واحد خاطب وحده وره فترة فصخت خطوبتها.
خطيبها سمع الخبر من أخوه روح واشمر نفسك من فوك السطح.
هذه الخبر لو نازل عالفيس جان نص البنات يسون شير ومع الأسف شكد عظيم حب هالشخص مايستاهل وليش عافته الغشيمة.
الصراحه اني كلش فرحت من فصخت خطوبتها وعافته ﻷن هيج انسان ميصلح للزواج،
الزواج يرادله واحد يعرف شلون يدير أزمة
يعرف شوكت يقدر وشوكت ايحجم
يحرك مشاعره مو هي تحركة. يعرف شلون يتحكم بعقله بطريقة متخلي عاطفتة تأثر على كلبه.
الرجال الحقيقي يبين معدنه بالاوقات الصعبة. من أهله يحتاجوا حتى يعيشهم. من يصير أكبر من الكلمة التجرحه ويبقى ساكت على أشياء أقل من مستواه.
الشغله السواها مال واحد مو ناضج.
بهالوكت الصغير والجبير يحب. الغبي والذكي يكدر يحب بس الزواج مايكدرلة بس الزلمة.
الحب وحده مايصنع زلم ويسوي بيوت
تبقى بس تحب وعاطفي تجي ببالك بس زفة وحضن .
تبتعد عن فكرة طفل شايله بيدك خاف توكعه.
لأن ماعندك ثقة بنفسك وتخاف تخسر كل شي.
