..ستكونين لي

بداية الحلم

كنت دائماً لا أعرف قيمة الحلم يا أمي ... كنت أتجاهل أي حلم يأتي لي فهو بلا فائدة .. و لكنِ الان علمت قيمة الحلم يا أمي عندما رأيتكِ به ... كنتِ تبتسمين لي و قولتِ لي " إنه بداية الحلم .. اتبع قلبك فقط و سيرشدك " .. هل تشعرين بي الي ذلك الحد يا أمي فعندما طلبت منكِ المساعدة لم تتأخري علي الاطلاق ... فأنا أدركت الان أنكِ لم تموتي بل تعيشين بداخلي .. أُحبكِ يا من تسكنين قلبي

سأتحدث معها يا أمي و أعرف تفاصيلها الحزينة  ... سأتبع قلبي و أتمني أن لا يخذلني فنبضاتي أصبحت لا تتحمل الوجع يا أمي

بقيتي أحسن دلوقتي؟--

كلامك قواني شوية بس برضه لسة في حاجات كتير مش هتتنسي بسهولة ده كفاية حضنها اللي مش قادرة أصدق انه مبقاش موجود--

متقلقيش أكيد في يوم هتلاقي الحضن اللي تحسي فيه بالأمان من تاني--

مفيش حد هيقدر يعوضني --

قالتها باستهزاء

لا في يا سيلين.. الحب--

نظرت بعيداً و الصمت احتل المكان ... هل هي يائسة من الحب ايضاً يا أمي أم لم تقابله من قبل

معرفش.. يمكن مجربتوش عشان أقدر أقولك انه هيعوضني .. في حاجات كتير ممكن منقابلهاش في حياتنا و في لحظة الفرصة ديه --

تيجي و يبقي قدامك إنك تختار .. يا تختار الحاجة ديه و تطلع أحلي حاجة في حياتك .. يا تبعد و تفضل عايش طول عمرك وحيد

بس لو دققتي في اللي حواليكي هتلاقي أكيد في ناس حلوة كتير و تقدر تحتويكي و تحبك--

أنا كل اللي يهمني دلوقتي إني أحس بالأمان سواء من خلال الحب أو من غيره.. زي ما بيقولوا كدة ده قدر--

هو فعلاً قدر ... بس فكري في نفسك شوية عشان القدر ممكن يخطفك في لحظة و تكوني لسة معيشتيش اللي تتمنيه--

القدر أصبح يصنع لي حياتي يا أمي ... سأستسلم لقلبي تماماً يا أمي فأشعر بأنني لأول مرة سأعيش الحياة دون توتر و خوف من عدم وجود الحب الذي بحثت عنه طويلاً ... و أشعر أنني وجدت حياتي بأكملها مع سيلين .. تلك الفتاة التي تشعر بنفس ألمي يا أمي .. فأنا أُهون عليها تلك الحياة لأنني شعرت بأنها تنتمي إليٌ ... و إلي عالمي الخاص جداً