اعترف مجنون في حبك رغم عقلي الكبير

12

الى منه خمد غلاك
ومات النبض بعروقي
تاكد ماني فوق الارض
كثر ما الارض هي فوقـي.

ومرت الايام..يوم ورا يوم..ورجعوا الاهل من المزرعه وكل واحد شايل بقلبه ذكرى حلوه او موقف جزين او مقلب كوميدي وجذي لين يا يووووم الثلاثاااااااا وطلعت نتايج امتحانات الثانويه العااامه

في فيلا ابو مشاري
الساعه ثمان ونص

طلعت روعه من دارها توها قايمه من النوووم..ونازله ببيجامتها البينك وشعرها نازل خصل منه بأهمال..نزلت الصاله وما شافت احد : وينهم معقوله امي ما قعدت!! يلا بكيفهم..احسن بعد..

راحت المطبخ سوت لها نسكافيه وخذت لها توست جبن وطلعت للصاله..بطلت التلفزيون ومسكت الريموت وقعدت جباله وكانت بتغير بس صرخت : يووووووووه هااذي الوزيره يعني بتعلن النتايج..

صارت تصارخ وهي بمكانها..يمااااا يماااااااا يماااااا ريمووووووووووو ريموووووو يبااا يبااااا يااهل البيت قووموا قوووووموا طلعت نتايج الثاانويه

طلعت ام مشاري من دارها تركض بدارعتها العنابيه المطرزه بالذهبي وريحة البخور اللي تهف من ملفعها: خيييييييير خيييييييير شعندج تصارخين قعدتي البيت كله
شنوو انتي قطو امتى قعدتي..

روعه ضحكت: هههههههههه شفيج كلتيني يماا..المهم تعالي شوفي حاطين الوزيره بتعلن نتايج الثاااانووويه

ام مشاري بفرحه : صج..يلا يلاا خل اقعد ابوج وايي..

روعه نطت من مكانها : وااااي خل اروح اقعد ريمووو واييب الاب تووب..

صعدت تركض عالدري ومن الطفاقه اول ما بطلت الباب بتدخل تقعدها جان تزلق وتطيح عند الباااب: آآآآآآآآآآي

ريما فزت من الصوت القوي: روووووعه شفيج؟؟ شصاير؟؟

روعه ضحكت وهي توقف وتحك كوعها من الاحراج: هههههه كله منج كل هااذا عشان اقولج طلعوا نتايج الثانوووي..يلا ما عليه اعوضها منج

ريما وقف قلبها وطلعت عيونها من الصدمه: طلعووووووووووا النتااااااااااايج!!

روعه تضحك وهي تاخذ الاب توب وتطلع: هههههههههه شوي شوي توها الوزيره طالعه لا يطير عقلج بس..غسلي ونزلي علما ابطل الموقع انا

وطلعت وصكت الباب..اما ريما من السرعه راحت سيده الحمام غسلت ويهها وفرشت اسنانها وبدا قلبها يدق بسرعه من التوتر والقلق والانتظار