وصل للدار عيا يدق عييط علا العساس....طلب منو السوارت قالو بلي الدوبل لي كان عندو عطاه لمدام ريم البارح بليل... طلب من عندو مفك.البراغي...لي هو التورنو فيس... وبسرعة فتح لباب... دخل لقاها ناعسة فذاك الوضع علا الارض حط يدو عليها لقاها مثلجة.. حيد جاكيتو غطاها بيها.. فتحات عينيها...ورجعات سداتهم بعدم تصديق... وهي ترما فحضنو.. واطلقت العنان لدموعها حتا هو ماقال والو ضمها لصدرو وخلاها حتا بردات...عصام: شفتي احبيبتي لمن باغة تخليني انا ودبدوبك الصغيور هاد المرة عاوديلي... لي.يضرك يضرني ريم : انت ماعرف والو ماعارف والو.. عصام: لا عارف. ريم: اهئ اهئ القتال القتال... ناض من حداها حل الباب لي كان كيتدق دخل الجد ودادا مينا يالاه غتطلق عليه وهو يعنقها عصام من الخلف شاد ايديها.. عالاقل سمعيلو وحكمي... الجد: ابنتي داكشي لي سمعتي مامنو والو...اه فعلا...كنت قاسي ولكن ماشي لهاد الحد.. ملي ماتو ولدي ومرتو.. اختفا عصام ..من المغرب انا انشغلت بالبحث علبه مخليت فيما قلبت... كنت كنغيب علاداري بالايام هدشي خلاتي نسا بلي عندي مراهقة فالدار كانت ماماك فديك الوقت قد لسية ختك فالعمر.. كانت علا علاقة سرية بخو اكبر اعدائي وراكي عارفاه شكون عمك.. احقر شخص علا البسيطة.... ملي عرفت بالعلاقة حبستها وسيفطت لي ضربوه وهددوه... ولكن هي هربات معرفتش كيفاش... حيت فداك الوقت حملات منو...مابانو حتال قبل من موتهم بايام قليلة.. بانو فالعيون غي قراب مني وانا كنت نقلب فالبعيد وشكون لي وراني بلاصتهم عمك... ملي شفت شحال كيكرهم..قررت نمشي نتصالح مع بنتي ونبعدهم علا سم داك خيينا... مشيت للداركم نتوما كنتو فالمدرسة وراه مينة كانت حاضرة... ماماكم رفضات تشوفني رتخاصمات معايا وغوتاات عليا لدركت انا جابت قرعة ديال الغاز... كيتهددني انها تقتل راسها اللا قربت منها اولادها حيت منساتش لعداب لي عدبتها فلول هي وياه... دخل باباك مع الباب هو معارفش بلي مك حزكات الغاز فالدار كان كيكمي الپيبا... غي هو شعل ورما الوقيدة. وهي تشد فيه وفماماك وفيا... وكانت غتشد حتا فاسية غير عطا الله مينة طارت عليها وخرجات برا... بقيت شحال كنتدوا من الحروق لي كانو عندي من الدرجة التالتة انا لي طلبت من السلطات انها تخفي اني كنت مع اهلك يوم الحادث امينة: كلام جدك كلو صح حتا ملي كان فالسبيطار انا زرتو وعطاني مبلغ وطلب مني نعتني بيكم. ولكن ملي سافرنا مع حمد انقطعت علاقتي بيه او صلة تواصل معاه... بقاو كلشي كيبكيو... ريم: قربات من جدها عنقاتو... ان الله غفور رحيم وانا سامحتك اجدي.. مابغيت حتا وحدة فخواتاتي تعرف بلي طرا مابغيتش يتفتح الجروح القديمة.. الكل بتاسم. .خرجو من الدار لقاو سرب ديال السيارات الخواتات كاكلات وشكيب واسد وعواطف كلهم جاو لعند ريم كلهم عنقوها وجاتهم هاد الفرقة باش يقوللها قيمتها عندهم ويشكروها علاكل..مادارت معاهم.. فوسط هاد العاطفية كتطلب عواطف تديرلهم سيلفي... الكل تشيييييز.. ريم توجهات بنظرها... للنظرة الخارجية لي هي سامية لي كتباتلها حكايتها.. وحفرات ونبشات فوسط ذكرياتها وجابتها لكم....ابتسمت لها اومات براسها.. وهمسات.. ريم: سباسييذا بالشوي... )شكرا. جزيلا)
أنت تقرأ
الدب الروسي
Adventureقصة مغربية زوينا و فيها شي اجزاء فيهم الجرأة ملاحظة القصة ماشي انا لي كتبتها ولكن كنحيي الكاتبة #sima.wizz قصة تجمع بين الحب و الرومانسية أقل ما يقال عنها زوييينة بزاااف متنساوش ★★★★التفاعل يشجع على إكمال القصة
