Meri Zindagi tou firaaq hai, woh azal se dil main makeen sahi Wo nigah'e_shauq se door hain, rag'e_jaan se lakh qareeb sahi
Hamein jaan dainee hai aik din, wo kisi tarah wo kahin sahi Hamein aap khainchiye daar par, jo nahi koi tu hameen sahi
Sar_e_toor ho sar_e_hasher ho, hamein intizaar qubool hai Wo kabhi milein, wo kahin milein, wo kabhi sahi, wo kahin sahi
Na ho un pe kuch mera bass nahi, k ye aashqi hai hawas nahi Mai unhi ka tha, mai unhi ka hoon, wo mere nahi tu nahi sahi
Mujhe bhaithne ki jaga milay, meri aarzoo ka bharam rahay Teri anjuman mein agar nahi,teri anjuman k qareen sahi
tera dar tau hum ko na mil saka, teri rahguzar ki zameen sahi hamain sajda karne se kaam hai, jo wahan nahin tau yahin sahi
meri zindagi ka naseeb hai nahin door mujh se qareeb hai mujhay uska ghum tau naseeb hai wo agar nahin tau nahin sahih
jo ho faisala wo sunaaiye usay hashr pe na uthaiye jo karain gay app sitam wahan wo abhi sahi wo yehin sahi
Use dekhne ki jo low lagi tu Naseer dekh hi lain gey hum Wo hazaar aankh se door ho, wo hazaar pardah nasheen sahi
peer e kamil 💕
Hoppla! Dieses Bild entspricht nicht unseren inhaltlichen Richtlinien. Um mit dem Veröffentlichen fortfahren zu können, entferne es bitte oder lade ein anderes Bild hoch.
