تصفن بينك وبين نفسك ليش الدنيا منطيتك ظهرها أو الأصح ليش ماشية عكس وياك
قرأت 3 كتب الهن علاقة بهالسالفة ،راح اسويلكم اسقاطات من هالكتب واحجيهن بلغتنا العامية وان شاء الله تستفادون
اكو شي اسمه عقل باطن وقانون اسمه الجهد المعكوس
فرويد يكول :رغباتك وخيالك من يتعارضن ،خيالك راح يكسب بدون أدنى شك
انطيكم مثال بسيط :
طلبوا منك تمشي على خشباية طولها عشر أمتار وعرضها خمس امتار
حاطيها بالكاع ويخلوك تمشي ،بدون اَي خطر راح تمشي عليها بكل ثقة وبدون مشاكل لأن رغبتك بالمرور متتعارض ويه خيالك
مادام الخشبه بالكاع ماكو اَي احتمال للسقوط
نصعد نفس الخشباية بين عمارتين على علو 25 متر،راح تكدر تمشي عليهن بثقة ؟ مااتصور
مع العلم هن نفس الطول والعرض.
التفسير : رغبتك بالمشي من جانب خيالك راح يواجه خطر الخوف والسقوط
صح انت عندك رغبة تمشي بس صورة وكعتك بخيالك راح تتغلب على رغبتك وارادتك
والعجيب اذا ردت ونويت تمشي خيالك راح ينفذ سقوطك بالصورة الجنت متخيلها انت،لان دربته باللاوعي الي هو مسيطر 90% من سلوكك بالحياة.
كلنا عدنا الرغبة ننجح بحياتنا ونحقق احلامنا وماننجح لأن صورة الفشل مسيطرة على خيالنا
واكو شغلة ثانية : لاتحاول تجبر عقلك على فكرة صعب تطبقها
مثلاً انت فقير وتريد تصير غني بالكوه أو تتسم بصفاتهم
الهالسبب هواي نشوف عالم باعت بيوتها حتى يصعدون سيارة حلوة وباله يم الايجار المهم يشبع رغبته الغير موفقة.
أو تجبر نفسك بشخص تريده يحبك وهو يبتعد عليك كلما اقتربتله
الممنوع مرغوب صارت قديمة
الجديدة هي دائما السعي يكون للشي المفقود مو للشي الموجود
مشاركتكم قليلة😏
