئاً
لين:ما ادري ليش احس بيج تعرفين شنو الموضوع
فرح:من وين اعرف
لين:من وين؟
فرح:اوف منج كلتلج ما اعرف شي
لين:تمام راح اصدك بيج هاا اريد اكلج شي
فرح:شنو
لين:اني واحمد رجعنا البعض
فرح:شنو
لين:اي والله
فرح:جذابه
لين:جاي اكلج والله
فرح:شوكت وشلون
لين:صارلنا اسبوع
فرح:اسبوع ما تحجي شكد حقيرة
لين:هههههههههههه
فرح:شوكت تصالحتوا
لين:من رحتوا للحديقة هكذا اليوم
فرح:صدك
لين:اي وكالي كلشي
فرح:شنو؟
لين:اي حجه احمد الحقيقة وكال...
فرح:دقيقة انتي تعرفين الحقيقة
لين:اي
فرح:شلون كلج
لين:أسئلته وجاوبني
فرح:يعني انتي هسة تعرفين كل شي
لين:اي كل شي اعرف بس احمد...
فرح:لعد ليش ما كال احمد انتي تعرفين الحقيقة
لين:يمكن ما يريد احد يعرف زواجه من ريم جذبه حتى تبقى عدكم
فرح:اي صدك هي باقية هنا بس على مود العلاج
لين:علاج؟
فرح:اي مو هي دكتورة مال احمد وجاي تساعده بالعلاج
لين:علاج شنو؟
فرح:شبيج علاج احمد
لين:ليش احمد شنو بيه
فتحت عينيها بصدمة
لين:جاوبيني فرح شنو الموضوع
فرح:انتي مو كلتي احمد كلج الحقيقة
لين:اي حقيقة زواجه من ريم وما قبل يكول ريم ليش باقيه عدكم بس انتي شنو كلتي قبل شوية
فرح:اي هو هذا الموضوع ماكو شي ثاني
لين:لا اكو شي وانتي تعرفين
فرح:اعرف شنو شبيج انتي اليوم خلصتي من رامي اجيتي عليه
واصبحت تضحك وكانت متوترة كثيراً
لين:فرح لا تغيرين الموضوع جاوبيني بصراحة انتو شنو ضامين عليه
فرح:لج الموضوع مو مثل ما انتي مفكرة
لين:جاي اكلج جاوبيني بصراحة وبدون جذب شنو الموضوع
فرح:ما اكدر اكلج
لين:ليش ما تكدرين
فرح:اني انطيت وعد لاحمد انو ما اكلج شي
لين:فرح اذا ما حجيت شنو الموضوع اقسم بالله بعد ما اعرف ولا تعرفيني
فرح:لين اترجاج اني انطيت وعد لاحمد لين:تحجي لو لا
صمتت قليلًا
فرح:احمد راح يزعل مني
لين:احجي فرح
فرح:لين احمد مريض
لين:مريض شنو عنده
ترددت كثيراً في التحدث ونزلت دموعها
لين:بشنو مريض احجي
فرح:سرطان الدماغ
فتحت عيني على وسعها
فرح:صارله ثلاث سنوات يعني اول ما سافر عرف بهاذا المرض وبقى هناك حتى يتعالج بس بعدين قرر يرجع و ريم ودين هذول الدكاترة مالته اللي جانوا يعالجونه هناك
لم اعد استوعب ما يحدث حولي ولم اعد استمع إليها
فرح:هو مجان يريد يكلج حتى ما تنقهرين وهذا السبب رفض يتزوجج يكول ما اريدها تصير ارمله وهي بعدها صغيرة
واصبحت تبكي
فرح:لين لا تبقين ساكته هيج احجي شي
نهضت وجلست بجانبي
فرح:لين شبيج لا تخوفيني عليج الله يخليج
لين:وين تلفوني
فرح:شنو
لين:اريد تلفوني
فرح:عندج شبيج
لا استطيع أن احرك يدي كنت ارتجف جميع انحاء جسمي يرتجف اخرج الهاتف واتصلت على احمد
لين:الو
احمد:الو هلو حبيبتي
لين:انت وين
احمد:اني بالبيت
لين:اريد اشوفك بعد نص ساعة بالحديقة اللي يم بيتكم
احمد:خير لين شبيج
لين:تعال فوراً
اقفلت الخط ونهضت
فرح:وين رايحة لين
تركتها وذهبت كنت اقول بسرعة لم اسيطر على نفسي وبعد نصف ساعة وصلت الى الحديقة ولا اعلم كيف استطعت الوصول الى هناك نزلت من السيارة ودخلت إلى الحديقة وعندما دخلت رأيته ينتظرني اقترب مني
احمد:حبيبي شبيج
كنت انظر إليه فقط لم اقل شيء
احمد:لين شنو صاير شبيج
امسكت بقميصه وصرت ابكي
لين:ليش احمد ليش
احمد:شنو
سقطت على الارض وصرت ابكي بصوت عالي جلس بجانبي
احمد:لين حبيبتي شبيج ليش تبجين
لم استطيع التحدث
احمد:لين شنو صاير
لين:عرفت كل شي احمد كل شي
احتضنته بقوة وصرت ابكي على صدره لين:عرفت ليش ما تريد تزوجني عرفت شنو سبب تصرفاتك هاي كلها
ابتعد عندي وامسكني ومن وجنتي
احمد:لين... اسمعيني لين
لين:ليش احمد ليش ما حجيت الي ليش بقيت ساكت
احمد:على مود هذا السبب حتى ما اشوفج مقهورة
لين:جان لازم تحجي اني من حقي اعرف ميصير تاخذ القرار الوحدك
احمد:انتي مو كلج
لين:مو مهم منو كلي المهم عرفت ومراح خليك تعرفني وتروح
احمد:مراح اعرفج منو كلج راح اعوفج
لين:اي انت مراح تعوفني اني مراح اسمح لك تروح
احمد:اكيد راح ابقى يمج طول عمري
لين:احنا لازم نزوج وفوراً
احمد:شنو
لين:اي لازم نزوج
احمد:لين انتي واعيا لكلامج
لين:اي واعيا لكلامي لازم نزوح بسرعة
احمد:مستحيل
لين:لا مو مستحيل اني قررت وانت لازم تنفذ قراري
احمد:لين اسمعيني
لين:انت اسمعني اذا ما تقبل تزوجني راح اسوي شي مراح يعجبك
احمد:لين بلا خبالات مالتج
لين:اذا ما تقبل راح خليك تشوف الخبل زين
احمد:لين بلا تهور فكري
لين:فكرت وقررت وهسة اجه الدور عليك لازم تواقف والا
احمد:انتي جاي تهدديني
لين:اقسم بالله اسوي شي مراح يعجبك
احمد:ادري بيج مخبلة وتسوين اي شي
لين:شنو قررت
ابتسم لي
احمد:مواقف
احتضنته بقوة
لين:مراح خلي شي ياخذك مني
احمد:احبك
لين:حياتي انت
اتصلنا على فرح وطلبنا منها ان تجمع العائلة كلها لكي نخبرهم بقرارنا الذي اخذنا وذهبنا الى منزل عائلة احمد طرقنا الباب وبعد لحظات فتحت فرح الباب ودخلنا وانا امسك بيد احمد تفاجئ الجميع
لين:اني واحمد قررنا نزوج
الجميع:شنو
لين:اي قررنا نزوج بعد شهر واحد
والد احمد:انتو تحجون صدك
لين:اي
مريم:شوكت رجعتو وشوكت قررت
لين:رجعنا البعض من اسبوع وقررنا الزواج اليوم
رامي:واو
دين:هذا احسن خبر
مريم:اي والله احسن خبر هذا
واصبح الجميع يبارك لنا وكانوا سعداء جداً ولكني انتبهت على ريم لم تأتي لكي تبارك لنا وكانت مصدومة
احمد:ريم... ريم
ريم:هاا
احمد:شبيج
ريم:مابيه شي
لين:ماكو مبروك
ريم:او اسفه بس من الصدمة ما انتبهت على نفسي
اقتربت منا واحتضنتني
ريم:مبروك حبيبتي
لين:شكراً
ريم:مبروك احمد
احمد:،يوم الج
ريم:اني راح اروح هسة اجي
تركنا وذهبت
(ريم)
لا اصدق ما سمعته سوف يتزوجون لقد خسرت كل شيء كل شي خططت له انتهى الان لا اصدق ذلك كيف حدث هذا ولماذا لم انتبه لهم لقد خسرت لا لا انا لن اخسر لن اسمح لهم بان يتزوجوا مهما حدث ابدا سوف افعل اي شيء لكي امنع هذا الزواج لين لن ادعك تربحين علي مهم حدث سوف اخذ احمد منك وبأي طريقة وهذا وعد مني الزواج لن يتم طول ما انا على قيد الحياة لن ادعكم تتزوجون
خرجت الهاتف واتصلت
ريم:الو
المتصل:الو
ريم:عندي لكم خبر راح يصدمكم
المتصل:شنو
ريم:لين واحمد راح يتزوجون....
