Pag-ibig na ito'y pagkagulo-gulo,
Kung minsa'y baluktot, kung minsan ay wasto,
Bulag ang katulad, tila nalilito
Kung minsa'y may sakit ng pagkasiphayo.
Ngunit kung tunay nga, wagas at dakila,
Madarama nama'y kilig sa simula,
Sa gitna ay ngiti at dulo'y may tuwa,
Kung magmamahal ka ng tapat at akma.
Sa daraang araw, oras at sandali,
Kahit na mag-isa, ikaw ay ngingiti,
Kung maaalala ang suyuang huli,
At ang matatamis na sintang mabuti.
At ang minamahal kung makakapiling
Ay tila kaybilis ng oras sa dingding
Hahalik sa pisngi at saka yayakapin,
Limot ang problema, hindi makakain.
Kung ika'y iibig, tandaan mo lamang,
Ang tunay na kulay, sikaping sulyapan,
Pagkat marami diya'y nagpapanggap lamang,
Sa baba ng lupa ang pinanggalingan!
ctto.SWEET LAPUZ
YOU ARE READING
UNANSWERED-UNTOLD
PoetryHave you heard about the SPOKEN WORD POETRY? If yes.. Ganung style mo basahin itong mga isinulat ko. Para maapreciate mo ha? If no... Basahin mo parin. Kasi maiintindihan mo naman siguro ha? Pagkatapos mong basahin, magcomment ka. Bigyan mo ako ng...
