قبلت هاد الزواج وانا اعتصر الما... مشيت للسفارة الروسية بمدريد ودفعت اوراق الطلاق. ..فطريق العودة دزنا للمصحة الخاصة دشكيب باش ندير الصونار ونعرف جنس المولود تمنيت لي يكون معايا عصام لي يمسح علا شعري ولي يشد فيدي ولي نسمع ابتسامتو ماشي شكيب.. كنسمع ذقات قلبو الصغير احساس قمة فالروعة تخلطو عليا الاحاسيس فرح حزن شوق حنين نزلو دموعي وطاح عليا الظيم... نطق شكيب...شنو بغيتي نتي بلا تردد نطقت: عصام كان باغي ولد ..صمت شوية شكيب ورجع نطق بصوت مبحوح: مبروك راه ولد...فرحت ولكن بقا فيا الحال حسيت اني نقصت من شكيب وهو ذاير علا قبلي المستحيل قررت نزطم علاقلبي ونحاول ننسا عصام وكيفاش نقدر ننساه وطرف منو فاحشائي دمو يسري فدمي ولكن خصني نرد الجميل...بديت كنحاول نعامل شكيب مزيان... وزدت تقربت منو كان انسان طيب وقمة فالروعة نية ونية بحالي كلمة تديه وكلمة تجيبو ذغيا كيتقلق ودغيا كيتفش....كان متابع اجرائات الطلاق... اسد: ريما ختيتو وجدتي ولا مازال شكيب': لا غير خليها مرتاحة فالدار معندها فين تمشي ريم: واخة اشكيب اسذ: اوهو سعداتنا بدينا للحكام من دابا والناس كيسمعو الهضرة.. شكيب ': زيذ،زيد قدامي مبقيتيش تحترم خوك الكبير اسد: واش عندي من غير خويا كون ماهو راني مازال غارق فمستنقعات المافيوزية شكيب: انت امانة فعنقي وصية القبر وماخلا زيد راه البنات غيكونو فالمطار....كلامهم فيق عليا المواجع تفكرت اهلي لي ماتو وتفكرت خواتاتي وتضحيتي معاهم نزلت ذمعتي وتبسمت وانا حاطة ايدي فوق كرشي كنواعدك اديسم ندير عليك اكثر مدرت مع خواتاتي وعمري نحسسك بالنقص...اه سميتو ذيسم وقبل مايتزاد يمكن باش مننساش ومنتناساش انو ماشي ولد شكيب بل ولد الدب ولا احد غير الدب متستغربوش غرابة الاسم فالديسم فاللغة العربية هو صغير الدب
جات سنا واسية اما هدى فبقات مع راجلها... استغليت الفرصة نسولهم علا عصام.. ..ولكن مكانش عندهم خبر عليه حتا ايساف قالهم بلي راه مختفي والجهاز الامني كلو مستنفر فالبحث عليه.. كلامهن زاد وترني وشوشني اكثر عليه...قلبي مزير ومقبوط مية فالمية غيكون دار فراسو شي حاجة..توالات الايام ودازت عادية... خروج ضحك رحلات البنات رتاحو بزاف مع شكيب وبلا قياس..شكيب تقدم لخطبة ديال اسية لاسد ولكن انا قلتلو يصبر مازال شي 3 او 4 سنين تاخد الباك.. وتكمل السن القانوني ولكن لاهو لاهي كانو مصرين وجلسو يطلبو ريزاوكو انو غير عام واننا نزلوهم يتزوجو فالمغرب بما انها قاصر وخصها الولي.. فكرنا فجدي من الام ديالي .. تخطبو قدامنا وقررنا مور عام ننزلو للمغرب للزواجهم.. دوزو معانا شهر الفاكنس كولو.....الصراحة مسخاوش يمشيو...داكشي علاش كلهم غينتقلو وغنرجعو نعيشو بحال شحال هدا هنا فاسبانيا...ماعدا هدى طبعا... سيفطنا لعواطف باش تجي... وكان لقاءها بامها موثر بزاف بكاتنا كاملين....عتاب دموع حزن والم...كلهم بكاو متاترين الا انا بكيت حسدا عل الاقل هي عندها لحضن لي تجري وتبكي عليه..شكيب اصر اننا نسكنو كامل معاه فالفيلا ديالو... وحتا اصرارو علا الزواج معايا نقص.. يمكن شافني مشغولة وفرحانة بخواتاتي وحتا بحملي انا فالشهر السادس انما كريشتي صغيورة.. جالسين علا طاولة العشاء..اسد : بما اننا مجموعين اليوم كاملين راه خصنا نهضرو فموضوع مهم بزاف
أنت تقرأ
الدب الروسي
Maceraقصة مغربية زوينا و فيها شي اجزاء فيهم الجرأة ملاحظة القصة ماشي انا لي كتبتها ولكن كنحيي الكاتبة #sima.wizz قصة تجمع بين الحب و الرومانسية أقل ما يقال عنها زوييينة بزاااف متنساوش ★★★★التفاعل يشجع على إكمال القصة
