عند احلام : دخلت لدار بل احضان و خويا من بعدة حكمني شبعني خاباطوس وجه لمنحوس كي درتلو هدا كيما هادي و حتى مرتو خدات دق معايا مسكينة مي تاع تمسخير ماشي تاع صح علاخاطش كان تاع صاح كان راكو شفتوني، ف برنامج مبتاسمون رغم لاعاقة يعني لي يشوفني يقول معوقة و يزيد يكمل عليا بعيد شر لمهم رانا قاعدين نقسرو على لفواياج كيفاه جاز و كامل قلتلو لحمد لله حتى نسمع صوت بنت خويا تبكي لعميرة تاعي لكبدة تاع عمتها و نروح ليها لفايحة عبقت دنيا بسلامتها لمهم عند دخلة انا بدلت لي كوش و لعبنا و كملنا قسرة و ضحك حتى يجي وقت رقاد و صارت روحي تطير بين لغيوم و اصبحت في نوم عميق.
عندو هو :ليوم كاين سلعة تدخل لازم نديرها ف لاكاف رجالي كانو يدخلوها و انا كنت نعسهم كنت قاعد قدام دار جاري لي مقابلني حتى نسمع صوت ضحك ف دارو لعائلة كاملة حتى بنتو صغيرة تضحك شحال مدابيا نعيش هاد لحظة مرتي وليدي قاعدين نضحكو نلعبو و حنان لعائلة و وليدك في حضنك من لمراة لي تحبها بصح عفسة جامي تصرا شكون لي تحب واحد كيما انا واحد كيما انا ما يستهلش الحب يستهل غير لموت بابشع طرق ونارجهنم تقابلني لعفسة لي ماحبتش تتحقق في حياتي هي الموت😔 كنت غايس حتى يجي صاحبي لي عتبرتو كي خويا بصح مع لوقت تبدل دنيا بدلاتو وما وليتش ندير فيه ثقة ، هربنا كيف كيف من هداك ظلم لي كنا عايشن فيه هو عربي كي جا للميتم كان كبير و و من اصل جزايري يعرف يهدر دارجة علمني انا مانعرفش اصلي علابللي بلي عربي وخلاص. منير :شئ اخو تحب تروح تقعد و لا تريح انا نعسهم و ما تخافش واحد ما يدنا لسلعة تاعك.انا: لالا نقعد اصلا ما عندي ماندير وحدي .منير پابلو تبدلت بزاف راك غالق على روحك نتا لي موالف هاد لوقت فل بار و سهرات و كامل دوركا ما راكش كامل دور كاين بزاف متواحشينك و راهم يسقسوني عليك😉 انا : ما راهيش نفحتلي خليني . منير : كيما تحب ايا مالا باي تصبح بخير انا عندي سهرة نجوزها 😉 انا: ونتا بخير بصحتك بعد ما كملو و تاكدت بلي لجيران ما حسوش و سلعه راهي هنا كامل دخلت راني حاب نرقد بصح كل ما نحط راسي فل مخدة نتفكرة ناس لخسرو حياتهم بسبتي و ناس لعزاز عليا و ناس لي عذبت و قتلت مع انه يستهلو .وليت نشرب بزيادة و هكاك ما اثرش لكوشمار كاين دايمن.
عندها هي : صبحت الحمد الله روحت لصال دوبان ندير صابون في وجهي ويجي خويا لعزيز يجبدني من شعري انا: اييييي اطلقني هاد شعر ماشي سلك عصام: هدا شعر يسموه ناس شعر اجاكس و يدخل يغسل هو و انا ما قادرة نشوف والو من صابون و زيد لكلابون يطرش فيا و يضحك و جه ضحك ماشي لغلطة تاعو انا هي لبقرة لي جيت عندو مع لاخر كي كمل لعب وشمخني خبطني بصنطوحة و قالي: ما تنسايش تمسحي دعوةانا:ايه احلام بونيشة ديالك.. كملت غسلت و مسحت و بدلت و الحمد لله مرت خويا وجدتلي قهوة حليب و لكرواسون الله الله هدا صح كرواسون ماشي كي لكاويتشو تاعنا و يجي يقولك كرواسون ..رهجت حتى شبعت تحت شعار كرشي قبل كل شي و كيماا وعدني خويا ليومة يديني نحوس يمالا علاش جيت ..روحت لبست زعمة مستكيا لخيمار خرجت لقيت خويا و بنتو تستنا فينا انا وماماها ماريا راحت لطنوبيل وانا نسيت تليفون روحت جبتو كي كنت مولية يقابلني😥
أنت تقرأ
احببت من قالو عنه شيطان (بالهجة جزائرية)😍😘
Romanceيقولون ان الحياة هي ما يحدث لكم في الوقت الذي تضعون فيه الخطط يعني نظن اننا نخطط كل شئ و لكن القدر يلعب لعبته كما يرغب و نجد انفسنا في مكان لا نعرفه ابدا مثلا احيانا تاخذنا الحياة و ترمي بنا في قاع بئر و من ثم ترفعنا و فجأة فوق الغيوم لهذا سبب يجب ا...
