احببت من قالو عنه شيطان (بالهجة جزائرية)😍😘

😍21😍

عند احلام :                   Rüyalar#
احلام: ايه لالا و لا نقولك ايه بصح......
لتما Pablo زيرلي على يدي و غزر فيا يبست في بلاصتي
لمير : انسة راكي مليحة
انا: ايه قابلة
لمير غزر فيا هكا 😑😑 و زاد سقسا Pablo
مير : جواد**** تقبل ب احلام***** زوجة لك
هو: ايه قابل
لمير: نعلنكم زوج وزوجة مبروك عليكم عطاني سنيت و زاد سينيا هو و شهود وقفنا عطالي دفتر لعائلي في قلبي غير خليه عندك و شدو Pablo قبلي و زدم عليا لكلبون لمهم ما يروحش مخكم لبعيد سلملي على راسي و غزرنا في بعضانا يديه كانو على حناكي و عينيا ف عينيه ........ و طبعا لازم يفسدونا لحظات لممتعة
سامط(يصفق) :👏👏👏👏 برافو مبروك عليكم لعقوبة ل 20 ولد وطفلة
انا: جيبهم نتا هدوك وقيل راك حابني نحل la crèche 
اPablo : مولينا صحيت كي جيت و قبلت تشهد روح للخدمة مور ما نوصلها نلحقك
هو: داكور مع انه ليوم لازم تپروفيتي، منها 😏😏
انا: واشن هاد لهدرة ما تحشمش
سامط: ههههههههه وليتي حمرة بصح هاد شئ طبيعي بين زوج و مرتو
اpablo: مولينا روح
هو: اوووف تلاقيتو بين 2 ماتعرفوش تڨسرو  ايا سالو عليهم
لمهم هداك راح قعدنا غير حنا 2 راس ا راس
هو: كنتي راح تقولي لالا كان ما تفكرتيش، خوك في اخر لحظة كان ماشي خوك ما نحلمش بيك كامل تولي حلالي ياك 😡😡😡😡😡😡😡😡😡😡😡😡😡😡😡
انا: ماشي هنا نهدرو و ماشي وقتها ما رانيش قادرة نعبر و لا نبررلك مشاعري نتا حبيت تتزوج بيا و هانا، تزوجنا بصح ما تنساش ماشي عن طريق لحب و لا تبعنا لمشاعرنا.. نتا درتلي شونطاج بين حياتي و بين حياة خويا و وليت مرتك بل مقايضة انا بنسبة ليا هدا ماشي زواج صدقني ف هاد لحظات كرهتك كثر من اي شخص نكرهك و مانحملكش
قاعدة نهدر و نخبط بصبعي فصدرو و كي كملت خرجت نجري سبقتو لطنوبيل كي وصلت لتما حكمت صدري كان قلبي يوجعني من هدرتي انا و ما كنتش حابة نهدرها انا حبيت نقولو انا نحبك و نحاول نعبرلو عن مشاعري حابة نكون كأي بنت نهار عرسها يماها معاها خاوتها باباها صحابتها بصح انا دايما زهري معوج....  .
جا هو و ما هدر والو ركبنا و ديمارا طريق كامل واحد فينا ماهدر كان صمت سيد لموقف كي وصلنا خرج من طنوبيل و انا تاني مشيت جيت داخلة لدار هو لتما قالي (اخيرا نطق) 😊😊😊😊😊😊😊
هو: راح نروح نخرج عصام و نهدر معاه
انا: علاش ماتدينيش معاك خلينا نروحو كيف كيف
هو: عندي هدرة معاه و بلاكي تخرجي احلام
انا: ايه ديجا بديتني ما تخرجيش اومبعد ديري نقاب نحي صحبات نحي مسلسلات شوف انا بابا و مايحكمش فيا جيت نتا هنا هنا تحوس تحكم
دنا ليا حكمني من يديا و زير عليهم وقعد يهدر بين سنيه
هو: كلمتي ماتتعاودش احلام ما تلعبيليش ب اعصابي رماني ركب فطنوبيل و ديمارا كي لمهبول اه يا ربي واش راه يستنى فيا معاه اوووووووف خبطت لباب، تاع دار فور و بزور و دخلت لدار.....  دورك واش نقول لماريا واش نقول لدارنا و واش راح تكون ردة فعلهم
عندpablo:
مور ما حطيتها رحت لوين راه محبوس عصام و كانت كل كلمة هدرتها احلام كل ردة فعل توجعلي قلبي كل حرف مزالو ساكن في راسي راني حاب نعيط ياربيييي علاش دنيا ظالمتني......
مور ماوصلت رحت ديراكت عند مولينا و هو اصلا كان يستنى فيا
مولينا: فوت راني نستنى فيك
انا: علبالي
و دخل بدون مقدمات سقساني ....
مولينا: تحبها؟
انا: في ميزك !!!
هو: علبالك انك تغصبها تتزوجك ماشي طريقة مليحة باش توصل لقلبها
انا: هددوني بيها راهم حابين يقتلوها قلي واش كان لازم ندير اه نقعد نتفرج ما علبايش meme po شكون مانقدرش، نشوفها تتأذى بسبتي
هو: و ف ميزك هدا حل انه تتزوجها كان يعرفو هدو لي هددوك يتأكدو بلي هي غالية عندك و قادرة تتكرر لاحداث جواد لي صرا هادي 12 قادر يتعاود
انا: علبالي خممت بقلبي قبل عقلي ما قدرتش، نتحكم في روحي بصح هكا اون موان تقعد قدامي و مانريسكيش
هو: راح ندير حراصة عليها و على دار و لازم نديرو جهاز تتبع وراح ندير وحدة فداركم تخدم لتما  تعاون فشغل و فنفس لوقت تعس على احلام كي نبعتوك لبرا
انا: لمهم ما تنقاسش شعرة منها و دورك لازم تخرج خوها و نروح نهدر معاه
هو: تهدر معاه على اساس شكون على اساس مافيا و لا لي سيف على ختو زواج ولا.....  قاطعتو و قلت
انا: على اساس لي تزوج بختو
هو: ياخو واش نقولك انا دبر راسك
جابو عصام للمكتب لمهم كي شافني وجهو تزبط
انا: راك مليح عصام
هو: ولي يشوفك و يعرفك يقعد مليح
انا: عصام اقعد عندي هدرة معاك
شاف، فيا مع لول مليح و من بعد ستسلم للواقع و قعد مقابلني
انا: ماراحش نخليك تقعد فل حبس بصح فنفس لوقت حبيت نقلك احلام ولات مرتي و عقدت عليها
وريتلو دفتر لعائلي هو ناض جا حكمني باش يضربني بصح بزاف هاد لخطرة بلوكيتو و دورتلو يدو مور دهرو  و پلاكيتو مع لحيط
انا: راني سكتلك بزاف و خليتك تضرب بارح و لا ماكفاكش و ياك انا طلبتها فل حلال مرتي قدام ربي و عبادو ماشي فل حرام و لا شريتها جاريا
هو: كيفاه حتى سنيات ؟
انا: قلتلها ادا حبيتي، خوك يخرج اقبلي تزوجي بيا
هو: ماتحشمش تستفزها و ديرلها شونطاج شوف غد من داك تروح للمحكمة و تطلق
انا: راك حاب ها تموت و يكون في علمك ادا حكموها لمافيا يديرو فيها لي مايندارش و يرموها كي لحيوان
هو: واش راك تهدر واش دخل ختي ف خماجكم
انا: وصلني تهديد بانه حبين يقتلوها يا عصام هدا هو لحل لي كان لازم يندار هكا على اقل راح تقعد قدامي و نقدر نحميها ياو على جالي راهم حابين يقتلوها خليني نحميها
هو: كاين حل نبعتها لدزاير و نتهناو
انا: في ميزك ما راحش يوصلولها والله غير يقدرو يحكموها فل مطار قبل ما تقلع هادو ماشي كيما لمافيا تاع دزاير لاكوست و لاريني مع هادو ما كانش لعب
هو: ياربي واشن هاد لمشكلة لي طاحت على راسنا قاعد يمسح في وجهو قعدنا لحظات صمت من بعد نطق
هو: حبيت نفهم واش من علاقة تربطك بيها باش وصلو يههددوك بيها
عند عصام:
مور ماسقسيتو واشن هي علاقتك بيها سكت و قعد يغزر فل vıde .....اواه دعوى ماتبشرش بل خير
انا: ماتقوليش نتا وياها كنتو...... قبل مانكمل نطق
هو: لالا احلام جامي خانت ثقة تاعك
انا: صحة جاوب ختي واش دخلها
هو: حكاية طويلة و حنا ما عندناش بزاف لوقت لازم نخرجك منا و ماتخافش ما راح يكون عندك حتى dossıeاي ماراحش يخرج انك تحبست  غدوة راح نجي نديها و فنفس لوقت نفتحو
ماعنديش حل واحداخور لازم عليا نقبل بصح لحكاية فيها ان و اخواتها مي معليش مع لوقت يذوب تلج....
انا: خلاص بصح مور ما تخلاص لحكاية تطلقو؟؟
عند Pablo:
عصام: و كي تخلاص لحكاية تطلقو..... انا كي قال تطلقو ما قدرتش نهدر  يعني شحال من سنة و انا نستناها تدخل حياتي و كي جات نطلقها والله ماتصرا و يكون واش يكون دوركا لمهم تقعد بين عينيا نحميها من اي شي حتى ولو يكون ثمن حياتي و ادا خرجنا سلامات و يروح donger نعيش حياتي انا ومرتي و بلاك يجو ولادنا 😍😍😍😍هههه وليت نحلم بزاف..... كنت غايس حتى عصام يتوشيني
عصام: اي راني نهدر معاك
انا: سمحلي غست كنت نخمم لمهم دورك اخرج استناني دورك نجي
هو: حطيتني ف امر لواقع واش يدير لميت فيد غسالو 
عصام خرج نحيت كامل dossıer بلي تحبس و خرجت ركبنا فطنوبيل و طريق كامل و انا نسيي، نلطف لجو ان شاء الله مع لوقت يتفهم وصلنا بقاني على خير هو دخل لدار و انا تانيت  كي دخلت ماكان لحس لا مس بصح قريب ان شاء الله راح يروح هاد لفيد ر فدت تيليفوني باش نبشر ميلينا
انا: ميليناcv ??راكي مليحة مع موحة
هي: en fın تفكرتني انا قلت نسيت بلي عندك ختك ملي رحت ما سقسيت عليا
انا: سمحيلي كنت مشغول مي نوعدك منا و جاي نهبلك... لمهم كيفاه راكي معاه؟؟
هي: رانا ملاح بزاف مزالنا فشهر لعسل كيما علبالك
انا: مليح بصحتكم بصح لازم تولو علا....
هي: علاش واش كاين كاش ما صرا
انا: كان تخليني نكمل هدرتي تفهمي
هي: واشنوووووو انطق،
انا: تزوجت و...
هي: اه تزوجت شكون هادي ؟؟ياو خف مارانيش قدرا نزيد نصبر انطق
انا: احلام
هي: عرفتها ياو عرفتها كنت شاكة كي شفتكم داك نهار ياو ربحت ربحت موحة انا لي ربحت وجد100euro
انا؛: ربحتي فواش؟؟
هي: تخاطرت انا وموح بلي نتا تحب احلام و هو قالي لالا راكي تتخايلي و دوركا انا ربحت😈😈😈
انا؛ : والله ماتحشمي على اخر ايامي تتخاطري على خوك صحيتي
هي: ماتزعفش لمهم كي راح تتزوج بلي تحبها و انا ربحت دراهم ههههه
انا: ايه ايه لمهم ارواحي ليومة غدوة  احلام نجيبها لعندي
هي: واشنو غدوة راك مزروب
انا: بركاي مل هدرة زايدة
هي: ماتخافش نجي و اخيرا راح نشوف خويا مزوج ياو راك طولت و قول احلام توجد روحها غدوة صباح نروحو نديرو شوبينغ راك عارف
انا: احلام ماجيش نتي اشري على ذوقك
هي: خلاص ايا باي سالي على مرت خويا
انا: يبلغ ان شاء الله
درت شويا تيليفونات باش نوجد دعوى راح ندير عشا و فاتحة هدا مكان  وماعرضتش كاين غير انا و مرتي و خوها و مرتو ميلينا و موحة مولينا و منير
عند احلام :
دخلت لدار نكركر في رجليا حطيت روحي فل فوتاي ضميت رجليا وقاعدة نبكي توحشت ماما توحشت بابا حتى سامط و جايح تاع خويا صغير توحشتو كي جيت لهنا هدرت معاهم بصح ماشي بزاف مسحت خنونتي و رحت عيطت لبابا
انا: الو papa
؟؟: واش نتي ما راكيش تسمعي مليح جاتك هاد la voıx تاع واحد شيخ ياخي بنادمة
انا: هدا نتا انيس
هو: بشحمو و لحمو و عظمو و تفكرتي بلي عندك باباك و يماك خليتيهم موراك
انا: بلع فمك مارانيش مليحة
هو: كاش نهار كنتي مليحة نتي ملي ناعرفك ونتي هكا مزال ما والفتيش
انا: ونتا مزال ماكبرتش رحت خليتك سامط و للدورك مزالك جايح جوزلي ماما و لا بابا
هو: بوسي عينيك و ديجا حاجي راه فتولات (حشاكم)و يماك راحت عند لجارة 5 دقايق و راهي في 2 سوايع ما ولاتش و راكي طولتي فل هدرة ايا باي سالي عليهم و ماتزيديش تعيطي  خلينا نتوحشوك شوية و كوبا
ااااااااا جايح انا لبڨرة لي توحشتو
غير حطيت تيلفون نسمع ماريا هابطة فدروج عينيها منفخين
انا: ماريا راكي مليحة
هي: لالا احلام توحشتو اصلا مافهمتش علاش دخل للحبس و عاودت ولات تنوح انا رحت عنقتها
انا: ماريا غير روحي وجدي روحك راهو جاي خرج من لحبس و يكون هو تاني متوحشك غير. روحي مسحي دموعك و خناينك
هي: خرج صح احلام شكون قالك و كيفاش
انا: Pablo سحب شكوى وراهم جايين
هي ناضت فرحانة مسحت دموعها
هي: صح احلام
انا: هاد لفيڨورة تاع وحدة تتمسخر نوضي وجدي روحك لراجلك كان يشوفك بهاد لحالة يتخلع و يطلقك ناضت تجري طلعت دروج و من بعد ولات
هي: احلام كيفاه حتى سحب شكوى ؟/
انا: مكانش معول اصلا يدخلو للحبس
بتسمتلي و عاودت طلعت.......  انا لازم نروح منا ما نقدرش نكون مرتو ماشي انا لي نتحط قدام امر لواقع ..... طلعت لبيتي ديت passport دراهم لي قعدولي لبست حوايجي و جيت خارجة حتى نشوف عصام خرجلي من حيث لا ادري                             Rüyalar#
هو: وين بيها نتي
انا: .......... (سكات) 
هو: ادخلي نهدرو
انا: لازم نروح مانقدرش نعيش معاه زواج بنسبة ليا هو لحبس كي شغل تدفنوني و انا حية ...مانقدرش نتحبس طول حياتي معاه انا لي عليا درتو و خرجتك مي انا لازم نولي لدزاير
جا حكمني من يدي و دخلني حطني فل فوتاي
هو: دوك طفرت سيد راه عقد عليك و لازم تعيشي معاه
انا لتما عينيا بداو يدمعو
انا: سيك سمحت فيا ياو انا قبلت باش نعقد علاجالك ياو باش برك نخرجك من لحبس هدا مكان و راك خرجت انا ما بقاتلي قاعدة هنا (بل عياط)  حتى نسمعو حس مورانا ماريا كانت رافدة سرين و جاية
هي: واش بيكم نتوما زوج عاودتو وليتو كي لقط و لفار
و راحت عند عصام عنقاتو
هي: توحشتك
هو: ماريا روحي جيبلي عفسة نشربها وناكلها راني ميت بل جوع و انا تاني توحشتكم
نحاها من حظنو ورفد سرين و راح قعد هو كان يلعب معاها و انا كنت مقابلتو
جات ماريا و حطت jus كانت متهلية فيه
هو: ماريا وجدي روحك غدوة راح يجو يفتحو و يدو احلام هي مسكينة كانت تشرب ف jus حتى طرشاتو على وجهي
انا: واش بيك مخلوعة وقيل قالولك انا راح نقعد بايرة مانتزوجش
هي: تاع تتزوجي هادي حاجة نورمال بصح شكون و زيد تاني غدوة منذاك
عصام: Pablo هو لي راح يتزوجها
هي: واشنو و قاعدة حالة فمها  كيفاش حتى قبلت عصام ما علبالكش شكون هداك ياو راه فل مافيا
هو: علبالي واش راني ندير ماريا هاد شي لمصلحتها
انا رفدت روحي و رحت و خليتهم راحت حياتي خلاص احلامي كامل تحطمو هدا كامل على جال لي يسموه خويا مع لخر هه ما قاليش meme po صحة
حطيت روحي فبلاستي حتى تدخل عليا ماريا
هي: او حكالي عصام قالي باش خرج كان لازم عليك تتزوجي بيه....  احلام كانت باينة بلي يحبك و بلاك صابها فرصة باش يكسبك
انا: ماريا ماراناش في فيلم تركي كان جا صح يحبني ما يدرليش هكا
هي: هدا هو مكتوبك احلام ماعليك غير تتقبلي
انا: نتي ماراكيش حسة لعذاب لي راني فيه نتي تزوجتي عن حب و خرجتو كيف كيف تعرفتي عليه مليح و انا ترميت على راسي  ... مايحس بل جمرة غير لي عفس عليها  جات حضنتني حتى جا عصام
هو: احلام اعطيني passport
انا: علاه
هو: جيبي جدو بلا كثرت هدرة
رحت عطيتهولو و راح و كملت موراه ماريا و انا قعدت وحدي
جوزت ليل كامل و انا نبكي داتني عيني و رقدت حتى غد من داك .......اوف ياربي كان ديتني من هاد دنيا و هنيتني ماشي خير  دخلت عليا ماريا
هي: ايا لعروسة حبيب لقلب راه يستنى فيك
انا: ماريا بلعي
هي: اغزري فيا تشوفي.....  عينيك كامل راهم منفخين و حمورة
انا: امممممم
هي: احلام علبالي نظرتك لزواج كيفاه بصح صدقيني كي تحبي عبد من قلبك و هو يكون متفهم ويحبك تعودي نتي تحكمي فيه بيديك و رجليك وسنيك و من بعد جييو دراري ثمرة حبكم لي تربطكم دايما
انا: ديجا رحتي لدراري  و ديجا شكون قالك انه ما نحبوش
هي: 😏😏😏 بداو لكوارط يتفضحو
انا: بصح ماكنتش، معولة نتزوجو و كي نروح لدزاير ننساه
هي : وكتبلك ربي تتزوجيه ايا نوضي الحمد الله راح نتهنى منك                                  Rüyalar#
خبطتها بل مخدة و نضت عصام كان فوق طابلة يشرب حليبو هادي اول مرة يكون  لبرود بيناتنا واحد مايهدر غير ماريا تسيي تلطف لجو......  لمهم جاز لوقت و انا و جدت روحي باش نروح عند هداك.....  لبست قفطان داير هكا