اظن بان هناك شيء تخفي عني ارادت ان تقوله ولكن دخول احمد منعها نهض من مكاني
لين:يله صار لازم اروح
فرح:ماشي
لين:دير بالج على نفسج
فرح:ان شاء الله
لين:يله مع السلامة
فرح:باي
خرجت انا من غرفتها وبقيت هي واحمد
(احمد)
عندما خرجت من غرفتي سمعت صوت بكاء فرح اردت أن اذهب إليها ولكنني عندما اقتربت من الباب سمعتها تتحدث مع لين ارادت ان تقول لها الحقيقة ولكني دخلت في الوقت المناسب ومنعتها عندما دخلت خرج لين وبقيت انا وفرح جلست بجانبها على السرير
احمد:انتي شنو جنتي راح تسوين
فرح:شسوي
احمد:جنتي راح تحجين الها كل شي لو ما سمعتج فرح احنا شنو اتفقنا
فرح:احمد اني
احمد:خليتيني اندم لان حجيت الج الحقيقة
فرح:اني اسفه بس ضعفت شوية
احمد:لازم تكون قوية
فرح:بدل ما اني انطيك القوة انت تنطيني
احمد:ليش ولج شايفتني مو قوي اصلا احسن منج هههههههههههه
ابتسمت بخفه
احمد:اي هيج احسن فرح
فرح:هاا
احمد:عفية ما اريد احد يعرف رجاءً
فرح:ماشي
احمد:ولا تخلين امي وابوية ينتبهون اوكي
فرح:اوكي
احمد:يله لعد كومي خل ننزل نتغدى لان راح اموت من الجوع
رمت بنفسها علي واحتضنتني
فرح:لا تكول راح اموت عفية
احمد:ماشي لعد كومي اني ميت من الجوع
ضربتني بخفه على يدي
فرح:احمد
احمد:ولج شسوي جوعان هههههههههههه
ابتعدت عني وخرجنا من الغرفة وكانت تحتضني وعند نزلنا رأيت رامي
رامي:شنو هاي جو الاخوه مالتكم
فرح:وانت شعليك
رامي:صرتي زينة يكولون عليج راح تموتين
فرح:ان شاء الله انت ليش اني
رامي:اموت وشلون اعوف كل هاي البنات
احمد:احجي الي شنو اخبارك وياه البنات شكد صاروا
رامي:لا تعد احسن
احمد:عزة بعينك هههههههههههه
مريم:يله يمه همزين نزلوا الاكل جاهز
وفجأة انفتح الباب ودخل دين
دين:السلام عليكم
الجميع:وعليكم السلام
احمد:وين جنت
دين:رحت اشوف صديقي
كان يقصد الدكتور الذي يقوم بمعالجتي احمد:هااا
رامي:شنو اخبارك بالهندسة المعارية
دين:تمام
رامي:جاي شتسوي هسة يعني شنو سويت شغل
ابتسمت بداخلي ماذا سيفعل الان دين
دين:هااا عوفك من الشغل مليت منه من الحجي تعال خل نتفرج على التلفزيون
رامي:ماشي
دخل رامي لغرفة المعيشة وبقينا نحن اقترب مني دين وهمس لي
دين:ما لكيت غير مهندس شسوي هسة
احمد و فرح:هههههههههههه
تركنا ودخل
فرح:خطية راح ينحط بهاي المواقف هواي وخصوصاً من رامي
احمد:خليه هههههههههههه
دخلنا إلى المطبخ عندما دخلت رأيت لين في المطبخ تعد الطعام مع امي وريم
فرح:انتي شتسوين هنا ومو على اساس رحتي
مريم:لا اني خليتها تبقه صارلنا هواي ما شايفيها
فرح:اي خوش
احمد:اني راح اروح عن اذنكم
تركتهم وذهبت اجلس مع الشباب
احمد:جاي شنو تابعون
رامي:فلم كولش حلو
جلست اتابع معهم وبعد لحظات احضروا لنا الغداء
احمد:يله امشوا خل نتغدى ومن يخلص نرجع نشوفه
جلس الجميع على طاولت الطعام وجلسنا نتناول الطعام
فرح:شلون الشغل بغيابي
رامي:ضوجة والمستشفى كلها تبجي عليج والله انقهرت عليهم
الجميع:هههههههههههه
فرح:انجب هههههههههههه
ريم:شنو تخصصكم
لين:جراحة وانتي
ريم:تخصص المخ والأعصاب
لين:زين
رامي:تذكرت العرس
لين:اي ههههه
فرح:عرس شنو
لين:ولج اليوم راح عليج موقف يخبل رومانسي
فرح:شنو
رامي:اليوم تزوجوا ولد وبنيه بالمستشفى
فرح:لا والله
ريم:شنو
لين:اي
فرح:شلون صار
لين:خطية على اساس اليوم جان عرسهم بس البارحة تخربط الولد ونقلوا على المستشفى وبعد ما سوله الفحوصات اكتشفنا عندما مرض خبيث
مريم:عزة
والد احمد:خطية شنو صار
اصبحت فرح تنظر إلي ابتسمت لها
لين:وجان لازم يدخل للعملية اليون بس البنيه اصرت تزوجة اليوم قبل ما يدخل للعمليات وتزوجوا بالمستشفى
مريم:حلو
لين:اي كلش حلوة ما تركت حبيبها حتى لأخر لحظة
احمد:بس اني جاي اشوف تصرف البنية غبي
لين:ليش
احمد:ليش حتى تزوج واحد ما تدري بيه راح يعيش او لا ما تخاف تصير ارمله
لين:اذا جانت تحبه ما يهمها اذا صارت ارمله او لا اهم شي بقت وياه وما تركته باللحظة الأخيرة وانطته لحظات من السعادة هذا الشي برأيي ذكاء مو غباء
نهضت من مكاني
احمد:عن اذنكم اني شبعت
تركتهم وذهبت الى غرفتي
احمد:جان قراري صحيح همزين ما كلتلج الحقيقة والا جان وافقتي تزوجيني
ريم:واذا
التفت ورأيت ريم
ريم:ممكن ادخل
احمد:اي تعالي
دخلت وجلست بجانبي
ريم:اليوم لين انطتك الجواب على السؤال اللي جان شاغل بالك
احمد:جوابها غلط
ريم:ليش غلط بالعكس اني جان اشوف عندها حق بكل كلمة كالتها وانت لازم تعيد تفكيرك وترجع تفكر
احمد:لا مستحيل اني اخذت قراري
ريم:بس هذا الموضوع جان لازم تشاركها بيه مو بس انت تتخذه الوحدك
احمد:اني اعرف شنو راح يكون جوابها وانتي هم سمعتي اليوم
ريم:اي وهذا الشي حلو وبعدين انت شمدريك يجوز وجودها يمك راح ينطيك التحسن اكثر واسرع
احمد:هذا اذا اكو امل
ريم:بس انت عندك امل
احمد:شكد 5 % هذا هم تسمي امل
ريم:الناس تدور حتى على 1% وانت 5 وفاقد الامل
احمد:يله هسة نحجي بعدين
ريم:اي ابقه تهرب من الموضوع احسلك احمد:اي وامشي خل ننزل
خرجنا من الغرفة ونزلنا الى الاسفل
كانوا الجميع جالسين يتحدثون مع بعض
رامي:همزين اجيتوا تعالوا خل نلعب
فرح:اييي
دين:شنو نلعب
فرح:نلعب سؤال وجواب
ريم:اي حلو
لين:اني ما العب
احمد:ولا اني
رامي:اهووو ليش
ريم:لكم لعبه حلوة تعالوا
احمد:ادري بيها لعبه حلوة بس ما الي واهس العبها
رامي:لا تخافوا مراح انطيكم اشياء محرجة
نظرت الى لين وتذكرت الايام الماضية
رامي:يله راح اسألج سؤال
لين:كول
رامي:كم مرة بستي احمد
لين:عزة ولك شنو هذا الحجي
غمزة لها
احمد:عد اذا تكدر تعد
فرح :او هههههههههههه
لين:انجبوا هي اربع مرات
احمد:ليش تجذبين اريع مرات شنو
لين:اي اربع مرات من الخدود
فرح:اربع مرات من الخد لعد من الشفايف شكد
احمد:كلتلكم عدو اذا تكدرون تعدون
رامي فرح:هههههههههههه
لين:كبر لفك
فرح:خجلت هههههههههههه
احمد:هههههههههههه
رامي:لعد عندي لكم شغله
احمد:شنو
رامي:راح اطلب منكم واحد يبوس الثاني لمدة ثلاثة دقائق بس بدون نفس واللي يكطعها قبل ما تخلص ثلاثة دقائق هو الخسران
صرت اصفق بيدي
احمد:اي حلوة هاي اللعبه
لين:امشي ولك لا مستحيل
فرح:امشي لج قبل شوية فضحج احمد
رامي:يله ابدو
لين:امشي لك شنو هاي
احمد:تعالي شلعتي كلبي
سحبتها من يدها وقبلتها امام الجميع
فرح:هااااا هاي شنو ولكم
رامي:دوري وجهج ولج
لم تستطيع أن تتحمل اكثر دفعتني بعيداً عنها واصبحت تتنفس بصعوبة
لين:عزة بعينك ختنكت
احمد:اني فزت هههههههههههه
لين:هاهاهاهاها
استيقظت من ذكرياتي على صوت رامي
رامي:وين صافنين انتو الاثنين تلعبوا لو لا
لين:اني ما اريد
احمد:واني هم
ريم:شبيك تعال بس شوية
احمد:ماشي
جلست بجانب ريم
رامي:وانتي تجين
لين:كلتلك لا
والد احمد:امشي خل نطلع احنا
مريم:يله
رامي:وين عمي
والد احمد:انمشي شوية
خرجوا والداي وبقينا لوحدنا نلعب وابدوا الجميع في اللعب
ادار رامي الزجاجة ووقفت عليه
رامي:اوو
الجميع:هههههههههههه
احمد:اني راح اسئلك
رامي:يله
احمد:سؤال لو تحدي
رامي:سؤال
احمد:ممم
فكرت قليلاً لماذا اسئلة
احمد:هاا كم بنيه ضربتك بوري بحياتك
ضحك رامي بصوت عالي
فرح:هااا
رامي:شنو هذا السؤال المحرج
الجميع: هههههههههههه
دين:يعني نضربت بوري
رامي:اي شكد هههههههههههه
لين:ومسوي نفسك روميو
الجميع:هههههههههههه
رامي:يله كملوا
ادارت فرح الزجاج ووقفت على دين
فرح:سؤال لو تحدي
دين:سؤال
فرح:عندك حبيبة
دين:والله لحد هسة جاي ادور على البنيه المناسبة بس ما لكيت
رامي:ليش ماكو بنيه مناسبة
دين:اريد مواصفات
رامي:لعد شغلتك طويلة
ادار رامي الزجاجة ووقفت علي وصرخ رامي
رامي:ايييي واخيراً اني منتظر هاي لحظة من اول ما بدت اللعبة
احمد:ما اريدك انت خل يسئل واحد غيرة ياجماعة
رامي:لا لا ميصير هيج
ريم:لا عادي
رامي:شبيك خايف من السؤال
احمد:لا بس ما اريدك تسألني انت
واصبح الجميع يتجادلون حول السؤال بصراحة لم اكن اريد لرامي ان يسألني لأنني اعلم جيد ما هو السؤال الذي يدور في راسه
ريم:خلص لا تتعاركون عندي حل
فرح:شنو
ريم:واحد من برا اللعبة يسئل احمد
رامي:لا ميصير هيج
احمد:يا اخي اني ما اريدك تسألني
دين:من راح يسئل احمد
ريم:لين
احمد بصدمة:شنو لا
بالنسبة لي لين اصعب من رامي
لين:لا طبعاً شعليه اني
فرح:صارت مشكلة وانتي راح تحليها
لين:ليش اني شعليه
دين:يمعودين راح تخربون اللعبة
لين:اوف تمام
احمد:الله يلعن
ريم:شنو
احمد:الله ياخذج على هذا الاقتراح
ريم:بالخدمة
لين:سؤال لو تحدي
احمد:لا تحدي
لا اريدها ان تسألني لذلك اختارت التحدي افضل بالنسبة لي
رامي:مع الاسف راح عليك احمد
صمتت لين طويلاً يبدوا بأنها تفكر ماذا تختار لي نظرت إلي وابتسمت
لين:تتذكرون اخر مرة لعبة هاي اللعبة
رامي:طبعاً وخصوصاً تحدي احمد
لين:تمام تذكر تحدي ثلاث دقائق
رامي:هااا
احمد في نفسه:هاي شتريد تسوي
لين:اريدك ترجع تسوي
فرح بصدمة:شو
رامي:شنو هاي
ريم:دقيقة اني ما افتهمت شنو هذا التحدي
دين:ولا اني
رامي:دقيقة لين انتي تردين احمد...
لين:انتظر لحظة اني مكملت كلامي بعد راح يكون بين احمد و ريم
احمد بصدمة:شو
فرح:هااا
رامي:شوف واني راح تفكيري
لين:لا تخلي تفكيرك يروح بعيد مرة ثانية
رامي:صح
كنت اعلم بأنها سوف تفعل ذلك انها تريد أن تعلم هل علاقتي بريم حقيقة ام كذبه ماذا افعل الان لا أستطيع تقبيل ريم لانها صديقي ولا استطيع أن ارفض سوف تنكشف كذبتي
لين:شبيك صافن لهل درجة الموضوع صعب عليك
لم ارد عليها
احمد:بطلت ما اريد العب
تركتهم ونهضت
وصار الجميع ينظرون الى بعضهم البعض
(لين)
طلبت ذلك الطلب منه لكي اعلم هل هو حقاً يحب زوجته ام لا ولكنه رفض تقبيلها هذا يعني بانه مازال يحبني ولكن لماذا يتصرف معي هكذا
صاروا الجميع ينظرون إلي نهضت
لين:اني صار لازم اروح للبيت
رامي:واني هم
ريم:مع السلامة
لين:مع السلامة
خرجت من المنزل وكنت بداخلي اشعر بالسعادة ولكن هناك اسئلة كثيرة في راسي اريد اجابه عليها
رامي:بشنو جاي تفكرين
لين:احمد ليش ما قبل يسوي التحدي
رامي:بصراحة ما ادري
لين:هي مو مرته ليش ما قبل لعد
رامي:ما ادري
وصلنا الى المنزل رامي
رامي:يله مع السلامة
لين:مع السلامة
اوصلت رامي وعدت إلى المنزلي دخلت إلى غرفتي وبقيت افكر طوال اليوم
(فرح)
ذهبت الى غرفة احمد وعندما دخلت وجده يجلس على السرير ويضع يده على راسه ركضت عليه
فرح:احمد بيك شي راسك يوجعك
احمد:لا شبيج
فرح:خوفتني عبالي راسك يوجعك
احمد:لا مابيه شي
فرح:شبيك
احمد:ماكو شي
فرح:انت ليش ما سويت التحدي اليوم
احمد:ما كدرت اسوي
فرح:على مود لين
احمد:مو بس على مود لين ريم صديقتي ما اكدر اللعب بمشاعرها على مود اثبت الين اني نسيتها ما اكدر
فرح:صح
احمد:واني ادري لين ليش سوت هيج
فرح:ليش
احمد:على مود تعرف اني احب ريم او لا
فرح:بس انت هيج خليتها تعرف الحقيقة انت ما تحب ريم
احمد:راح احاول اشوف حل لهذا الموضوع
فرح:ليش ما تحجي الحقيقة ليش تجرحها هيج
احمد:ما اكدر اخليها تعرف الحقيقة
فرح:احمد فكر بالموضوع قبل ما تسوي شي تره لين من حقها تعرف وهي الي تقرر مو انت وبعدين لنفرض عرفت بعدين شنو راح تسوي اكيد راح تنقهر لان انت اخذت القرار الوحدك من غير ما تشاركها بيه لو تاخذ رأيها
صمت قليلاً
فرح:فكر بكلامي قبل ما تسوي شي
في اليوم التالي
(ريم)
استيقظت على صوت الباب يقفل يبدوا بان احمد خرج نهضت من السرير غيره ملابسي وعندما فتحت الباب سمعت احمد يتحدث مع فرح
احمد:فرح اني فكرت بكلامج وقررت
فرح:شنو قررت
احمد:راح احجي الحقيقة الين
فرح:صدك
احمد:اي لين لازم تعرف الحقيقة
فرح:عفية عليك هذا احسن قرار
احمد:لازم اعتذر منها ماكدر خليها زعلانة اكثر من هيج
فرح:ياعيني عليك هسة راح تجي روح انت وياهه بالمكان مناسب واحجي وياهه
احمد:لا مو هسة
فرح:لعد شوكت
احمد:اليوم اتصل عليج واكلج
فرح:ماشي انتظر اتصالك
احمد:تمام
ذهب احمد ودخلت إلى غرفتي واقفلت الباب انصدمت عندما سمعت حديثهم احمد سوف يخبر لين بالحقيقة وأن علمت لين بالحقيقة سوف تعود إليه وانا اخسر احمد واخسر كل شيء معه انا احبه من زمان ولا اريد لتلك التافهه بان تاخذ مني يجب أن امنع احمد من الحديث معها ولكن كيف يجب أن افكر بالطريقة سريعه
نزلت إلى الاسفل ورأيت احمد في غرفة المعيشة وكان متوتر قليلاً يبدو بانه ينتظر لين
احمد:ريم
ريم:صباحوو
احمد:صباح النور شوكت كعدتي
ريم:قبل شوية شعجب كاعد من وكت
احمد:ما اجاني نوم
ريم:ليش
احمد:ماكو شي بس
ريم:بس شنو
احمد:عندي موضوع مهم اليوم
ريم:خير
اقترب مني وجلس بجانبي وكان شكله مبتسم جداً
احمد:اليوم قررت احجي وياه لين
ريم:تحجي وياه لين على شنو
احمد:على الحقيقة
ريم:شنو قررت تحجي
احمد:اي شنو رأيج
ريم:هاا اي خوش فكرة واخيراً وافقت
احمد:اي بصراحة ما اكدر اضم عليها اكثر من هيج وقررت احجي كل شي
ريم:يعني راح ترجع الها
احمد:شي اكيد
ريم:وراح تعرف انت مريض
احمد:راح خليها هي تقرر تبقه وياه او لا مع انو اني اعرف شنو راح تختار
ريم:اكيد راح تبقه وياك مو
احمد:شفتي حتى انتي تعرفين
وفجأة انطرق الباب
احمد:هاي اكيد لين
ريم:ممم
ذهبت والدته وفتحت الباب
لين:السلام عليكم
مريم:وعليكم السلام هلا بنتي شلونج
لين:الحمدلله اكلج خالة فرح جهزت
مريم:اي تعالي اتفضلي
لين:لا ماكو داعي
فرح:يله اني جيت
نزلت فرح من الاسفل نظرت الى احمد وغمزة إليه بعينها وخرجت
فرح:يله باي
احمد:باي
تركوا المنزل وخرجوا
الساعة الثانية ظهراً (لين)
اصبحت الساعة الثانية ظهراً انهيت عملي وذهبت الى الكافتيريا لكي احتسي القهوة وبعد لحظات وصلت فرح
فرح:انتي هنا واني صارلي ساعه دور عليج
لين:خير شكو
فرح:روحي بسرعة للمطعم الي يم بيتنا لين:شنو ليش؟
فرح:بصراحة قبل شوية اتصل عليه رامي وكال خلي لين تجي هناك بسرعة
لين:ليش شكو
فرح:ما ادري ليش وجان مستعجل اعتقد صاير عنده شي
لين:ماشي اكلج ما تجين وياي
فرح:لا اني عندي شغل هواي وما اكدر اجي روحي انتي
لين:ماشي
فرح:بس بسرعة
نهضت بسرعة وخرجت من الكافتيريا ركبت بسيارتي واتجهت الى هناك وكنت طول الوقت اتصل على رامي كان هاتفه مغلق وبعد نصف ساعة وصلت الى هناك وضعت سيارتي وفي الكراج وذهبت ابحث عنه وعندما دخلت تفاجأت بالذي رأيته امامي ....
(احمد)
احمد اتصلت على فرح وطلبت منها أن تحضر لين الى المطعم الذي بجانب منزلنا وذهبت الى هناك قبلها و انتظرتها هناك ولكن بدل من ان تأتي لين جاءت ريم وكانت تركض باتجاهي وكانت مرعوبة جداً
نهضت بسرعة
احمد:ريم شبيج
ريم:انت بخير ما بيك شي
احمد:لا مابيه شي
ريم:متأكدة
احمد:جاي اكلج مابيه شي شبيج
ريم:الحمدلله
وفجأة رمت بنفسها علي واحتضنتني
ريم:خوفتني عبالي صاير بيك شي
ابتعدت عنها
احمد:كلتلج ما بيه شي
ريم:همزين
احمد:انتي ليش جيتي هن....
التفت حولي ورأيت لين واقفه امامنا نصدمت لقد انتهى كل شيء خططت له اليوم
ريم:هاي لين
احمد:اي
ريم:انت جنت راح تشوفها هنا
احمد:ممم
ريم:اسفه خرب الخطة عليكم
احمد:عادي
ريم:امشي خل نحجي وياهه
اقتربنا منها كانت تحاول أن تخفي دموعها تبا لقد دمرت الخطة
ريم:لين انتي شتسوين هنا
لين:هو بصراحة جيت حتى اشوف رامي
ريم:رامي شبيه
لين:ما ادري كالت فرح رامي صايره وياه مشكلة ويريدني بسرعة واني جيت هنا حتى اشوف شبيه بس ما لكيت احد
ريم:هاا يجوز راح
لين:يمكن يله اني صار لازم اروح
ريم:ماشي
لين:عن اذنكم
احمد:اتفضلي
تركت المطعم وخرجت بسرعة
احمد:اوف
ريم:اسفه احمد اعذرني
احمد:عادي
ريم:شلون عادي خربت كل شي خططت له بسببي
احمد:يله خليها على غير مرة
ريم:اي
احمد:بس انتي شنو جابج هنا
ريم:بصراحة اتصل عليه واحد وكال احمد تخربط بالمطعم اللي قريب من بيتكم وجيت اركض عبالي صدك
احمد:منو هذا
ريم:ما ادري رقم غريب
احمد:لا تخربطت ولا شي
ريم:لعد منو هذا وليش يجذب عليه
احمد:ما ادري يله امشي
(لين)
عدت الى المنزل عندما دخلت رأيت امي
نوال:بنتي شبيج
لين:مابيه شي
نوال:عيونج حمرا جنتي تبجين
لين:لا اني طالعه فوك ارتاح
ذهبت إلى غرفتي وافقلت الباب وجلست على السرير ابكي
لين:بعد شنو تردين حتى تصدكين هو بعد ما يحبج هاي جاي ينطيج كل يوم دليل على هذا الشي انتي مصره عليه خلص انسي مثل ماهو نساج شوفي حياتج مثل ماهو شاف حياته مو كافي كل هاي السنين اللي راحت من حياتج من تنتظرين واحد حتى ما باوع بوجهج من رجع ولا كأنه جنتي بحياته اصلا
وفجأة انفتح الباب ودخلت والدتي وجلست بجاني رميت نفسي بحضنها وصرت ابكي
نوال:شبيج ياروحي
لين:تعبانة ماما مقهورة
نوال:سلامتج من القهر يا روحي
لين:ليش هيج حضي ماما ليش اني شمسويه
نوال:شبيج منو وياج
لين:ليش احب واحد ما يحبني ليش اركض وراء واحد ميريدني ليش جاي ارخص بنفسي هيج ليش
نوال:لا تحجي هيج حبيبتي
لين:ليش تغير هيج معقول ريم كدرت تنسيه حبي كل هاي السنوات تروح هيج على الفاضي شنو الشي اللي عدها هي واني ماعندي شنو
صرت ابكي بصوت عالي الى أن غفوة من دون ان اشعر
(فرح)
عدت الى المنزل وذهبت الى غرفة احمد فرح:هلو اني جيت
دخلت وجلست بجانبه
فرح:بشرني شنو صار وياك حجيت وياه لين شنو كالت اكيد زعلت لازم اتصل عليها و احجي وياهه
احمد:مصار شي
فرح:شنو يعني مصار شي
احمد:كل شي خرب
فرح:شنو يعني لين رفضت ترجعلك بعد ما عرفت بحالتك
احمد:ما عرفت شي
فرح:شنو
احمد:ما حجيت وياهه
فرح:يالله ليش
احمد:جتي ريم وخربت الخطة
فرح:شنو يعني ما حجيت وياهه
احمد:لا ما كدرت احجي وياهه وراحت وجانت مقهورة
فرح:يالله شلون حظ هذا
احمد:يله خليها على غير مرة
فرح:شوكت يعني
احمد:ما ادري
فرح:شنو رأيك باجر تجي للمستشفى مالتنه وتاخذها وترحون
احمد:خوش فكرة هاي
فرح:طبعاً اني عندي افكاري جهنمية
احمد:اي هههههههههههه
وفجأة وضع يده على رأس
فرح:شبيك احمد
احمد:ماكو شي لا تخافين
فرح:حسيت بشي
احمد:وجع خفيف
فرح:اجيبلك شي
احمد:لا
فتح الدرج واصبح يبحث مع شيء
فرح:احمد على شنو جاي تدور كول واني انطيك
احمد:اكو دواء هنا هو اللي يخفف الألم شوية
فرح:وينه كول واني جيبه لك
احمد:اللون اصفر
نهضت بسرعة وصرت ابحث عنه في كل مكان
فرح:وين راح هذا
احمد:دائماً اخليه بجيبي مالتي شرفي اخاف بالستره
فرح:ماشي
كنت انظر إليه كان يشعر بالألم ولا يستطيع ان يتحرك بسبب الوجع كنت ابحث عن الدواء لم اجده فتحت الجاكيت وجدت الدواء
فرح:هذا لكيته
التفت إليه وجدته على الأرض ومغمى عليه
فرح بصراخ:احمــــــــــــد
.
.
.
.
.
لحد هنا ويخلص النشر انتظروني يوم الخميس قررت انشر الرواية بس الخميس والجمعة والسبت بس بأيام العطلة لان ما تكدرون تتفاعلون وياي بسبب دراستكم لان تفاعلكم صاير زفت للاسف
