عصام: رييييم دويي ريم: انت غالط عذبتيني بلا قياس وعواض تعتادر كتهدد فيا..عصام: اشمن نعتادر انا لي بغيتي نديرو انا نزل نبوس رجليك غير سامحيني متعذبينيش كثر راني كنموت فبعدي عليك فكري فهاد الولد متعذبينيش وتبعديه عليا ..متخليعش يعاوذ يعيش نفس المعاناة لي عشنا انا وياك متخليهش يعيش ليتم فغيابي..هاكي هاايدي كنمدهالك عطيني فرصة جديدة خليني نبرهن ليك احياتي بلي غندير المستحيل باش نتعالج علاقبلكم عافاك..ريم: غنرجع نعيش معك عصام: كنت عارف احبيبتي قلبك كبير ريم: متفرحش بزاف غنرجع نعيشو بزوج وهنا فهاد الدار...ونبغيك تخلي ديك الخدمة لي ماجابتلك غي العقد النفسية.. عصام: انا انا موافق اصلا انا كنت ناوي نقدم استقالتي الحمد لله عندي باش يعيشو ولاد ولادي مرتاحين ريم: مازال ماساليت انا غنرجع نعيش معك غي علاقبل ولدي.. ومن غيرو لا انت متدخلش فيا وانا منتدخلش فيك... سمعتي عصام': لا لا اريم متقتلينيش هكذا ريم: وتكمل علاجك.... ومتحاولش تفكر اننا نخويو لبلاد... و...عصام: حرام عليك نقبل اي شرط غير اني نعيش معك تحت سقف واحد بحال لخوت ريم: هدشي لي عندي قبلتي مرحبا مفبلتيش رجع منين حيتي خليتو واقف ورجعت تخشيت فبلاصتي... ونعست اول مرة ننعس مرتاحة يمكن عرفتو قريب او يمكن حيت بانت براءتي ورتاحيت وحطيت النقط علا الحروف... نعست حتا توسطات الشمس فالسما...حليت عيني ونيفي ملاتو ريحة الاكل الشهية.. لقيت قداني دب قذ ماميلو فيه قلب فوسطو مكتوبة عليه بالروسية. ياني ماكو جيت تيديا( منقدرش نعيش بلا بيك) سكوتشايوتيديا ) توحشتك() وفالاتحت علا شكل امضاء مكتوب... روسكي ميديفد...زعما الدب الروسي... ايوا بالزعطة. صبحنا عالله نضت بثقالة لبست بانطوفتي ديال ميكي ماوس ونيشان لمصدر الروائح الزكية الكوزينة كان فطور واعر وكيشهي معقلتش امتا طحت فيه عمية الهزة لي غنهز راسي كنلقاه حال فمو مية درجة لابس سروال سيرفيت فقط وداير الفوطة علا عنقو..عصام؛ مممكنتش بغيت نفيقك حتا نسالي السبور...باش نفطرو اونسمبل...نضت وقفت الا كنتي باغيني غي نفطر راني فطرت بغيت ندفعو من طريقي.....بمجرد ماقست صدرو الفولادي تكهربت بقيت مسمرة هو مركز عيونو فعيني كيقرب..لشفاهي توافقت وانا ندفعو حييد من طريقي.. عصام؛ بابتسامة ساحرة ارا متهربي نشدك نشدك نشدك... هربت وليت كنتحاشاه فالبيت مكنخرجش كل صباح كنلقا مفاجاه مرة الدنيا مفرشة بالورد وكاتب بيه لوبلو تيديا.. )كنبغيك( مرة جايبلي وليدات صغار... كيغنيو ليا تحت السرجم....مرة جايب سرب من الحمام البيض مشكل بيه قلب نهار الاخر جاب بالون كبير مكتوب فيه.. ايزفيني..فورتسا...) سامحيني ايتها السارقة) اش سرقت ليك الله يلقيها ليك.... نضت معولة عليه اش داكشي كاتب تماك...عصام: ههههه سامحيني ريم: لاخرا: ااهه السارقة مالك تنكري... ريم: متبقاش تدلني بشنو كنت كندير راك عارف ضروفي لي حكمات عليا بقات كتبكي..جرها ضمها لعندو عصام: حمقة هبيلة ابدا مقصدتش هكذا...انتي سرقتيلي قلبي... وروحي وراحة بالي عافاك حني فيا شوية...حسي بيا مكانش يسحابلي قلبك حديد...ريم؛ كتمسح دموعها ببراءة..انت لي صدرك حديد طلق مني راك غتقسمني وانا معندي صحة...عصام: قوليلي سامحتك ونطلقك...ريم: وااطلللق عصام: ،لااا ريم:،اووك اوك يالا طلق غنقولها...غير رحاها وهي تضربها بجرية لبيتها..عصام: غي بشوية بشوية عليك والله متابعك..ريم: خرجات راسها من الباب وكتخرجلو لسانها كتفقسو...سمعها دخلاات للدوش.. عرفها بعدات علا الباب ركلة وحدة سيفطو لهيه دخل عليها الحمام لي مكانتش مسورتاه عليها عصام: بابتسامة شريرة... حصلتي.. ريم: بعد مني هزات الرشاشة كتكب عليه. زولهالها من ايدها وبخفة جابها لعندو... مازال احبيبتي كتحمقي...مغير فيك الحمل والو.. ريم:، بعفوية بصح مزال كتشوفني زوينة واخا هاد دبدوب لي هنا.. عصام: واخا كاين دبدوب باقي الدب الكبير كيشوفك اجمل وحدة فالدنيا...ريم: اش قلتي عصام: عهههه ريم: باستغراب كتسنا ردة فعل اخرى دبدوب دب ..دب دب دب دب.دب عصام: عههههه ريم؛ اواه مبقاتش كتاتر فيك الكلمة...عصام ؛ ههه لا حاجة وحدة لي مزال كثاثر فيا · ·
أنت تقرأ
الدب الروسي
Adventureقصة مغربية زوينا و فيها شي اجزاء فيهم الجرأة ملاحظة القصة ماشي انا لي كتبتها ولكن كنحيي الكاتبة #sima.wizz قصة تجمع بين الحب و الرومانسية أقل ما يقال عنها زوييينة بزاااف متنساوش ★★★★التفاعل يشجع على إكمال القصة
