Lirik Lagu Hiphop Indonesia.

B Strax-Hirarki 216

Jikok tabayang maso lalu maso katiko cinto manyatu.
Kasiah basandiang jo sayang labiah rancak dari lagu.
Janji sahiduik samati basamo kito spakati.
Ndak maharok nan lain badoa cinto ko abadi.

Batahun tahun sudah kito acok tapisah.
Tapisah jauah dari belaian cinto panuah kasiah.
Hati makin marintiah rindu batambah padiah.
Raso sadiah mauncang kasiah tiok hari malapiah.

Bingkisan terindah kau agiah den saruang jo sajadah.
Manyuruah den beribadah bia jauah dari masalah.
Sempat hati manangih katiko iman tipih.
Tulusnyo cinto adiak ndak tabayia jo pitih.

Oh Tuhan manga mimpi buruak datang jo denai ko.
Cinto nyo den sio sio saketek indak den jago.
Kini den marano maso maso den mudo.
Kisah den tulis indah jadi kenangan den tuo.

Reff: -

Dari gadih ketek sampai kau kini bakaruduang.
Dari dulupun raso sayang den ndak pernah hilang.
Kisah cinto ko dulu sempat mambuek den tabang.
Kini dipusarokan tamakan waktu makin manghilang.

Adzan limo waktu manjadi saksi cinto kito.
Ingek nan diak den taingek jo cinto den nan lamo (yo.)
Meski sampai kini ko ndak bisa den malupoan.
Itu karano stangah cinto dihati kau den titipkan.

Meski kini kau talah dapek lelaki pangganti.
Untuak manghapus bayang den dek raso sakik hati.
Mungkin saketekpun ndak kan pernah untuak den miliki.
Cinto nan kau agiah dulu den baok sampai mati.

Asa kau mangarati cinto kau tak terganti.
Mungkin memang lah takdir Tuhan untuak manyurati.
Maafkan denai adiak suaro hati mahariak.
Ndak talok den hiduik co iko dek hati den cabiak.