خدات ريم الاذن من الطبيبة مور مطمنات علا حالتها..ومشات عند خواتاتها مور ماوصلها عصام للمطار ورجع للدار لي لقاها خاوية وباردة بلا بيها مصبرش تاصل بالناس لي كان عندهم مواعيد معاه اعتدر منهم واحد واحد وجمع باليزتو وقطع لبيي لرحلة لي تابعاها.... ريم وصلات ولقات اسية واسد فاستقبالها.. خداوها ومشاو للفيلا لي طردات منها قبل شهرين..جلشات مسلمات علا تاواحد فيهم من غير هدى..لي هي لي ترمات عليها جلسو الخواتات كيفما مولفين..يخططو علا طاولة باردة خالية من اي مشاعر قرابة...هاد المرة زايدين معهم 3 ديال الرجال اسد لي طلع راجل...رصان الامانة ايد شاد بيها فريم وايد فخطيبتو اسية...شكيب الي ضعف قدام نزواتو وخان وعودو كيهرب بعيونو من نشرات الكره والاحتقار ديال ريم وخوه... وايساف الغامض لي عرفوه فظروف غامضة ولي تزوج ختهم فضروف اكثر غموض...اسد: النصاب اكتمل وكلكم هنا موجودين وانا غنحيد عليا التقليد وغنعطيكم فلوسكم كامليين مكمولين كيفما خديتهم اول مرة لغرض واحد باش نحميكم...جبد 3 ديل الشنطات كبار مدبوزين اوروات غير تحلو وتحلو فامهم...اسد: شكون غيتكلف بالحساب اسية': ذبجا عارفين نصيب كل وحد هو..ايساف: هو البرد ههههه جبد سلاح وجر المانيطات لجيهتو كيسد فيهم هدى: مدهوشة اش كادير ايساف: سكتي باركة غير هاد الشهور لي تحملتك فيهم اقيمرونة جلسي ولا نشتت لمك راسك...ريم: هييه حدك تم. ايساف: سكتي نتي نتي حسابك ثقيل.. غنجمع حقك وحق راجلك الحگار...اسد وشكيب ناضو ليه يالاه غيجبد اسد السلاح وهو يتيري فيه ايساف جات الضربة فشكيب...ناض الغوات والبكا البنات ترماو علا شكيب الا سنا طبعا عينيها غي
فشنطات لفلوس... اسد ضرب برجلو المسدس ديال ايساف ودخلو كيتعاركو...حتا تدفع الباب..بجهد زعزع الدنيا تحل الباب وذخل شخص لم يكن فالحسبان... خطواتو كتقرب كتبت الرعب فالكل فيدو زوج مسدسات وجه واحد لايساف مردد قولة وقتك سالا ومهمتك كملات تيرا فيه بقرطاسة للدماغ اردته قتيلا فلبلاصة.. الكل كيغوت ويجدب هدى فقدات الوعي.....اسد حيد سلاح ايساف وسذذو لمن.. اكيد ليه جيرجيو ولكن لاخر سبقو وتيرا فيه بقرطاسة للجيهة الصدر...جسرجيو: هههه دابا سالينا وباش نضربو عصفورين بحجر واحد غناخد الفلوس وغناخد هاد الجميلة نمتع نفسي شوية ونحرق قلب الدب علا ولدو... جر ريم من شعرها نوضها. يالاه خارج بيها وهو يتلاقا مع الوحش بلخلعة لاح مانيطات الفلوس... عصام: طلقها طلقها ولا غنقتلك جيرحيو': بعد من الطريق ولا نقتلها ونقتل ولدك... انا ميت ميت بعد من طريقي رمي سلاحك الا بغيتي مناذيهاش..عصام: اوك اوك هاهو السلاح.. طلقها... جيرجيو بعد علا سيارتك مور متفتحها لينا...فتحهالو وهو يتيري فيه للكتف. خلاه طايح كينزف ريم كتغوت وتجدب لاحها فالسيارة وهز. الفلوس ومشا...جاو سيارات الاسعاف كتهز فالطايح لي كثر من النايض..والبوليس... عصام كياكد عليهم يقولو بلي راهم تعرضو للسطو المسلح... تضمدات جروحو...وناض بكل ثقة كانو مطمئن علا ريم هز سيارة اخرى شعل تلفونو متبع مسارهم... مطمن لانو سيارتو مجهزة بجهاز تتبع الجي بي اس...كانو قربو للميناء...زاد فالسرعة اكثر...ملي وصل كانت مروحية واجدة باش تقل جيرجيو وريم وشنطات الفلوس...عصام كيجري وكيتنفس بصعوبة لان جرحو بدا كينزف من جديد
أنت تقرأ
الدب الروسي
Aventuraقصة مغربية زوينا و فيها شي اجزاء فيهم الجرأة ملاحظة القصة ماشي انا لي كتبتها ولكن كنحيي الكاتبة #sima.wizz قصة تجمع بين الحب و الرومانسية أقل ما يقال عنها زوييينة بزاااف متنساوش ★★★★التفاعل يشجع على إكمال القصة
