بعد الفراق

الحلقه 19

الحلقه19
وطلعت شمس الصبح تنور يوم جديد
شمس:اصحي يا سيف
سيف بنوم:ايه يا شمس لسابدري
شمس:لا مش بدري اصحي يلا عشان خطري مش انتا صاحبي
سيف:ههههههه ايه شغل الاطفال ده خلاص هقوم
شمس:هييييييييييييه
سيف:يلا يا طفله
شمس وهيا بتطلعله لسانها:ملكاش دعوه
واخدوا الشنط وودعوا الكل وراحوا المطار
واولما ركبوا الطياره
سيف:مالك وشك اصفر كده
شمس براءه:انا خايفه انا اول مره اركب طياره
المضيفه:لو سمحتوا اربطوا احزمه الامان الطياره هتطلع
شمس وحاولت تربطه ومعرفتش
شمس:يوووه ايه الحزام الرخم ده
سيف وقرب منها وعملها الحزام وكان قريب منها لدرجه انها حست بانفاسه وحست برعشه غريبه ووشها احمر
سيف:هههههه هوا انتي كل شويه بلون مره اصفر ومره احمر ايه قوس قزح
شمس وبصتله بغيظ:شوفت انتا الي بتجر في شكلي من اولها
سيف:هههههه بتجر في شكلي بذمتك دي لغه ممصمه ازياء انا حاسس اني متجوز سواق توكتوك هههههههه
شمس بغيظ:سواقه توكتوك لا والله دا انا ست البنات والستات والمدامات كمان
سيف وقرب منها جامد وابتسم:احلي بنوته في العالم والله
وبدات الطياره تقلع وشمس ماسكه في الكرسي وخايفه وسيف حس بخوفها ومسك ايديها
سيف في نفسه:اكيد هتهزقني دلوقتي
بس المفاجاءه ان شمس مسكت في دراعه اكتروغمصت عيونها
سيف وهوا بيبصلها بحنان:متخافيش انا معاكي
وحست شمس كانها طفل صغير في حضن امه حست بامان كبير امان افتقدته من وقت موت اهلها
ووصلت الطياره لاراضي انجلترا وصلت للندن
ونزلوا راحوا الاواتيل
سيف: لو سمحت في حجز هنا باسم سيف الالفي
(( هما بيتكلموا بالانجليزي بس انا مترجملكوا اي خودعه😂😂😂))
الموظف:اه مظبوط اتفضل محجوز لحضرتك وزوجتك سويت
شمس بخضه:سوويت سيف احنا هنستهبل ازاي بقا
سيف:اعمل ايه يا شمس يعني وكمان عااادي بقا ما انا وانتي كدا كدا بنام في اوضه واحده في البيت
شمس وحست بالاحراج :بس....
وقبل ما تكمل خدهاا سيف وطلعوا السويت
شمس:واووو دا جميل اوووي
سيف بهمس:انتي اجمل
شمس :بتقول حاجه يا سيف
سيف:ههههه لا ولا حاجه
سيف:يلا البسي بقا عشان ناوي افسحك
شمس:بجد يا سيف هيييه هلبس في ثانيه
ولبست فستان بحمالتان رفيعتان لونه سماوي وعليه استراس وكانت قمر كالعاده وسيف لبس كاجول وبلايزر
سيف اول ما شافها:يخرب بيتك هتبردي كده
شمس:لا متخفش انا مش ببرد
سيف:شمس هتتعبي ادخلي البسي يلا
شمس:لا لا ويلا بقا
وفعلا خرجوا واتمشوا وورها ساعه بج بن وركبوا يخت وكانت فرحانه اوووي واستمتعوا
بس وهما بيتمشوا علي جسر ريتشموند لاحظ سيف انها بردانه وقلع البليزر ولبسهولها
شمس:لا لا البسه انتا
سيف:متخفيش عليا وكمان انتي مهمه عندي ولازم تبقي كويسه
شمس:مهمه عندك
سيف وركز في عيونها:مش صحبتي ومراتي لازم تبقي مهمه
وروحوا الاوتيل بس سيف جاتله حمه
شمس:شوفت قلتلك متقلعهوش
سيف بتعب وهوا نايم علي السرير:المهم انك انتي كويسه
شمس:انتا طيب اوووي يا سيف
سيف بغمزه:عشان تقدري بس
وطول الليل شمس بتعمله في كمدات لحد ما خف وعدا الاسبوع بجنانه وعندهم مع بعض لحد ما جه اخر يوم وكانت المفاجئاه لسيف....