تمنيت الاحبهم ما يبعدون ( قصة واقعية )

البارت الرابع عشر

مَتغيـرين
مَـوش آحنـه ، آلتعب مـآكل ملآمحنـه..💔

____________

:الوو سجااد شلوونك
سجاد : الوو ضيااء معقولة انته ضيااء
ضياء : ايي اني ضيااء ولك شلونك امي شلونها
سجاد  : بخير كلهم بخير وين انته وين جنت
ضياء : بعدين اسولفلك ولك رصيدي راح يخلص عود كول لاهلي جاي بالطريق بس عله كيفك مو تصدمهم ماريد اصدمهم واخابرهم
سجاد : الله كريم ولك بس تعال

قفلت المحل المحل ورحت طيارة وجبت امي ووديتها يم ام ضياء وكتلها
سجاد : خاله ضياء رجع هسه خابرني وكال بالطريق
ام ضياء : يمه ابني صدك عليك الله
سجاد : والله خاله

انتظرنه لليل وهسه يجي اخواته اجن وكرار واهله وام احمد وحظروا العشه صارت ب 9 وربع واحنه واكفين بالباب واجت سيارة ونزل منها ضياء اني عيوني بس عليه كلنه طفرنه عليه وشلونك وشخبارك دخل للبيت بدت الهلاهل والجكليت واني مامصدك هذا ضياء وكعدنه ونسولف وضياء  باس بيبيته ويسولف ويه العجايز ويضحك اني تفاجأت
سجاد : ها ولك خير تقوي علاقاتك ويه العجايز صاير
ضياء : اي ولك غيرت نظرتي تجاهن
كرار : سجاد دعوفه خلي يسولف وين جان وشسوه
ضياء : هسه اسولفلكم وين جنت وليش غيرت نظرتي ع العجايز
سجاد : ههههههه ولك يله كتلني الفضول
ضياء : من هجمنه اني وثنين شباب تحاصرنه هناك وسووا نداء انسحاب احنه جنه مانكدر ننسحب ظلينه بغرفة بعدين لليل طلعنه بالختله ومشينه بالزرع للفجر ظلينه نمشي شفنه مريه عجوز تخبز بتنور احنه ترددنه خاف ويه الدواعش بس بعدين دخلتنه وسبحنه وتريكنه وضيفتنه خوش ضيافه وردنه نطلع بس ماخلتنه لان المنطقة كلها دواعش ولا نكدر نتصل لان تلفوناتنه مو ويانه طلبنه منها تلفون كالت ماعندي وهي وحدها عايشة وابنها شهيد ظلينه يمها 4 اشهر ومانكدر نطلع هي كلشي نحتاج تجيب لمن بالليل كالت جبتلكم سيارة راح توصلكم لبيت فلان ابقوا يمه لان هنا الوضع خطر صعدنه بالسيارة ورحنه لهناك وظلينه شهرين علما سوولنه هويات مزيفة وانطوني تلفون صرصور من اجيت وهذا اني كدامكم والحمد لله وهاي قصتي وغيرت نظرتي عن العجايز من شفت ذيج المره الله يذكرها بالخير
ام سجاد : الله يذكرها بالخير ويرزقها الجنة ويرحم ابنها صدك هاي الناس الزينة

ثاني يوم
ضياء : الوو سجاد تعال يمي
سجاد : خير ولك شكو
ضياء : ماكو شي بس تعال نسولف

......
سجاد : ها ولك جاي تكتب وصيتك من هسه الورث سجله بأسمي
ضياء : يبوو اسم الله فال الله ولا فالك بيش طالبني يمه
سجاد : ههههه اشاقه شبيك ولك عمرك طويل ان شاء الله
ضياء : اكلك اريد اروح اتصالح ويه اعمامي وبيبيتي لان شفت الدنيا ماتسوه وممكن بأي لحظة نموت وماريد اموت واحد شايل عليه
سجاد : اسم الله عليك بس اني وياك بهالشي صالحهم صدك الدنيا ماتسوه
ضياء : يله تعال وياي

.............
بعد ماوصلوا لباب بيت اعمام ضياء
ضياء : يله سجاد صير زلمة ودك الباب
سجاد : اولا زلمة وغصبا عله شاربك هذا الي اذا احكه يطلع منه رصيد وثانيا انته شبيك ماندك الباب غير همه اعمامك وتريد تصالحهم
ضياء : لا موردتك انته تكسب اجر وتجمع حسنات وتجمع راسين بالحلال وتحصل قصر بالجنة
سجاد : ادري ولك جايبني اخطبلك لو اصالحكم
ضياء : فال الله ولا فالك تريدني اخطب من بنات عمي وحدتهن جنها مرتضى ولابس حجاب
سجاد : ولك لا تحجي ع العالم مو توك تريد اتوب وتصالحهم
ضياء : اهووو ابتلينه من حجينالنه سر يمك خل ادك الباب احسلي ماريد هاي المنيه منك

دكيت الباب وكسرته فتحه ابن عمي الصغير وكتله روح كللهم اجه ضياء وصديقه وظليت منتظر 5 دقايق ماصبرت وجفتت عليهم للصالة اني وسجاد
اول ماطبيت شفتهم كلهم صافنين عليه متفاجئين لان اول مرة اطبهم واني ارتبكت حييل وكمت امسلت
ضياء : السلام عليكم شوف الوجوه شعدكم تباوعون
وما احس الا سجاد كرصني وشاورني
سجاد : الجفن شبيك كمت تمسلت
ضياء : ولك ماعرف منين ابدي
سجاد : ابدي من حبوبتك هههههههه

كعدنه وسولفنه وتصالحوا ضياء واعمامه وبيبيته
ضياء : حبوبه اريد اكلج سر
جدة ضياء : كول ييمه شنو
ضياء : صاير وجهج حلو شتخليله فائزة
جدة ضياء : لا يحبوبه هو دهينه مال مشك
ضياء : حظري روحج الجمعة اخذجن للزيارة وعلى حسابي حمله انتي وامهاتج 
جدة ضياء : جاا بس اني وامهاتي جاا وصويحباتي ام خليل وام جاسم وام سعدون
ضياء : شنوو ذني مايمشن يزوعن بالطريق مثل ذيج الزيارة من زوعت ام بزون مدري ام سعدون بحظني لا انتي وامهاتج وبسس

منا للجمعة حظرنه احنه والاهل وسجاد وامه واهلنه وكرار واهله بمنشأة وجانت ناقصه 4 نفرات كتله اني ادفعهن ماعليك احسن حته ناخذ راحتنه

الفجر تجمعنه يم الحسينية وجاي نسولف اني وسجاد وكرار وابو المنشأة منتظرين العدد يكمل وماشوف الا من بعيد اجت 4 نسوان يجرجرن ركزت زين ذني عرف
ضياء : سجاد ولك ماتشوف ذني منو شو لكشني كلبي
سجاد : ههههههههه ولك ذني حبوبتك والهرمله مالتهه

وما احس الا حبوبتي وام خليل وام جاسم وام سعدون شو جني انصعقت

سجاد *
غير شبعنه ضحك على ضياء واكف بباب السيارة ويصيح مايصعدن يزوعن بالطريق محد تروح وبالاخير قنعناه وكلناله شعليك بيهن وانته تكعد يمنه مو مثل ذيج المرة يله قنع صعدنه الحمد لله وتحركت السيارة للنجف وره ربع ساعة نسولف ونضحك اني والشباب ومانحس الا حبوبة ضياء فوك راسنه وكوه مجلبه بالكراسي لا تطيح ضياء صارن عيونه براسه
ضياء : هااا شكو خير بسلا وحدة زوعت مو كتلهن جيبن علاليك انتي تتورطين بيهن
جدة ضياء : لا يحبوبه شجاك اكلتني ما زوعت ماخذه حبوب مالت سفرة بس اجيت اكلك ماتحاجي السايق يوكفنه يم صحيات ام سعدون متوازية وتستحي تحجي
ضياء : ياااابوووويه وين جانت ام سعدون الليل كله شمتريكه لخااطر الله .. عمي الساايق شوفلنه صحيات اكو مره متوازيه

وصلنه الامام بعد ماخلصنه الطريق ضحك ومواقف بس جانت ناقصه كلش لان علي واحمد ماموجودين زرنه الامام وتوجهنه اني وسجاد للمقبره وزرنه احمد وعلي وبجينه يمهم وحجينه هوايه حجي ورجعنه للسياره وبالطريق تباريت الذمه ويه العجايز وام سعدون اني كلبي طيب واحبهم بس شسوي طبعي هذا وصلنه وكلمن رجع لبيته بسلامه

*******************
سجاد *
جنت نايم وكعدت على صوت تلفوني يدك باوعت رولا اكثر من 10 مكالمات فتحت خط
سجاد : الوو هاا رولا خير شصاير شكو من الصبح.
سمعت صوت بجي رولا
سجاد : رولا احجي شبيك لا توكفين كلبي شكو
رولا : سجاد راح احجيلك مختصر
سجاد : شكوو احجي
رولا : انخطبت ........................................

متابعة ممتعة 🌸
_____________________________

اسفة طبعا لان اتأخرت بس والله ظروف لو تعرفون ظروفي تعذروني

انتظروني بالبارت الاخير 💙