من شفت هاي الصورة والطفل بيدة ووراها مستشهد ، مدري ليش اتذكرت من ضعت ويه امي بالسوك وشالني واحد يدور على صوتها وصدمتها
مدري ليش اتذكرت ابو المخضر الجنت كلما افوت من بسطيتة ينطيني تفاحة ويضحك بوجهي ،
مدري ليش اتذكرت ابو عربانة الحصان والخبز يابس من اجلب بعربانتة ويكلي لتوكع عليك الله لتجلب
مدري ليش اتذكرت من اشترينا غرفة نوم واجاني صديقي الفقير يصعد الكنتور وياية ومايروح الحد مانكمل
مدري ليش اتذكرت العراق قبل من جان عثمان يموت يجي حسين يشيل كبرة من الجامع ويبجي
