اعترف مجنون في حبك رغم عقلي الكبير

9

يرضيك أقابل هالبحر
وأرمي من الضيقة صخور؟؟
واذكر سوالفنا بوله
وش قلتلك - وش قلتلـي؟؟

مساء اليمعه..
في فيلا أبو عبداللطيف
وبالتحديد بالديوانيه

أبوعبدالمجيد وقف: يلا ياخوي احنا نستأذن

أبوعبداللطيف: وين خليك شووي؟؟

أبوعبدالمجيد: لااا والله تسلم تعبت اليووم..يلا فمان الله

الكل: فماان الكريم

وبعد ما طلعوا

أبوعبداللطيف التفت لعياله: شرايكم؟؟

عبداللطيف ابتسم: تسألنا عن عبدالمجيد يبه..أكيد موافقين وين بنلقى احسن من ولد عمها نأمنه عليها

أبوعبداللطيف ابتسم: وأنتوا؟؟

رائد ابتسم: اللي تشووفه يبه

عبدالله بوقار: توكل على الله يبه وخلنا نكلمها..

أبوعبداللطيف وقف: كلموها أنتوا وردوا لي خبر..خلوها تفكر براحتها ولا تغصبونها على شي ما تبيه..يالله تصبحوون على خير

عياله: وأنت من أهله..

.....

بالصاله..

شوق بفضول: يماا تهقين شيبي عمي فهد من أبوي واحنا الظهر عنده

أم عبداللطيف ابتسمت: أنا مو قاعده يمج شدراني شنوو يبي عمج

غرام ضحكت: هههههههههه وااا كسحووها وااااا هههههههه

شوق بقهر: جببببببببب أنتي..(ووقفت) ارووح اقعد عالنت احسن..

غرام نطت: الله بيي وياج..

أم عبداللطيف: بدال ما تجابلون هالنت زهبوا جناطكم مبجر عشان ما تاخرووونا باجر..مو الصبح تقعدون تدورون..يما وين صندلي..يما وين حزامي..يما وين...

غرام قاطعتها: ههههههه شفيج يما كلتينا خلاص سويناهم من العصر..لا وجهزنا الحلا والكيك والشبسات حق السهره بعد
..المهم شووقو بيي وياج

شووق بنذاله: آسفه..بقعد برووووحي..

غرام حذفت عليها خداديه: مالت عليج

شوق ضحكت وهي عالدري وبيدها الخداديه: هههههههههههه خلااص سامحتج تعالي