ديربالك تفكر تتزوج مهندسة لو دكتورة لو مديرة أو أي انسانة عدها طموح .
تعرف معناها شنو؟
راح تبقى تفكر وتخطط ومركزة وواعية
وعدها آمال وأحلام بعيدة وانت تريد وحده تريدها بس تسعدك!
وهيج انسانة بعيدة عن الطبخ والغسل والتنظيف تريدك اذا ماكو زحمة تربي جهالك وياها وتساعدها بالبيت.
ومو بعيدة عدها أهداف بحياتها بعيدة عن كرشك.
ومن تشوفك تسوي وياها هالامور وتساعدها راح تخليك على راسها بشرط ماتبقى أناني ومنعزل وهمك على بطنك.
صح هذه الكلام صعب عليك وصعب تطبقه . فديربالك تتزوج وحده مثل هاي. لأن هي اصلا ماراح تقبل بيك
لو تتغير وتصير شريك حياة حقيقي.
لو تدور على وحده ترضى بيك تريدها تكنس وتمسح وتحط كل مشاعرها بجدر الدولمة.
واذا محطوطة مشاعرج بجدر الدولمة انتي هم حطي مشاعره باكيت جگاير وخلي يغني انه بدونك مال عبد فلك
