اعترف مجنون في حبك رغم عقلي الكبير

٤

مر أسبوعين وخلالها طلعت يارا من المستشفى بعد يومين من اللي صار لها أثر صدمه نفسيه وراحت لعند خوالها تقعد عندهم اهي وكارلا..

أما أبوعبدالمجيد بعد ما أخوانه دروا بزواجه الثاني من بريطانيه وبناته التوم انصدموا من موقفه بس بالأخير اقتنعوا دام ان بناته عنده..واتفق مع أخوه أن ملجة راكان وأمثال&ومشاري ويارا بعد اسبوعين معنه يارا زعلانه منهم وما عطت ردهاا

واليووووم اليمعه الصبح الساعه تسعه ونص..واهو نفس يوم الملجه..

في فيلاا زياد وضاري..

بغرفة يارا وأختهاا

طلعت يارا من الحمام لافه فوطه على جسمها توصل من صدرها لفوق ركبتها..وشعرها مبلل ونازل..

شافت أختها نايمه وظلت فتره تتأملها لحد ما حست بدقة الباب وراحت تبطل ببرود

ضاري بابتسامه : يارووو يلا قعدي وقـ..
(وانصدم من منظرها ولف عنها) خبله أنتي ليش طالعه جذي؟؟

يارا ببرود: عاادي مو صرت خالي بالرضاعه

ضاري تنهد بضيق صار لها أسبوعين معلقه على هالكلمه: لبسي ونزلي تحت بنتريق ونطلع نتمشى وقعدي معااج كارلا

يارا بهدوء: فايف منتس..

صكت الباب وراحت تقعد أختها: كارلا كارلا ويك اب كارلا

كارلا فتحت عيونها بضيق وهي تتمغط: قوود موريننغ

يارا ابتسمت لهاا: قوود موريننغ..ويك اب..

كارلا وهي تبعد الكمبل وتقوم ويبين قوامها الممشوق وشعرها البني المبعثر: آوكي..

يارا ابتسمت وراحت تطلع لها ملابس..اختارت لها بنطلون اسود حرير وقميص بربريز وصندل عالي بربريز واستشورت شعرها الأشقر البلاتيني وخلته طايح عاليمين وتعطرت وحطت غلوس وردي ناعم ونزلت..

بالحديقه..

زياد وضاري قاعدين بطاوله دائريه عند النافوره وعليها الريوق اللي يفتح النفس

زياد: قعدتهم

ضاري ابتسم: ئي

زياد : دقت طييه تقول لازم الساعه أربع تيبونهاا عشان الصالونه بتيي البيت..

ضاري بدهشه: احلفففففف..يعني الا سوا اللي براسه أبوها..

زياد: المشكله شنو نقولها..تعالي ملجتج اليوم واهي اصلا ما تدري ولا جهزت شي..