بعد الفراق

الحلقه 20

الحلقه20
وعدا الاسبوع وجه اخر يوم في اقامتهم في لندن
شمس:سيف انا جعانه
سيف:هههههه روحي كلي طيب
شمس:تصدق انك رخم انا قلت هتطلبلي حاجه انا هنزل اكل تحت ومش هجبلك حاجه
سيف:ههههههه يلا يا طفله يا صغيره
شمس وبصتله بغيظ :ملكاش دعوه انا طفله وافتخر
وخرجت وسابته وسيف لقي موبيلها كانت نسيته في الاوضه فقرر يشوف صورهاا ومن حظه الفون من غير باسورد
وتناه يقلب في الصور ويتامل في جمالها شكلها وهيا بتتضحك وهيا مبتسمه ومن غير ما يحس اترسمت علي ملامحه ابتسامه رقيقه لكن سرعان ما تلاشت الابتسامه واتحولت لصدمه لما شاف الصور الي اتبعتت لشمس يوم الفرح
سيف.بغضب:ايه الصور دي دي متفبركه
وفتح سيف الرسايل ولقي رساله اتبعت لشمس يوم الفرح وكان مكتوب
اتفرجي علي الصور يا.هانم دا جوزك شوفي مصاحب قد ايه شكلك بس تقلتي عليه قال يتجوزك تسليه
سيف وبقا مضايق وغضبان جداااا وفي الوقت ده كانت شمس اكلت وطلعت السويت تاني واول مادخلت
سيف بصوت مرعب باين فيه الغضب:شمسسسسسسس
شمس وبصتله ولقت الفون في ايده وتقريبا فهمت هوا متعصب ليه
شمس بخوف:في ايه يا سيف
سيف ورفع الفون لمستوي نظرهاا:ايه راءيك في الصور دي بقا عشان شويه صور من دي عايزنا نطلق ليه مسالتنيش ليه هدمتي اجمل ليله في حياتي انا كنت هقولك اني .......
ومقدرش سيف يكمل اعترافه بحبه ليها
وسابها سيف وخرج وهيا واقفه مصدومه
شمس ودموعها نزلت
شمس:ياريتني سالته ومتسرعتش انا اسفه يا سيف
وتناتها تبكي واستنته كتير لحد ما نامت من التعب وجه سيف الصبح تاني يوم جهز الشنط عشان الطياره وشمس صحيت علي الصوت
شمس:انتا رجعت يا سيف
سيف: البسي يلا عشان الطياره
شمس:انتا كنت فين موتني من القلق
سيف:ميخصكيش
شمس وعيونها اتملت دموع من طريقه كلامه معاها وبحزن قامت لبست وراحت معاه المطار ورغم خوفها من الطياره الا ان سيف ممسكش ايديها ولا كلمها
فبصت ناحيه الشباك وسابت لدموعها العنان وسيف كل شويه كان بيبصلها من غير ما تاخد بالها بس كبريائه منعه يكلمها لانها بجد جرحته
ووصلوا البيت والحال كما هو عليه
مريم:سيف شمس وحشتوني يا ولاد
شمس وهيا تحتضنها:وحشتيني اووي يا ماما
ساره:هههههه احضنوني انا كمان
شمس وبصتلها بحنان:هههههه تعاليلي يا سوسو وحشتيني
ساره:ربنا يخليكي ليا يا شموسه
سيف:ماما انا تعبان وطالع استريح
وسيف طلع ينام وشمس تنتها مع ساره بس روحها وعقلها.مع سيف وعداا اسبوع وسيف متجنبها تماما ورغم محولات شمس انها تصالحه لكن معرفتش