سلام عليكم 😘
عند Pablo:
مور ما قعدت مع ميلينا هي كانت تهدر و انا كان عقلي مع احلام قاعد غير نشوف فيها كي كانت مع موحة كلا جيت انا تان صديق طفولة كان بلاك دوركا ما كانش حواجز بيناتنا 😥😥😥حتى نشوفها هي و موح ناضو و جايين لجيهتنا وقعدت واقفة باينة ما حباتوش يمسها 😏😏😏دنات ميلينا ليهم و حبت نتبادلو انا لداخل كنت ميت بسعادة بصح ما بينتش بصح كي نطقت احلام لڨاز طلعلي1000 وحدة تتمنا هاد لحظة معايا و هي لالا 😡😡اناتقلقت هي كانت عطيتني بدهر حكمتها من يدها و جبدتها و دورتها ليا كانت عيني في عينها نظرتها كانت باينة بلي راهي مشوكية انا ما خليتلهاش لوقت طلعتها فوق رجليا علبالي بلي خاطيها و فنفس لوقت حبيت شوية رومنسيةحطيت يدي مور دهرها و يد فيدها (تليقنا تصويرة) قعدنا للحظة في سلام كانت انفاس تاعنا مخلطة في بعضاها بصح حاجة مليحة جامي دوم معاها علاخطش كان ماتسكتش ما نعرف واش يصرالها 😒😒😒😒😒هي: اي واش هبلت اطلقني هدا ما خصني كان يشوفني عصام خلات عليا
انا: احلام خوك ماكاشو الوغ ما راح يشوف والو
هي: ايه هادي عقلية و لا خليني كان جات ختك و الله ما تقول هكا و لو كان تطلقني و تخليني نروح ناكل ماشي خير
انا: لماكلة ما راحش تهرب 😑
هي: حتى هاد زمر ما راحش يهرب و زيدون....
انا حطيت يدي على فمها و قلتلها
انا: احلام كان تسكتي ماشي خير
هي: نحاتلي يدي و قالتلي مانسكتش ربي عطاني فم باش ناكل و باش نهدر
حرڨتلي راسي 😤😤😤😤😤😤😤😤😤😤😤😤
الوغ حكمتها لصقتها مليح مع صدري و رفدتها باش تكون واصلة لوجهي 😍😍😍😍😍😍
انا: احلام كان ما تسكتيش ندير عفاسي راني شاد روحي بسيف عليهم
عند احلام:
ايما واش داني نقعد يا ربي سلكني توبة نعود ناخد راي خويا وندير واش يقولي
بعد ما سمعت تهديد ديالو ستسلمت للواقع لمر و ما هدرت والو و حتى انا تأقلمت معاه خطرة على خطرة جي عيني ف عينو و نقعدو للحظات طويلة نتبادلو نظرات كي نشوف فيه قلبي يتزير و نحس كي شغل لفراشات راهم يطيرو فكرشي كامل كانو قاعدين قعدنا غير انا و Pablo ف la pıste و من بعد جي هديك شادية فسدت علينا دعوى جات تتزعبل و فرحانة بروحها
هي: (نترجم ديراكت للعربية) Pablo خليتني انا باش تقعد مع هادي صدقني مع هاد لمعقدة تكره حياتك وتندم
وانا لتم وليت نسوطي
انا: شكون معقدة يا شادية يا لحيوانة يا لعدارية يا لعريانة
هي: هه شوفي يا ارهابية Pablo تاعي و انساي يدي وحدة كيما نتي معقدة و ماتخليهش يعيش حياتو و لا يتمتع بيها و....
پابلو :(بل عياط) sı Bon (كامل ولاو يغزرو فينا)
و راح حكمها من يدها و زير عليها و قالها
هو: مانسمحلكش تهدري عليها انا عمري ماكنت تاعك نتي و علبالك انه كنت نفرغ شهوتي فيك هدا مكان عمري ما كانت عندي علاقة معاك و لا حبيتك و لا وعدتك بكاش عفسة و طفلة هادي نتي ماتسوايش ضفر تاع رجلها و عندك زهر كي جيتي طفلةsı no كان راني محيتك
و طبعها جابها فل ارض و حكملي يدي و بدا يكركر فيا خارجين لبرا انا كنت مشوكية ماشي من واش هدرت مي من واش قال هو "كنت نفرغ شهوتي"
كي وصلنا قدام طنوبيل فتحلي لباب
هو: اطلعي
انا: مانركبش مع واحد كيما نتا خليني موحة يوصلني
هو: احلام راني مقلق من واش صرا ماتزيديليش نتي تاني
انا: و انا واش قلتلك قلتلك خلي موح يوصلني
لتما هو بدا يضحك ضحكة هسترية خلعني بيها
هو: ههههههههههههههههه واقيلة راكي حاطة عينك عليه و لا تفهمتو نتي و هو يتزوج بميلينا يخدم لكوارط و من بعد يرميها باش بتزوج بيك
انا: اي واشن هاد لهدرة قادر روحك مارانيش رخيسة كيما لبنات لي تضل معاهم و لي نتا كيما هما
واش داني ننطق كيفاش ولات لغزرة ديالو فهمت وعلاش ناس يخافو منو حكمني و رماني داخل طنوبيل و ركب و ديمارا كان يسوڨ كي لمهبول و مزير على لvولون و خطرة على خطرة يضرب فيه و يعيط كي لمهبول
انا: Pablo تعيش حبس راك حبنا نموتو
هو: ........... (والو)
انا: Pablo بلاك لكلب و غمضت عينيا
عند pablo :
كي قالتلي بلي رخيس كيما هما حكمني لكلب كنت راح نهبل وليت نشوف دنيا كحلة ركبتها فطونوبيل و كنت نسوڨ، كي لمهبول
احلام: Pablo تعيش حبس راك حبنا نموتو
انا: ........... (والو)
احلام: Pablo بلاك لكلب
لتما فرينيت sec حتى جبهتي تخبطت مع لvolon شفت ف احلام كاش ما يكون صرالها كانت مغمضة عينيها سڨمت طونوبيل و حبست جبت قرعة ماء و خرجت رحت من جيها لوخرا فتحت لباب و عطيتلها لقرعة
انا: هاكي
هي نحات سانتورة و خرجت و بدات تضرب و تعيط
هي: راك حاب تقتلنا الا راك حاب تموت موت واحدك لاه دايني معاك كان عرفت هكا كان روحت مع خويا و دموعها بداو يطيحو شديتلها يديها و تلقاو عينينا عينيها كان فيهم لاحباط لحزن ضميتها لصدري مع لاول قاومت و تخبطت باش نتلقها مي كنت انا اقوى منها خليتها تبكي فصدري و تمسح خنونتها ف شوميز ديالي كي شتها حبست حليت لقرعة ما و مسحتلها و جها و عطيتها تشرب مي، شحال شابة كي تشنف
انا: صحة ناس يقولوها باطل ماشي، بدراهم😁
هي: 😣😣😣😣😣😣😣😣😣😣😣 ماتهدرش معايا
انا: بصح ما نقدرش كان ما نهدرش معاك مانحسش روحي مليح و قادر ندير عفاسي....
هي: مكلاه تكمل 😣😣😣😤😡😠
انا: صحة حلومة اسمحيلي
هي: مانسمحش
حكمتلها راسها و بستها ف جبينهاوقلتلها
انا: اسمحيلي كي خوفتك و هدرت هاديك لهدرة ماكانش قصدي
هي: وصلني لدار
انا: ما راحش نبوجيو منا حتا تسمحيلي و تنحي هاد شنوفة
هي: اشريلي باغباغ papa (غزل لبنات مي انا نقولو هكا😁)
انا: دوركا رانا فليل وين نلقاه
هي شنفت و ربعتلي يديها كيما دراري صغار و قالتلي
احلام: دبر راسك ما دخلني سينو ما نسمحش 😣
انا: خلاص بصح نحيلي تشناف
هي: ايه 😁
ركبنا ف طنوبيل مع لول كان سكات و من بعد درت ل poste كانت لغنية stromae alores on danse بديت انا نغني بصوتي لبشع باش نلطف لجو و من باعد هي تفاعلت و بدات تغني و نضحكو على روحنا و ديتها لاقرب ماناج هبطت تجري
هي: ايا خوف باش نوصلو شوية بكري
جات حكمتني من يدي و قاعدة تكركر فيا كي وصلنا عند لي يبيع
انا: 1باغباغ papa
هي: لالا اشري 2
انا: تاكليهم بين 2
هي:ايه و يمال!!
شريتهملها و قاعدة تاكل و من بعد شافت les autos tamponeuse عينيها تحلو
هي: ايا نلعبو
انا؛: واش قالولك انا دراري
هي: نلعبو ولا مانسمحش
انا: بصح نتي قلتيلي غير لباغ باغ papa و دوركا ولات لعب
هي: ايه نفحتلي ندخلها قبل ما نسمحلك امشي
رحت معاها على سعدي مع لول جاتني طايحة مي كي قعدنا كيف كيف وهي كانت تسوڨ و قعدنا نحڨرو ف دراري صغار و نضحكو نسيت كل شي نسيت شكون انا نسيت همي وليت انسان اخر هههههههههه خرجنا نضحكو قاعد نتمعن فيها و ضحكتها كل يوم راني نزيد نحبها و زيد قريب تروح لدزاير و انا ما راح نقدر ندير والو قعد ندارب مع روحي حتى هي قالتلي
احلام: راهي 21.30 عصام يقتلني خف امشي نروحو
و لينا نجرو ركبنا فطنوبيل و نطلقنا كنا غير نتبهلو و نضحكو و لاغلبية هي لي تحكي على عمايلها مع خاوتها مي انا ما عنديش حاجة كبيرة حياتي كامل معنات وصلنا و حان وقت نتفارقو 😢
هي: ايا تصبح بخير احلام سعيدة باي باي
انا: احلام سعيدة باي 😘
ستنيتها حتى قريب تدخل و من بعد نشوفها موليا
انا: خير احلام كاش ما نسيتي
هي: ايه😥😭😭 طرف تاع لحم خليتو ما جبتوش هدا كامل على جالك
انا: 😑😑 منك بصح خلاص ما تزعفيش غدوة نجيبلك لحم لي قعد
هي: خلاص يمال و بلاك تنسى و تانيت سماح Pablo ايا باي
انا: باي يا لمهبولة
هي دخلت و انا تانيت دخلت لدار لي كانت فارغة و ماكين حتى حس رميت روحي فل بونك و قاعد نتفكر كي كنا فل مناج و نضحك على روحي كان يشوفوني اعداء تاعي يتخلعو و ما يأمنوش و على دكريات لمليحة رقدت 😳😇
*****************************************
و هدا dédecas spécial .sarasimissi w nananoda .khDdja ahlamarikab و شكر خاص لي راهم يقراو و نهديلكم هاد لغنية و سمحولي كي مارانيش نحط دايمن
أنت تقرأ
احببت من قالو عنه شيطان (بالهجة جزائرية)😍😘
Romanceيقولون ان الحياة هي ما يحدث لكم في الوقت الذي تضعون فيه الخطط يعني نظن اننا نخطط كل شئ و لكن القدر يلعب لعبته كما يرغب و نجد انفسنا في مكان لا نعرفه ابدا مثلا احيانا تاخذنا الحياة و ترمي بنا في قاع بئر و من ثم ترفعنا و فجأة فوق الغيوم لهذا سبب يجب ا...
