حكايتي بدات كي روحت فاكونس لفرنسا عند خويا و كان عرفت واش راح يصرالي كان قعدت عند بابا خيرلي من داك تكسار راس...كنت راقدة لاباس عليا في نوم عميق 😴حتى نسمع رفاي يصوني و كا كامل دزرين ماجيت نوض حتى كامل ناضو و انا ما نضتش جي نبع الحنان ربي يحفظها تقول ضامنة نروح و نولي تعيط و تنحي فل غطا ولهدرة لي تخليك تبتسم مع صباح "ملي نعرفك و نتي رقاد ما تصلحي لوالو هدا زعمة عندها فواياج وانا نسمع كلمت فواياج نوض نجري نسيت كامل روحي حاجة باينة نضت وجدت روحي و كامل وراني رايحة للمطار و فرحانة زعمة لارض ماشي رافدتني من لفرحة و صلت لمطار ودعت بابا و خويا صغير تهنيت منو و انا غير نركب طيارة تحكمني لخلعة اول مرة و هي غير جات طالعة و ختكم قريب تعيط مي، شديتها حشمت زعمة هههه ايه انا احلام في عمري 23 سنة و سليبايرة الحمد لله قصيرة سنفورة 😂عندي عينيا برك يلي يصلحو و غير كي تدرب فيهم شميسة هههه لمهم بعد تحلال للاهل لاعزاء و تشعوين و شوية خنونة باش قبلو يخلوني نروح نحوس شوية... عندي بابا ويما لحمدلله و 2 خاوتي ويلي يقول طفلة في وسط دراري يعني معناة و حقرة و سماطة و جياحة مي معليش كاين ربي .،خويا لكبير لي راني رايحة عندو مزوج و تهنيت منو و صغير مزالو باير ان شاء الله كي نوصل لتما بخير ندبرلو وحدة و نتهنى منو لمهم راني قاعدة وقاعد معايا شيخ راقد ف سبات و كلا غير هاك سيد يشخر كي شغول تراكتور قاعد قدامك ناس يقعد قدامهم كاش بوڤوس الله الله كيما نشوفو فلفيلم زعمة و انا والو من لول ناشفةالمهم وصلنا الحمد لله و خرجت قابلتني مرت خويا بتعناق وتبواس وتفاهمنا على راس خويا معلابالوش بلي راني جاية درناهالو سوربريز زعمة 😁😁😊😊😊😊😊
ركبنا فطنوبيل و رانا نحكيو و نمنشرو انا: ياماريا كان نقلك عقيلة جارتنا طلقت. ماريا: اخاه والله غير خلاصت عليها mal انا : اصبري نزيدلك و نقولك شكون راح يتزوج كان نقولك ما تامنيش هي: شكون انا: زوليدة لقرعاجية هديك لي تظل فل بالكون هي:😱😱😱 اجري على كوارطك يا احلام هدوك تزوجو نتي برتي انا:😕😕 لمهم جبدنا لقديم و جديد و شفت لبلايص و مناظر لي عندهم شللت عينيا حتى قريب نوصلو ماريا عيطت لخويا زعمة باش يعاونها فل قضيان و هو يخرج يشوفني يتشوكا و انا نروح نجري لعندو و نعيط انا: عصام توحشتك و نعنقو حتى كي ندور وجهي نلقى واحد داير دخان في فمو و قاعد يشوف و كانت غزرة تخوف تقتل بل خلعة كي شفتو قريب ما زلت تحتي وجهو ما يبشرش بل خير هدا وين قلنا بسم الله😥
-عند؟؟؟؟؟؟؟ :كنت قاعد فل باكون تاع لفيلا تاعي نتكيف حتى نسمع طفلة تعيط نشوف طفلة تجري و تعنق جاري قاعد نشوف فيهم حسدتهم حسيت كاين حب وباين بلي خاوة يتشابهو هههه كي شغل جاري كان يولي طفلة... شحال كنت حايب نعيش هاد لحظة و مانعيش نقول هدا كيما بابا و لاهادي كيما ختي حاب نجرب يكونو عندي خاوتي و والديا لحقيقين لي يخافو عليا و ما يخلوني نسحق حتى عفسة والدين يخلوني نحس بل حنان و دفئ و تجمعني بيهم رابطة دم😢😢 المهم قاعد نشوف فيهم حتى جي عيني ف عين هديك طفلة غزرت فيا جات عيني ف عينها وكانت داربة فيهم شميسة شحال شابين 😍😍 و كي شافت وجهي لي يخوف وفيه سكاتريس دورت راسها كيما كامل يخافو مني و واحد ما يقدر يهدر معايا...هما دخلو لدار تاعهم و انا راني نكمل فل دخان تاعي و سؤال لي يطرح نفسو شكون انا.... ههه حتى انا ما علاباليش والديا الحقيقين رماوني في ميتم و هما كملو حياتهم خلاوني نعرف غير اسمي يلي هو عربي ما نقولهولكمش علاخاطش كرهتو عندي اسم شهرة لمعروف بيه فل عالم تاعي كي في فرنسا خيرت پابلو في عمري 35 سنة خادم لكور تاعي و طويل جاي بوڤوس مقارنة بل عمر ديالي و مع لوقت تعرفو كل شئ .
أنت تقرأ
احببت من قالو عنه شيطان (بالهجة جزائرية)😍😘
Romanceيقولون ان الحياة هي ما يحدث لكم في الوقت الذي تضعون فيه الخطط يعني نظن اننا نخطط كل شئ و لكن القدر يلعب لعبته كما يرغب و نجد انفسنا في مكان لا نعرفه ابدا مثلا احيانا تاخذنا الحياة و ترمي بنا في قاع بئر و من ثم ترفعنا و فجأة فوق الغيوم لهذا سبب يجب ا...
