يقولون ان الحياة هي ما يحدث لكم في الوقت الذي تضعون فيه الخطط يعني نظن اننا نخطط كل شئ و لكن القدر يلعب لعبته كما يرغب و نجد انفسنا في مكان لا نعرفه ابدا مثلا احيانا تاخذنا الحياة و ترمي بنا في قاع بئر و من ثم ترفعنا و فجأة فوق الغيوم لهذا سبب يجب ا...
السلام عليكم 😇😘 عند Pablo: ليوم احسن يوم في حياتي من بعد 12 سنة حسيت روحي ولدت من جديد هههه فرغت كامل واش كاين في قلبي انا خسرت اخت ب ابشع طرق و مارانيش مستعد نتخلى على ثانية لي هي ماشي كيما ختي انما ختي صح ما تربطناش رابطة دم بصح انا نشفى عليها من نهار كانت بليكوش و تقدرو تقولو بلي انا ربيتها مارانيش حاب نعاود لغلطة 2 مرات لولة خسرتها علاخطش يبست راسي و ما حاوستش نفهم ان شاء الله مليسا تسامحني ميلينا كبرت و راح تتزوج و راح تولي ام فل مستقبل.... قعدت غير انا ان شاء الله تصدقلي مع لي راهي في بالي 😳😳😳😳😳😳😳😳😳 عند احلام : ليوم عرس بوخنونة اخاه لبارح برك كان يجري فل حومة و يمسح خنونتو ف تريكوه و دورك و لا عريس دنيا ياه ههههه المهم لبست روبة كيما ف تصويرة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مع جيلي بيض و خيمار بيض و صباط كومبونسي كرهت حياتي و انا سنفورة لمهم غير جيت نهبط فدروج نطيح طيحة. تاع لكلاب حالة لي ما يعرفش يمشي ب طالون خويا شبع عليا ضحك وجه ضحك يعرف غير يستشفى بغالون😠 لمهم غير وصلنا روحت عند ميلينا مسكينة ميتة بل خلعة عاونتها ف لبسة و كل شئ كانت حفلة صغيرة و مخلطة كانو غير صحابتها و صحاب موحة و خوها و حنايا لمهم هداك لي يهدر بزاف اي لي يجيبوه من بلدية باش يعقد و هداك لخرطي لي موالفين نسمعوه فل مسلسلات تركية كامل قالو و وصلنا لحظة لحاسمة. و لمسوفجين تاع صحابهم قاعدين غير يقولو بوسها بوسها و ختكم كي لعادة مول طبيعة ما ينطبع هههههههه لازم ننطق ما نقدرش نخليها ف قلبي نضت من بلاصتي و بديت نبرح هههه انا: يا بوخنونة بلاك كاش ما ديرو حنا رانا en famılle شوية قدر حبيبنا لتم خويا غزر فيا واحد لغزرة " ايتها لارض انفتحي و ابلعيني " علبالي فدار ما راحش تخرج على خير لمهم ظلمتهم سيد باسها في راسها.. باينة على جال خوها سينو كان دار فيا زكارة و دارها en plein publıc و لعياذ ب الله قعدنا شوية اومبعد دارو لغنا!!!! واشي هدا😮😮 كي سمعتو حبيت نرقد اومبعد نشوف كل واحد يحكم وحدة و يدورو بل عريس و لعروسة و راهم يديرو فل حركات علاخطش حرام كان نقول على هاد شي شطيح 😥 انا ندور راسي نشوف خويا يشوف في مرتو و شاد في يدها و يتمعشقو في بعضاهم و انا نعطيلهم حبة انا: و نتوما ما تنوضوش تقعدو تسخنو فل بلايص كي شغل كانو يستناو فيا نعطيلهم لوطوريزاسيون داو بنتهم و راحو و انا قعدت نتفرج و نحسب فنجوم شح فيا واش من مرقة حرقتلي شواربي 😑ياخي عرس ياخي مايشبه لوالو حتى نشوف وحدة جايزة يعني عيب كان نقول راهي لابسة علاخطش كي شغل ماراهي لابسة والو كلشي يبان قاعدة نتبع بعينية وين راهي رايحة حتى نشوفها رايحة لجيهة Pablo ولي كان معاه 😫😣 روحي ان شاء الله تتحرقي فجهنم ان شاء الله ينوضلك لحب في وجهك يا واحد لمصفارة و نشوفها شاداتو من قمجتو لاصقة فيه لا حشمة لازدمة انا حليت فمي و فداخلي كنت نغلي " كيفاه هاد لبونادمة توشيه😣 حتى نشوفها راحت مع لوخر و لصقو في بعضاهم ما هذا يا هذا عباد ما يحشموش بصح زعمة تكون قالتلو ليه و رماها لصحبو بفف ديجا انا واش دخلني يتهردو 😣😣ياخي شوادة ***************************************** ا*Sarasimissi* حبيت نقولك صحة و نقول صحة لكل وحدة راهي tvote ولا تكومنتي و لكل واحدة راهي تقرا هاد لكرونيك لانه هداشي يشجعني باش نكمل نكتب و مرسي بزاف و الله يفارقنا بلا ذنوب 😘😍
