"Slam 3alykoum KML sa7a ramdankoım w sa7a ftourkoum wsalna la fın nchlh tkoun 3ajbtkoum had la chronique w ma nkounch khaybt dankoum.... Kyn bzef li 9alouli ida na9drou npubliyiw had l7kaya n9olkoum jai po un problme f anahou tpubliyiwha bssa7 bchart anahou ma tbadlou 7ata 3afssa fiha ay t7atouha kima rahi w t7atou issmi m3aha (Rüyalar)w yli yba3touli les msg FL privé n9olha w n3awad ma ranich ntkbar allah raleb malgré nssiyi nrepondi les msg ma ytba3touch sam7ouli ki twalt 3likoum sa7a ramdankou w ftourkoum w s7ourkoum w tani sa7a 3idkoum allah yfara9na bla dnoub ya man3ach nchlh pice 😘😘😘"
عند احلام:
كان راسي قاتلني ماجيت نحل عينيا بسيف كي بديت نفيق لقيت روحي مربوطة فل كرسي و كانت بلاصة موسخة و كاين دم فل ارض
انا: اه ياربي وين راهي
؟؟؛: احلام راكي مليحة ياك مادارولك والو
انا: ادام واش صرا علاش راك معلق كي لكبش و انا لاه راني هنا
هو: منير عرف بلي جواد عايش و عرف بلي راني معاه
انا: اه واش راك تخلط
هو: شوفي تفقنا انا و جواد انه نحكمو منير من ليد لواعرة
انا. ادام شوف حالتي كيفاه راهي مارانيش قادرة نخدم مخي و نتا تهدر بل كود
هو: تفهمنا انا جواد نلعبوها لمنير و ندير روحي فرحان كي قتل جواد و راني حاب ندخل معاه فل مافيا اي نكون جاسوس و ندي لخبار la polıce على كامل واش يدير منير من طرافيك مخدرات و خاصة لقتل اي كنا حابين نجمعو لادلة باش ندخلوه للحبس بصح لبارح كي كنت نفيلمي كي قتل واحد حكموني رجالو عذبوني حتى جبوك نتي Rüyalar#
حتى نسمعو واحد يصفق 👏👏👏 اي شحال جايح
منير(يهدر كي لمهابل): قصتكم شحال شابة بصح خسارة فسدت..... (و دار ليا) شوفي والله انا كنت راح نخليك تكملي حياتك بصح راجلك لعزيز ماحبش يموت الوغ انا خممت خممت قلت نعذبو بيك و نزيد وليدو لي عمرو ماراح يشوفو هدا هو لعقاب لي يليقلو (يهدر كي شيطان و لعياذ بالله)
انا: من الاخر واش راك تقصد
هو: حبيت نفهم كيفاه حب وحدة كيما نتي ماعندكش مخ؟؟
انا: نتا والله ماتحشم كان جيت راجل تنحي هاد لحبال لي راك رابطني بيهم و تشوف واش نديرلك وبي بلا مخ واش تقدر دير
هو: وزيد سوvاج تانيت جابلي ربي راح نهنيه منك و ابدا يضحك كي لمهبول هاهاهاهاهاها
اومبعد ولا سيريو و سڨم حوايجو
هو: كان جيت في بلاصتك ما نهدرش كامل دورك وقت سيريو راح تفهمو كل شئ جامي قتلت انسان بلا ما نعطيه سبة... ادام انا اصلا قلت نستفاد منك و نقتلك بصح نتا حبيت تموت قبل لوقت ....دورك تفهمو علاش درت كامل هاد شئ
هو؛: كنا كي لخاوة حاجة ما قدرت تفرقنا بصح مور ما هربنا من لميت تقلب كل شئ لوعود لي قطاعناهم على بعضانة نقضتوهم كي نتا كي جواد واحد راح يعشق فبنت لمعلم و لوخر صاب لحنان و لمأوة من عند بلال صاب لعائلة لكل واحد يحلم فيها بين 2 تخليتو عليا كنت دايما وحدي حتي جا نهار و تلاقيت ب جوليا كنت فجنينة وحدي حتى جي هي و تقعد معايا بدينا نهدرو و مع لوقت حكيتلها كل شئ ولينا اصدقاء بصح ماقدرتش نسيطر على مشاعري و حبيتها اكثر من اي حاجة فهاد دنيا
انا: حبيت ولا زمرت حنا واش دخلنا علاش راك ديرنا هكا
جا دربني سقلة طيحني بل كرسي و من طيحة حسيت بل وجع في كرشي
انا: اااااااا وليدي
ادام: (لل عياط) يالحيوان ماتمسهاش( و قعديتخبط بصح ما قدر يدير والو)
منير: هادي باش تتعلمي ماتقطعيش لكبار عليك كي يكونو يهدرو
و جا عاود وقف لكرسي
هو: عترفنا لبعضانة و مع لوقت عرفت بلي باباها اكبر عدو لبلال و انا ماحوستش نفهم على كل حال لو كان لزمو عليا نخير كان نخير جوليا كنا نبنيو احلامنا انا وجوليا حتى جى بلال و محا كل شئ بلال زدم لدار جون (بابات جوليا)وقتلهم كامل حتى لجثث تاعهم ما علباناش وين دارهم و من داك نهار قطعت وعد على نفسي انه ننتقم منهم كامل واحد بواحد
و كيما كان لحال جا نهار وين ادام سحق يكونو عندو دراهم باش يقدر يتزوج ميليسا و انا قترحت عليه يسرق من عند سبانيول و كيما كان لحال دار واش قلتلو و انا بيعتو و قلتلهم يدو ميليسا و....
ادام: 😬😬😬😬 ياحيوااااااااان يا ********* ماتجبدش اسمها..... كونك راجل و اطلقني
كنت ندعي ربي يسلكنا بصح من بعد تشوكيت كي نطق هداك لهايشة
منير؛ ههههههههههه اصبر مزال ماوصلت للجزء لحلو من لحكاية .....انا رحت عند ميليسا و مثلت مليح قدامها قلتلها بلي ادام راهو بين الحياة و لموت و راه حاب يشوفك اجري باش نلحقوه هي امنتني كي لبهلولة هههه و جات معايا طول طريق وهي تبكي و تحكيلي على احلامكم لي عمركم ما عشتوهم هههههه......... ضربتها كثر ما تتصور كنت ناخذ حق جوليا منها و نزيدلك انا تعديت عليها كنت انا اول واحد يمسها و موراها خليتها للبقية هههههه نظن كنت تسنى تتزوج بيها ههههه بصح كاين لي سبقوك
راني مشوكية من واش يهدر اواه هدا مريض عقليا نفسنيا كلش في حياتي ماشفت رخيص كيما هدا ما يسواش
ادام راه اونراجي كان قدر راهو قتلو10000 خطرة
ادام: اااااااااا اطلقني *********** نتا*********
انا: نتا ماتسواش في حياتي ماشت واحد رخيص كيما.... ويجيني كف واحداخور كثر من الاول
انا: ايييييي كرشي يا يما وليدي 😭😭😭كنت نبكي كانت كرشي توجعني و خايفة على وليدي
منير : حليتلك لعين بزاف نتيا
منير: ههه كانت تحلل فيا و قد ما حاولت والو على كل حال عملت مليح كي قتلت روحها كنت حاب نشوف لمنظر بصح خسارة... كي كملت معاها رحت وين كانت نايضة بناتهم اي مقر بلال كنت نسنئ لوقت مناسب باش نقتل بلال و كيما كان لحال انا قتلتو اعطيتو برصاصة شابة فل مكان لمناسب وبعدها عرفت بلي جواد وليد بلال قلت نستنى شوية و نزيد نكمل عليه بصح سيد طلع يخدم مع شرطة ستنيت لفرصة مناسبة حتى جات وهو ماحبش يموت
ادام: يا**** اطلقني اطلقني يا ****
منير : مايكون لاخطراك
تيرا عليه بلا ماتزغد شعرة منو كي شغل ماكانو صحاب
انا: ادااااااااااااام وزدت فصوت شهقات قعد غير نشهد و نبكي
شريط حياتي راهو جايز قدامي راني نشوف بلي هادو هما لحظاتي لخرة توحشت مامايا و پاپايا خويا انيس عصام توحشت تمهبيل خاوتي و كي يحبو يسيطرو عليا و كي يزعفوني و يرضيوني كي يكرهولي حياتي ..... جواد مع انه كل شئ صرا بسبابو هو لي قلبلي حياتي و لمشاكل لي لاقيتهم بسيابو بصح معاه عرفت لحب تضحية الخوف 😚
نشوفو دار ليا و قعد موجه لp.a ليا بيد و يصور بل portable بليد لوخرة
هو: ابتسمي خلي راجلك يشوفك مليح يشوفك فرحانة خير مايشوف دموعك على اقل يقول ماتت مبتسمة..... دورك راح تلحقي كامل ناس لي حبهم راجلك باي
سمعت صوت رصاصة على كل حال ما علاباليش واش صرا من بعد ماحسيت بوالو😢😢😢😢Rüyalar#
عند جواد:
كنت فطريق حتى عيطلي لي حطيتو يعس احلام
هو: الو chef كنت قدام باب دار كيما قلتلي حتى جاو رجال دارولي مخدر خطفو لمدام و راحو
انا: واشنو كيفاش
ماخليتوش حتى يهدر كوبيت و عاودت وليت باقصى سرعة
عيطت لادام والو مارفدش ياربي مايكون صاريلو والو
عيطت لمولينا
انا: مولينا خطفو احلام رانيsur منير عرف بلعبة و ادام من لبارح مابان عليه والو
مولينا: وين راك ل**** مستحيل يكونو فل مقر تاعهم علبالو بلي اول ماكان يجي في بالنا لتما
انا : شوف راني جاي فطريق و راني داير جهاز تتبع فسنسلة راهي عند احلام دورك نجي باش نعرفو وين راهي وصلت لمركز تبعنا وين كاين لجهاز
انا: هادي ف****** لمقر لقديم وقت بلال
مولينا: ايا لازم نقلعو
رحنا طريق كامل و انا ندعي ما نوصلش روطار
زدمنا عليهم مع رجالنا
مولينا: حطو لاسلحة تاعكم
انا؛؛ ماراني حاب نقتل حتى واحد قولولي وين راهو منير
عادل: كان عامباتلنا مت
انا: بصح. راني حي وين راهو دورك
عادل: رانا معاك جواد و لوكان تقتلو تعمل مزية وراهو تحت الارض و نظن علبالك طريق Rüyalar#
انا هبطت نجري مولينا ورجال معايا
حليت لباب بزربة كان موجه سلاح عليها من بعد دار و وجهو ليا ....صدقني هاد لخطرة ماشي انا راح نخسر
تيريت عليه فرغت سلاح كامل فيه كنت نشوف ظلمة كان قتل احلام و الله غير نقطعو و نرمي جثتو لكلاب واحد كيما هدا مايستهالش يندفن........ رحت نجري عندها شفت كانت دايخة و هاد شئ عادي من لخلعة
انا: مولينا وين راهي l'ambulance
مولينا: ادام زيد صبر ادام
انا نضت رحت نجري ليه
ادام: (يلفظ انفاسو لاخيرة) سمحلي ياخو كي ماقدرتش نحميها و...
انا: ادام ماتعيش روحك دورك جي لامبلونص و تعيش و تولي لينا
هو: راني عارف بلي هنا و خلاص هه حتى انا مانيش حاب نعيش سمحلي على كل ش. ي
اخر كلمة قالها سمحلي حتى نسمع صوت لامبيلونص دايمن روطار...... ادام مات خسرت اخ و صديق طفولتي خسرتو كامل 😢😢😢😢😢😢😢😢😢😢😢Rüyalar#
عند احلام:
حليت عينيا نلقى روحي فبلاصة بيضا عرفت بلي راني فسبيطار ...وتفكرت واش صرا ....وليدي ...حطيت يدي على كرشي
جواد: راكو ملاح بين 2 ماتخافيش وليدي قوي كيما باباه
انا: جواد ادم اخر مرة.......
هو: شوووووت احلامو.... و جا حضني
انا: وين راه
هو: الله يرحمو احلام
انا: (نبكي) جامي فرح في حياتو
جواد زير عليا
هو: انا سباب موتو كان رفضت لفكرة تاعو كان بلاك دوركا راهو حي
انا: هدا مكتوب ربي
هو: خلاص دورك كل شئ راه فل ماضي
انا : اممممم
قعدنا هكاك قراب لبعضانة حتى يزدمو علينا (علاه لازم يجو فل وقت لي ما لازمش)
عصام كي شاف جواد 😮😨😱😱😵😵
عصام: سم الله الرحمان رحيم وليت نشوف لموتى ضربني جن
ماريا: ماشي غير انت انا تاني لازم نروحو نرقو
انا: 😕😕😑😑عصام افطن ياو جواد مزالو عايش و راهو قدامك بشحمو و لحمو و زيد ما علموكش في داركم بلي لازم طبطب قبل ما تدخل
هو: خلي لعبد يتخلع في عقلو
عصام: كيفاه وليت لحياة نتايا؟؟
جواد : حكاية طويلة
حتى نسمع واحد يبكي
ميلينا؛: جواد صغير ماصرا....... (تشوكات كي شافت خوها)
ميلينا: موح راك تشوف واش راني نشوف 😨
موحة: راني نشوف
انا: فشلتوني بل خلعة تاعكم... ايه راهو حي وشفيتو هداك نهار كي داني ادام الله يرحمو كنت مع جواد
موح عصام: الله يرحمو ؟؟؟
بدينا نحكيو انا و جواد لحكاية من لاول للاخر ميلينا عرفت بلي جواد خوها تاع صح و فرحت برجعت خوها و انه نلم شملنا
عصام: جواد حاب نطلب سماح منك على اخر مرة..
جواد: خلاص بلا ماتكمل راك مسامح لي فات مات
حتى يصوني تيليفون عصام
عصام: الو وي انيس
انيس: .........
عصام: اه علاه يجو
انيس: ..........
عصام: خلات علينا و كوبا
انا: واش ببك واش قالك خوك
هو: باباك و يماك راهم جايين منا على 21 يوم باصينا
انا: اااااااه
جواد : مليح هكا نتعرف على نسابي
انا: ياربي من مصيبة لمصيبة
جواد: علاه راكم مخلوعين... ماتقولوليش مزال ما قلتولهمش
انا: كنت حابة مور مانزيد نهدرو معاهم و نقولولهم بصح دورك راهم جايين
بعد 21 يوم:
انا: جواد راني خايفة بابا عندو لاطونسيون ماما سكر كان يشوفوني بكرشي والله غير كاش ما يصرالهم
جواد: تفألي خير احلامو بلاك يفرحو هدا حفيدهم ماتنسايش و من بنتهم لوحيدة
انا: ان شاء الله من فمك لربي
حتى نسمعو لهدرة و لهراج لتحت ف دار عصام
جواد: احلام تنفسي ما تخافيش
رحت كنت قريبة منهم
ماما. لعصام و انيس: بلاكو من طريقي نتوما 2 خلوني نشوف بنتي
انيس : لعجوز خليها هي جي ماشي مليح ليك دروج بزاف
ماما: (تدرب في انيس) : لعجوز مرتك ياحيوان ماحشمتش و قولتها
تنفست مليح و هبطت ليهم
كي شافوني كان سكوت تام
بابا: بنتي واقيل شربتي بتية تاع ڨازوز باش ولات كرشك هاكا
ماما: شدوني راح نطيح ياطفلة هاد لكرش لاه راهي خارجة هكا؟؟ وقيل ملي جيتي ونتي تهافڨي ما حبستيش
انا: مساء لخير
ماما: ياطفلة نطقي سكر بدا يطلع
جواد: مساء لخير خالتي
يما: نتا شكون هدر معاك ولي اومبعد راني مع بنتي
انا:(بتردد و خوف) : بابا ماما انا تزوجت و مابقاليش و نولد
ماما:( و هي تندب و تدرب في روحها) ا حمد راك تسمع بنتنا وحدة تزوجت و حنا اخر من يعلم
بابا: والله ماتحشمو نتوما دراري نتوما تزوجها و حنا اخر من يعلم تفوووو عليكم درية تاخر زمان
عصام: بابا اسنى نفهمك
بابا: اسكت ماتهدرش نتايا زعمة نتا لكبير.... كيفاش تزوج ختك و مادير لاعرس لا تقولنا
انا: خلاص دورك مكلاه لمشاكل كانو عندنا ظروف علابيها ما حبيناش نقولو
ماما: ظروووووف قلتيها و ماحشمتيش
انا: ماما...... اي كرشي.... جواد سطر بداني....
ماما: وراح تزيد تاني راك تشوف احمد كي طفلة قريب تزيد باش عرفنا
انا؛ : ماماااااااااا خلاص دورك راح نزيااااااااااد..... جواد جوااااااااد لوجع بزاف
هو: احلام اصبري دورك نروحو لسبيطار
انا؛ : ماااااا نصبارش هدا كامل نتا كل شئ بسبتك
رفدني جواد حطني فطنوبيل و لوخرين كانو لحقينا
وصلنا لسبيطار و ليوم يزيد جواد
انا: والله غير مانزيد نولد هدا وخلاص و نضرب و نعظ في جواد
انا: هدا كامل بسبابك نكرهك نكرهك مانسحقش نزيد نشوفك طلقني طلقنييييييي
يااااااااا ماماااااااااا
جواد: احلام راني هنا اششش اتنفسي اتنفسي علبالي واش راكي تقولي ماشي، من قلبك
انا: نضرب فيه ...... مانتنفسش وين علباااااالك بلي ماشي من قلبييييي ...اني حابة نموتتتتت يا ربي واشن هاد لوجع
انا: اااااااااااا وااااااااااا جوااااااااد
حتي نسمع صوب بكى وليدي جا لدنيا هه راهو عند باباه و اخيرا ولينا عائلة
💑بعد اربع سنوات💏 :
أنت تقرأ
احببت من قالو عنه شيطان (بالهجة جزائرية)😍😘
Romanceيقولون ان الحياة هي ما يحدث لكم في الوقت الذي تضعون فيه الخطط يعني نظن اننا نخطط كل شئ و لكن القدر يلعب لعبته كما يرغب و نجد انفسنا في مكان لا نعرفه ابدا مثلا احيانا تاخذنا الحياة و ترمي بنا في قاع بئر و من ثم ترفعنا و فجأة فوق الغيوم لهذا سبب يجب ا...
