انتهت الحفلة وعدنا الى المنزل وكان الجميع مستائين من الذي حصل
فرح:مجاي اصدك اللي صار
مريم:ردنا الموت اليوم
لين بعصبية:لشوكت يعني نبقه على هاي الحالة ميصير هيج
لين:اهدى حبيبتي الشرطة جاي تساعدنا
لين:شلون تساعدنا مجاي تسوي شي مليت اني من هذا الوضع
مريم:شنسوي يعني ماكو حل غير نصبر
لين:يعني شنو راح نبقه خايفين منها تره هاي مو عيشه والله مليت
اصبح الجميع متوتر و خائفاً من الايام القادمة وكان اكثر شيء يقلقني وجود ريم بجانب احمد لا استطيع أن اكشف حقيقتها للجميع لانني لا املك دليل ضدها يجب ان اجد طريقة لكي يعرف الجميع حقيقتها وفي يوم من الايام كنت اجلس بغرفتي ورن الهاتف نظر إلى الرقم كان رقم ياسر
لين:الو
ياسر :الو
لين:هلو ياسر شلونك
ياسر:الحمدالله وانتي شلونج سمعت باللي صار بالخطوبة مالتج حمدالله على السلامة
لين:الله يسلمك
ياسر:خو ما تأذى احد
لين:لا الحمدالله كلها بخير
ياسر:الحمدلله اكلج اتصلت بيج على مود الحبوب
لين:اي عرفت شنو هاي الحبوب
ياسر:اها
لين:بس ما اكدر اكشف الحقيقة
ياسر:ليش
لين:لان الحبوب تبين عنده المرض
ياسر:صح بس بالتحليل الدم راح يبين كل شي
لين:صدك
ياسر:اي وراح يبين ماعنده مرض وهاي الحبوب هاي السبب
لين:لك اي صدك شلون ما فكرت بيها
ياسر:اي
لين:لازم اخذ منه دم بس شلون
ياسر:هاي عليج انتي شوفي طريقة
لين:ماشي بصراحة اني ما اعرف شلون اشكرك
ياسر:لا ولو هذا واجب يله مع السلامة
لين:مع السلامة
اقفلت الخط وصرت افكر بطريقة لكي اجري التحليل الدم لاحمد ولكن كيف..
وفي اليوم التالي
(فرح)
انتبهت على لين كانت طوال اليوم متوترة اعتقد بسبب مالك و كلوديا
فرح:لين... لين.. لين
لين:ها
فرح:انتي بعدج خايفه منها
لين:شنو
فرح:شبيج
تأففت وثم نظرت إلي
لين:اريد مساعدتج
فرح:بشنو
لين:اريد اخذ تحليل دم من احمد
فرح:شنو ليش
لين:حتى اكشف جذبت ريم
فرح:شلون
لين:البارحة اتصل عليه ياسر وكال بالتحليل الدم راح ينكشف هاي الحبوب هي اللي جاي تسوي عنده هاي الاعراض
فرح:اي خوش فكرة بس شلون
لين:هو اني اريد منج حل
صمتت قليلاً وثم نهضت بسرعة
فرح:عندي حل
لين:شنو
فرح:انتظري دقيقة
اخرجت هاتفي واتصلت على احمد
احمد:الو
فرح:الو هلو احمد
احمد:هلو بيج
فرح:انت وين
احمد:اني ودين طالعين
فرح:تمام اكلك تعال للمستشفى فوراً بس اسمع لا تكول لدين
احمد:شنو ليش
فرح:بس تعال وبعدين راح تعرف
احمد:تمام هسة جاي
فرح:اي هسة لا تتأخر
افقلت الخط وامسكت بيد لين
فرح:تعالي وياه بسرعة
لين:لج راح شتسوين
فرح:تعالي وبس
ذهبنا الى المختبر
فرح:مساء الخير دكتور
الطبيب:مساء النور
فرح:اريد منك خدمة
الطبيب:اي اتفضلي دكتورة
فرح:هسة راح يجي شخص اريدك تاخذ منه دم بحجة التبرع بالدم
الطبيب:شنو
فرح:اي عفية هذا الشي اريده يصير ضروري
الطبيب:بس ليش
فرح:مو اني اريد سويله تحليل بس ما اريده يعرف
الطبيب:اها
فرح:شنو قررت راح تساعدني
صمت قليلاً وثم ابتسمت وقال
الطبيب:تمام راح اساعدج
فرح:شكراً دكتور
الطبيب:ولو
فرح:بس اريد التحليل يطلع بسرعة
الطبيب:ماشي
فرح:شكد ياخذ وكت ويطلع
الطبيب:حوالي اسبوع
فرح:لا لا اريده اسرع شوية
الطبيب:مو هذا راح اسوي هواي وتحليلات بيه يعني كل تشخيص حالات السرطان
فرح:اي بس اريده بأقرب وكت شوية
الطبيب:يومين ما اكدر اكثر
فرح:ماشي يومين
الطبيب:بس خلي يجي المريض
فرح:هو هسة جاي بس اسمع لا تخليه يعرف اي شي
الطبيب:ان شاء الله
انتظرنا احمد نصف ساعة وثم وصل الى المشفى
فرح:وين جنت
احمد:شكو شبيكم
فرح:ماكو شي بس ااا
احمد:اي بس شنو ليش ترديني اجي
فرح في نفسها:وين راح هذا
احمد:شكو شبيكم احجوا
الطبيب:دكتورة ....دكتورة
فرح:خير دكتور شكو
الطبيب:عدنه مريض حالته خطيرة كولش ويحتاج دم
فرح:اي اخذوا من المختبر مال الدم
الطبيب:ما عدهم من هذا الدم
لين:ليش شنو دمه
الطبيب:O
فرح:شلون ماعدكم هذا المستشفى لو شنو
الطبيب:ما ادري والله
فرح:شلون هسة نعوف المريض يموت
لين:اطلبوا دم
فرح:على ما يوصل الدم يكون المريض ميت
لين:شنسوي هسة
فرح:ما ادري
نظرت الى احمد
فرح:احمد
احمد:اها
فرح:انت شنو فصيلة دمك
احمد:O
فرح:اي خوش
احمد:شنو هو اللي خوش
فرح:انت راح تتبرع لنا شوية من دمك
احمد:نعم
لين:اي
احمد:ميصير
لين:ليش ميصير
احمد:لان اني مريض واذا انطيه دم مو زين عليه
فرح:لا انت مو مريض اصلا
ضربتني لين على يدي
احمد:شنو؟
ارتبكت كثيراً ولم اعد اعلم بماذا اجيبه
احمد:ما افتهمت شنو يعني
لين:اا فرح قصدها لان مرضك ما اله علاقة بسحب الدم منك
احمد:شلون يعني ما اله علاقة
لين:اي انت المرض براسك مو بدمك يعني يصير تنطي دم
فرح:اي صح
احمد:اها
فرح:شنو يعني راح تساعدنا
صمت قليلاً
لين:المرض راح يموت لازم تساعده حبيبي حتى الله يبعد عنه كل المشاكل من نساعد احد محتاج
احمد:هوب هوب شبيج كلبتيها مسلسل درامي خلص
فرح:شنو يعني
احمد:يعني وين المختبر خل اتبرع بالدم واخلص منكم
احتضنته لين بقوة
لين:حبيبي
احمد:يالله لهل درجة المريض مهم عندج ولج
لين:كل المرضى مهمين عندي
احمد:اني هم مريض
لين:انت مريض بمرض اسمه لين
احمد:اها
لين:ممم
اقترب كثيراً منها
احمد:زين ماكو علاجة اله
لين:لا مراح خليك تشفى منه
حاول تقبيلها ولكني صرخت عليهم
فرح:ولكـــــــــــم هاي شنو
احمد بأرتباك:اسف دخلنا بالجو شوية
فرح:يا جو شنو هاي ما تستحون المريض راح يموت وهذول جاي... اا
لم استطع أن اكمل جملتي
لين:عزة المريض لازم تروح تتبارع بالدم احمد:يله امشي
فرح:امشي
كنت اسير خلفهم واتحدث مع نفسي
فرح:ادبسزيه ما يستحون ما يكولون هاي حديقة واكفه يمنه
التفت إليه احمد
احمد:واني شسويلج اذا انتي محد معبرج من وراء لسانج
فرح:شبيه لساني عيني
احمد بأرتباك:لا مابيه شي اهدي
نظر إلى لين
احمد:خل نروح بسرعة يمعودة
دخلنا إلى المختبر واجرينا التحليل
احمد:خلص هسة
فرح:اي خلص
احمد:خذوا الدم للمريض خطية قبل ما يموت
لين:اي هسة راح تجي وحدة من الممرضات تاخذة تعال احنا خل نطلع منا
فرح:انتو روحوا اني اريد احجي وياه الدكتور شوية
لين:ماشي
اخرجو من المختبر وبقيت انا اتحدث مع الطبيب
فرح:مثل ما كلتلك دكتور اريده التحليل يطلع بسرع وكت ضروري
الطبيب:ان شا الله
فرح:اهم شي موضوع الحبوب
الطبيب:لا تخافين بالتحليل راح يبين كل شي وشنو بسبب هاي الاعراض
فرح:اي تمام يله اني راح اطلع هسة
الطبيب:اتفضلي
خرجت إليهم كانوا يتحدثون مع بعض
لين:اكلج ممكن اليوم تغطين عليه
فرح:ليش بله
لين:اريد اطلع وياه احمد
فرح:لا والله انتي ترحين تفترين وتعوفين شغلج عليه
ابتسمت لي بحنيه
لين:عفية حبابه
فرح:لا تبقين تتوسلين روحي يله
احمد:شنو لج تتوسل بيها
لين:يمعود اسكت اني ما صدكت وافقت
فرح:اي اسكت تره اغير رأيي
ابتسمت لهم بخبث واخذها وذهبوا من المستشفى
(لين)
ركبنا بالسيارة وذهبنا الى الحديقة وعندما دخلنا لم نجد اي شخص هناك استلقيت على الارض كان احمد يقف امامي ينظر إلي
لين:شبيك واكف تعال
ابتسم بمكر
احمد:اجي
هزت رأسي بمعنى نعم استلقى بجانبي ووضعت راسي على صدره وحاوطني بيده
صمتنا قليلاً وثم قال
احمد:شكد خفت عليج البارحة
لين:الحمدالله مر على خير
احمد:اي ...احنا لازم نأجل العرس
ابتعدت عنه ونظرت إليه
لين:شنو
احمد:اي لازم نأجل العرس بس على ما تخلص هاي المشاكل
لين:انت جاي شنو تحجي مستحيل
نهض من الارض وجلس امامي
احمد:انتي مجاي تشوفين شلون صاير الوضع البارحة والله عدها على خير ما ندري بعدين شنو يصير
لين:خلي يصير اللي يصير المهم ما نعطيهم فرصة ينجحون بخطتهم
احمد:شنو
لين:اي هاي خطة يردون يخربون زواجنا واني مراح اسمح للخطة مالتهم تنجح
نظرت إليه امسكت بيده
لين:مراح نأجل شي وزواجنا راح يبقه على موعده
ابتسم لي
احمد:شكلج مستعجلة على الزواج اكثر مني
لين:اي ما اريد اضيع لحظه من عمري واني بعيده عنك
احمد:اموت عليج
اقترب مني وقبلني من شفتاي
(ريم)
خرج احمد ودين مع بعض وبعد نصف ساعة عاد دين لوحده
ريم:لعد احمد وين
دين:يكول عنده شغل وراح
ريم:شغل شنو
دين:والله ما ادري اكلج
ريم:خير
دين:اني اريد ارجع
ريم:وين
دين:على فرنسا
ريم:شنو ليش
دين:شعندي بعد باقي هنا لازم اروح
ريم:وين تروح وتعوفني هنا
دين:اني عندي شغل هناك ما اكدر ابقه بعد
ريم:انت مو اخذت اجازة
دين:والاجازة راح تخلص ولازم ارجع
ريم:يعني تعوفني هنا
دين:وانتي شتسوي باقيه هنا امشي خل نرجع اني وياج
ريم بأرتباك:عندي شغل هواي ما اكدر اعوفه وارجع
دين:شغل شنو
ريم:شبيك غير حالة احمد
دين:اهله موجودين وخطيبته دكتورة واخته وصديقه بعد خل نرجع احنا
ريم:همه ما يعرفون حالته مثلنا
دين:بس اكو دكاترة هنا راح يساعدونا
ريم:يعني انت تريد تعوف صديقك الوحدة وتروح
دين:لج شبيج ما اكدر ابقه عايش وياهم بالبيت اكثر من هيج عيب تره
ريم:انت هذا اللي يهمك خلص نشوف بيت ثاني
دين:حتى لو اني لازم ارجع
ريم:اسكت خليها بعدين نشوف
تركته وذهبت الى غرفتي
الساعة الخامسة مساء كانوا الجميع جالسين في غرفة المعيشة يشاهدون التلفاز و يتناولون المكسرات
مريم:هذا المقطع يقهر دائماً ابجي بيه
احمد:اي هنا تموت البطلة
لين:اي يقهر والله
رامي:كلها راح تبجي هسة
دين:اني ما اهتم لان هذا كله تمثلين يعني مو حقيقة
فرح:وحتى لو تمثيل يعني ما تنقهر شوية
دين:لا لان ادري هذا مو حقيقي
فرح:انت اساساً بلا احساس شكو احجي وياك
لين:لا تتعاركون خل نباوع
احمد:حضروا دموعكم راح يبدي المشهد الحزين
دين:هههههههههه خل ابجي وياكم يمكن هذا اخر فلم اشوفه وياكم
لين:شنو يعني بعد ما تباوع افلام
دين:لا بس راح اروح
التفت الجميع الى دين ونسوا الفلم
احمد:شنو
دين:اي قررت ارجع لفرنسا
مريم:ليش ابني
دين:كافي لحد هنا لازم ارجع
احمد:لا شنو هذا الحجي وين تريد تروح عرسي بعد اسبوع شنو ما تحضر
دين:لا اعذرني بس لازم ارجع
احمد:ازعل منك تره
همست فرح للين
فرح:اكلج اخاف هذا عرف بالموضوع ويريد ينهزم
لين:اي موضوع
فرح:شبيج تحليل احمد
لين:ما ادري بس ما اعتقد دين مثل اخته
فرح:لعد ليش قرر يروح هيج فجأه
والده احمد:ابني صاير شي اكو احد حجه شي سمعت شي
دين:لا عمي بالعكس اني هنا كلش مرتاح عبالك بالبيت مالتي
احمد:لعد ليش تريد تروح
دين:مو عندي شغل ولازم ارجع واجازتي راح تخلص
لين:ريم راح تروح وياك
ريم:لا اني انتظر شوية لان عندي شغل
نظرت لين لها بحقد
احمد:وشوكت تريد تروح ان شاء الله دين:باجر
مريم:شبسرعة مستعجل
دين:خلصت كل شغلي اليوم ما بقه شي
في اليوم التالي
اتصل الدكتور على لين واخبرها بانه نتيجة الحليل قد خرجت واتصلت لين بفرح وذهبوا مع بعض لكي ياخذون النتيجة
فرح:مرحباً
الطبيب:اهلا دكتورة
لين:شنو اخبار النتيجة طلعت
الطبيب:اي كدرت اطلعها اليوم
نظرت لين الى فرح و ابتسموا
لين:همزين
فرح:وين النتيجة
اعطاها الطبيب الوراق التحاليل وخرجوا من المستشفى
لين:ما مصدكة واخيراً راح ينكشف كل شي هسة
فرح:صح والكل راح يعرف حقيقة هذيج الكلبه
لين:اي لازم نرجع للبيت بسرعة
فرح:يله
(ريم)
عندما اتصلت لين بفرح سمعت حديثهم لقد اجرو تحليل دم لاحمد وهذا التحليل سوف يكشف كل شي اتصلت على مالك لكي يساعدني
ريم:الو
مالك:الو
ريم:وينك راح تصير مصيبة
مالك:شكو
ريم:فرح وهاي الغبية لين اخذوا تحليل دم لاحمد
مالك:اي؟ شنو يعني
ريم:شنو شنو يعني... يعني راح ينكشف كل شي ويعرفون احمد مابيه شي لا مريض ولا شي لازم تساعدني
مالك:ليش حتى اساعدج
ريم:شنو
مالك:يعني دبري نفسج بنفسج
ريم:اها
اقفل الخط في وجهي
ريم:يا حقير
رميت الهاتف على الارض
(لين)
وصلنا الى المنزل وكانوا الجميع مجتمع في منزل احمد كما طلبنا منهم
احمد:لين شكو شنو القصة
رامي:ليش جمعتونا شكو
لين:اريد احجي وياكم بموضوع
نظرت إليهم جميعاً لم اجد ريم
لين:وين ريم
رامي:فوك
لين:خل تنزل لازم الكل موجود وخصوصاً ريم
احمد:شنو شكو
فرح:من تجي ريم راح تعرفون
وبعد لحظات دخلت ريم علينا وكان الخوف والقلق على وجهها
لين:اهلا بالدكتورة ريم
ريم:شكو ليش تحجي بهاي الطريقة
فرح:راح تعرفين ليش
احمد:شبيكم انتو شنو صاير
لين:راح احجي ليش راح يصدمكم كلكم
رامي:شنو
نظرت الى احمد ونزلت دموعي
لين:انت مراح تعوفني وتروح
احمد باستغراب:شنو؟
لين:انت راح تعيش طول العمرك وياي
كان ينظر إلي باستغراب
لين:انت مابيك شي احمد
احمد:شنو يعني مجاي افتهم
كنت ابكي لا استطيع أن اتحدث
لين:يعني انت مو مريض
رامي:اها
احمد:ما افتهمت
لين:انت مابيك سرطان صحتك كولش زينة احمد
صدم الجميع من الذي سمعوا
احمد:شو ؟
لين:اي حبيبي مثل مجاي اكلك انت مابيك سرطان ولا شي
رامي:اني مجاي افتهم شي منكم
فرح:خلي ريم تفهمكم
مريم:ريم؟
لين:اي يله ريم احجي الحقيقة
ريم:حقيقة شنو
فرح:حقيقة جذبج علينا
رامي:شنو
لين:ريم جذبت علينا وعلى احمد وكالت عنده سرطان وهو ما بيه شي
فتح الجميع عينيه على وسعها واصبحوا ينظرون إليها
لين:يله ريم ليش ساكته احجي شنو سويتي
كانت مرتبكة و متوترة كثيراً
احمد بصدمة:شنو يعني اني مابيه شي
نظر إلى ريم واتقرب باتجاهه
احمد:ريم هذا الحجي صحيح
لم ترد عليه
احمد:احجي ريم صدك مبيه شي.
وقف امامها ونظر الى عينيها
احمد:احجي ريم ليش ساكته هذا الحجي صحيح
لين:اكيد مراح تحجي لان جذبتها انكشفت وبعد ما عدها جذبه تكولها
احمد بصراخ:احجــــــــــــي
ريم بعصبية:اي جذبت عليكم كل هذا جان جذب انت لا مريض ولا بيك سرطان
كان احمد ينظر لها بدهشة كبيرة
ريم:وهاي الحبوب اللي جاي تاخذها هي اللي تبين بيك سرطان بس الحقيقة انت كل شي ما بيك
احمد:ليش سويته هيج
ريم:لان احبك
انصدم الجميع واكثر واحد كان مصدوم هو احمد هذه اول مرة يعلم بحب ريم له
ريم:اي احبك ....احـبـــــــــــك
ريم:ومستعدة اسوي اكثر من هذا حتى اخذك الي انت من حقي اني مو هي
اشارت لي بيدها
ريم:اني اللي سويت كل هذا حتى تبقه يمي واذا اكدر اسوي اكثر منه بس حتى تصير الي
احمد:اني جنت معتبرج صديقتي وانت تسوين بيه هيج
ريم:انت اللي جنت معتبرني صديقتك بس اني لا اني احـبـــــــــــك
امسكتها من يدها بقوة
احمد:امشي وياي
فرح:وين
احمد:رجاءاً لحد يدخل ...امشي
سحبها من يدها واخذها وخرجوا لحقت به
لين:احمد... احمد اوكف
احمد:لين ارجعي للبيت
لين:ما ارجع لازم اروح وياك
نظر لي بغضب
احمد:لين كلتلج ارجعي
لين:ما اعوفك لازم اجي وياك
لم استطع أن اتركه يذهب لوحده لان كان غاضب جداً واخاف ان يتهور ويفعل شيء بها يجب أن اذهب معه صمت قليلاً وثم قال
احمد:امشي
ركبنا بسيارتي وذهبنا بعد ساعتين طلب مني احمد ان اوقف السيارة نظرت جيد الى مكان كان غريب جداً عبارة عن مخزن مهجور
لين:هاي شنو
نظر احمد الى ريم
احمد:انزلي
فتحت الباب وخرجت كانت خائفة جداً وترتجف وايضاً انا كنت هذا اول مره ارى احمد يتصرف هكذا
احمد:كملي
ريم:شنو اكمل
احمد:احجي ليش سويتي هيج بيه
ريم:مو كلتلك لان جنت احبك
امسك برقبتها ودفعها على الحائط
احمد:حب شنو هذا ولج تدمرين حياتي وتكولين حــــــــــــب
امسكت بيه
لين:احمد اهدى شوية وعوفها
دفعني بيده
احمد:وخري انتي لا تتدخلين ....احجي ولج
ريم:شنو احجي
احمد:الحقيقة ليش سويتي هيج ولا تعيدين كلامج التافه مال قبل شوية
ريم:اني مجاي احجي ليش جذب
احمد:لا كلامج هذا كله جذب واليوم مراح نطلع منا الا اذا مو حجيتي كل شي
ابتعد عنها واصبح يتجول في المكان وبعدها توقف والتفت لها
احمد:دين هم متفق وياج
ريم:لا دين ما اله علاقة ميعرف شي
احمد:شلون يعني ما يعرف شي ليش هو مو دكتور مثلج
ريم:لا مو اني جنت انطيه كل التحاليل الغلط وما جنت خليه يفحصك حتى ما يعرف الحقيقة وجنت متفقه وياه الدكتور ينطيه المعلومات الغلط
احمد:اها
ريم:اي والله صدكني
احمد:ليش... ليش كل هذا ليش جنتي تلعبين بحياتي صارلي ثلاث سنوات خليتيني عايش بجذبه ليش سويتي هيج واني جنت معتبرج صديقتي جانت لين تحجي عليج واني ادافع عنج اكول لا ريم خوش بنيه ريم صديقتي مراح تأذيني جنت ادافع عليج دائماً ....بس لا طلعتي اكثر وحده تكرهني هي انتي
ريم:لا اني ما اكرهك والله العظيم اني احبك
احمد:لج حب شنو هذا اكو واحد يدمر حياة اللي يحبه على مود مصلحته
ريم:بالحب والحرب كل شي مسموح
احمد:صح كل شي مسموح بس مو هيج تدمرين حياة وهواي ناس على مود حب فاشل حب من طرف واحد اني ما احبج ولا راح احبج وكل شي جان بينه انتهى من اليوم لا صداقه ولا شي
ريم:لا احمد
احمد:ترحين تاخذين غراضج وتطلعين من حياتي بعد ما اريد اشوفج
ريم:احمد اني سويت كل هذا على مودك مراح اسمح لك تدمرني هيج
احمد:انت ما سويتي هيج على مودي سويته على مود نفسج
ريم:صح ما انكر هذا الشي بس بعدين حبيتك
احمد:هذا مو حب انت ما تكدرين تاخذين شخص ما يحبج اني احب لين وانتي تدرين زين اني مستحيل اكدر احب وحده غيرها
ريم:راح ينتهي
احمد:شنو
ابتسمت بسخرية ونظرت إلينا
ريم:الحب هذا اكيد راح يجي يوم وينتهي
احمد:مستحيل لان اني احبها اكثر من نفسي
ريم:حتى لو تحبها راح ينتهي حبكم اذا مو على يدك على يد مال....
وفجأة اطلق احدهم النار على ريم وجاء الرصاصه في راسها سقطت على الارض بقينا انا واحمد ننظر الى بعضنا بدهشة كبيرة
لين بصدمة:هاي شنو
لم يرد علي كان مصدوم وينظر الى ريم وكان الدماء حولها من كل مكان
لين:منو ضربها
احمد:امشي نطلع منا بسرعة
لين:شنو
احمد:لج امشي بسرعة
امسكني من يدي وخرجنا من ذالك المكان بسرعة ركبنا بالسيارة وعدنا الى المنزل
(دين)
خرجت من المنزل الساعة التاسعة صباحاً لكي اشتري غراض لانني سوف اذهب اليوم وعندما انتهيت عدت الى المنزل فتحت الباب ودخلت كانوا الجميع يجلسون بغرفة المعيشة ما عدا ريم واحمد
دين:السلام عليكم
لم يردون علي كانوا ينظرون لي بطريقة غريبة
دين:خير شبيكم
لم يردون علي نظرت إلى فرح التي كانت اكثر شخص ينظر لي بحقد
دين:خير شكو شبيج تباعين هيج
نهضت من الاريكة ووقفت امامي
فرح:تريد تعرف شكو وليش كل احنا جاي نباوع عليك هيج
دين:اي
فرح:خلاص انكشفت حقيقتكم
نظرت لها باستغراب
دين:شنو حقيقتنا؟
فرح:اي حقيقتك انت واختك
دين:اها
فرح:اي انكشفت واختك راح ياخذوها الشرطة وانت هم
دين:شنو
فرح:لا تسوي نفسك ما تعرف شي خلص انكشف كل شي واحنا كشفناكم حقيقتكم وسوينه تحليل لاحمد وطلع ما بيه سرطان واختك اعترفت اليوم بكل شي
دين:شو... احمد مابيه سرطان انتي شنو جاي تحجين
فرح:انت مسوي نفسك غبي كلتلك احنا عرفنا كل شي عنكم
دين:انتي جاي شنو تحجي اني مجاي افتهم شي
فرح:تريد تعرف راح اسوي نفسي مصدكتك وراح اكلك كل شي
فرح:اختك اعترفت انو احمد مابيه شي وهي سويت كل هذا لان تحب احمد وضحكت علينا وصدكنا بانه احمد بيه سرطان بس هو بالحقيقة كل شي ما بيه
دين:شنو
لم افهم اي شي من كلامها
فرح:اي هسة عرفت كل شي يله اتفضل اطلع برا
اشارت الى الباب بيدها
فرح بصراخ:بــــــــــــرا
احمد:اوكفي فرح
التفت الجميع ورأينا احمد ولين واقفين امامنا وكان شكلهم حزين ركضت عليه فرح
فرح:اها احمد رجعت وين هذيج الكلبه شنو سويتوا بيها سلمتها للشرطة
دين:شو شرطة
دخل احمد وجلس على الاريكة وهو يضع يداه على راسه ولين كانت ترتعش وكان شكلها خائفة
مريم:شكو شنو صاير فهمونه
فرح:شبيكم ليش ما تحجون ليش
وقف احمد واقترب مني
احمد:دين
كان متردد بالكلام
دين:شكو وين ريم ليش ما اجتي وياكم احمد:د...دين ...ريم
وفجأة اصبحت لين تبكي شعرت بالخوف والقلق على ريم
دين:اختي وين احجي
اصبح ينظر الى الارض
دين:شبيكم اليوم فرح جانت تحجي شي ما اعرف شنو ما مابيك سرطان وريم هي السبب مجاي افتهم شي فهموني شنو القصة ريم وين اريد اشوفها
احمد:مراح تشوفها بعد
دين:شنو ليش وين راح
دين بعصبية:احجي وين راحت اختي
احمد:ريم ماتت
