تمنيت الاحبهم ما يبعدون ( قصة واقعية )

- الجزء الثالث -

زينب:استاذ زوجته متخربطه
الاستاذ بتعجب:شنوو متزووج؟؟!!!!كرار وينك ولك اني مشيب ولسه ممتزوج وانته متزوج يلاا بابا روح شوف زوجتك شبيهه
كرار:اي استاذ راح اروح
زينب :يلا كرار تعال بسرعه
كرار:شكوو زينب خوفتيني زهراء بيهه شيء
زينب :اي تخربطت وتلعب نفسهه

طبعاااا من داخل صف السادس .......
ضياء :ولكم شباب تحسون بالاحس بي
علي:شكو ولك شبيك
احمد:من ياناحية تقصد
سجاد:ولكم اسكتوا لاننطرد
ضياء:ولكم جية زينب وزوجة كرار متخربطه بيهه سالفه
علي:سيد حباب دعوف هاي السوالف مالت العجايز وانتبه
احمد:ضياء سولف رحمه لابوك شكو مو كتلني الفضول
ضياء:هسه خل يدك الجرس ويطلع هذا الغثه (يقصد عالاستاذ)😂

بعد ما دگ الجرس واجتي الفرصه
سحب ضياء الرحله وصعد عليه
ضياء:شباب انتباااااااه انتباااااااه
الطلاب كلهه صاااحت شكووووو
ضياء:كرار اخونه ونفرح لفرحه ونحزن لحزنه
احمد:ولك دحجي شكوو
ضياء:بس اصبرولي شفتوا مساعه زوجته متخربطه وحسب معلوماتي العجائزيه الي اتعلمتهه من عجايز المنطقه كرار اعتقد رح يصير ابوو
علي ولك ضياء اسكت فضحتنه

الشعبه كلهه صارت دك وركص
ضياء :شباب الحكوني نباركله

طبعاا كرار رح للاداره وطلب اجازه لزوجته وبس طلع انصدم بطلاب شعبته باب الاداره يدكون ويركصون ويصيحون كرار راح يصير ابووو

ومرت الايام وبعد معاناة سنه كامله في السادس بدت الامتحانات الوزاريه واتأهل الجميع للامتحان

سجاد:شباب اني خايف ارسب
احمد:ولكم اي شيء طلعوا معدل بس خل نخلص من السادس وضيمه
علي:كااافي اقروا لاتتحججون
كرار:والله اليكعد يمكم ماينجح
ضياء:ولك شو داسكت ع الاساس هسه انته من جنت مو يمنه نجحت وطلعت طبيه
ضياء وكف كدام باب المدرسه وكام يدعي الهي ان كان هذا يرضيك فرسب كرار حتى ترضى
كرار:دنجب ولك وعلي نفسيتي زفت والعائله كلهه عدهه وزاري بعد بس امي عوزهه تمتحن
احمد:يطبك مرض كايليلك تتزوج
سجاد:شباب يلاا دخلوا للامتحان

المهم استمرت الامتحانات وخلصت واجه وقت النتائج وطلعوا الشباب كلهم معدلاتهم متوسطه ماعدا احمد معدله ضعيف

اتجمعوا في بيت ضياء
ضيااء :عمي سيد وبخيت طلعت معقوله اني معدلي 71
احمد:دولي كلهه حظوظ
ضياء:لوبيك حظ ماطلعت بالستين
ضياء:شباب لاززم نطلع قسم واحد ومنتفرق
احمد:بس اني معدلي ضعيف شلون اطلع وياكم
علي:شو دنجب لاعمي كلحنه وياك
سجاد:بالنسبه الي شتقدمون اني اقدم وياكم

قدموا الشباب وانقبلوا معهد تقني قسم كهرباء

بالنسبه لزينب وزهراء ومنى نجحن وراحن اعدادية تمريض واخوة احمد تخرجوا واما اخوة ضياء نجحوا للمرحله الثانيه اعدادية تجاره ومنتهى ومنال تخرجن من الجامعه