تمنيت الاحبهم ما يبعدون ( قصة واقعية )

_الجزء الثامن_

‏لاتبچيــن ! 💕
‏دمـ۶ـچ والكَحل غآليْ 🔐❤️."
‏خلي خدودج موردات❕🌸؛ ء
‏فشلةهَ يذبلن كبالي 👌🏻

*********
رغد:ليش شبيهن
زينب :لان طلعن اسوالف عليج وع اساس انو انتي جانت عندج علاقه ويه ولد اسمه احمد ماعرف شنو وهو تركج وبيوم الي خطبج علاوي احمد رجعلج وانتي رفضتي علاوي وكلتي ع اساس انو ابوج هو الي رفض علي وبعدين شفتي علي عنده فلوس وقررتي تضحكين علي
رغد:شنوووووووووووووو هاي المن كالن
زينب :هاي نهاد كالت لعلاوي وهسه علاوي مصخن ونايم ومياكل وصاير فد مره واني كلت خل احاجيج
رغد:بتوتر وبكاء:والله جذب والله جذب زينب معقوله اصدكون بيهن والله اصلاا معندي هجي شيء
زينب:والله جنت حاسه بأنوا السالفه جذب
رغد:وحق الحسين جذب بس معقوله علاوي صدك بيهن ليش هجي ليش يربي
زينب :معليج حبي اني رح اشوفه واتصل علي هسه
رغد:اي بعد كلبي والله جذب
زينب :اعرف رغوده ذني مضغوطات نهاد تحب علاوي وعطا تحب ضياء واتفقن عليج لان عرفته يحبج
حبي هسه احاجي علي ومن توصلني اخبار اخابرج
رغد:اووك
زينب:باي
رغد :باااي

بقت رغد قله بشأن الموضوع واتصلت ع ميار
ميار:الوو
رغد:الووو
ميار:لج هاي شنو اسمع صوت بجي ليش تبجين
رغد:لج تعرفين نهاد وعطا الي سولفتلج عليهن طلعت نهاد تحب علاوي وعطا تحب ضياء وعرفن علاوي يحبني واتفقن عليه وكلله ع اساس عندي علاقه ويه .......الخ
ميار:عززززززه بعيونهن 😱😱😱😱
وهسه شلون وعلاوي شكال
رغد:علاوي مصخن وهسه بالي يمه والله راح امووت
ميار:سلاامتج حبي باجر انداوم ونسولف بالموضوع
رغد:اني الي موتني ليش علاوي صدك
ميار:حبي راسلي وفهمي الموضوع
رغد:لج راسلته ورد عليه يكول ليش هجي طلعتي تضحكين عليه وسمعني كلام مو حلوو
ميار:يعني كرهتي هسه
رغد.والحسين شبعني بواجي حته ماكدر انام
اوكفي هسه رح اقطع للاتصال لان زينب داتصل عليه
ميار:اوووك حبي باي
رغد :بااي
اتصلت زينب برغد وكلتله ع اساس انو هيه فهمت علي الموضوع وافتهم هالشيء وصارت حالته احسن رغد كيفت بس بنفس الوقت لكت رسائل من علي فقررت تبيع ثكل علي شويه

في اليوم الثاني مشت رغد هيه وميار للمدرسه وشافت علي ومو مثل كل مره سوت نفسها مو بحاله
ميار:رغد عود.صدك كرهتي لو تجذبين
رغد:ايي اكرها
ميار:امممممم لج بس صراحه طالع يخبل اليوم شوفي شلابس
رغد غاارت :شنوووو انجبي ولج
ميار:هااا شو غرتي غير متحبينه
رغد:ولج نجبي ومشي

علي:ولكم شلون سالفه بعد طنكرت عليه
ضياء:حقها والله اذا انته بأقل شغله تصدك
سجاد:مو بس انته علاوي اني هم رولا اتعاركت وياي كوتله رح اخطبج ونتزوج هالسنه فهي موافقت واني كتلها لو هسه لو انتي معناتهه متحبيني وهيه زعلت واراضي بيها ومترجع
ضيااء:خرررررب امووون
سجاد:شبيك ولك
ضياء:ولكم انتم تحجون صدك لو تجذبون تريدون تحركون كلبي
علي :ولك هنيالك احنه الي محروكه كلوبنه
ضياء:هنيالكم جا ليش الله ميحرك كلبي مثلكم
سجاد:الله اكبر اي والله حته عالفكر حسدتنه
علي :تره ممعقوله ضياء حلو ومكون نفسه وشخصيته حلوه ليش لسه حديقه
ضياء:ولكم ماتدرون