العراق بيه شعب ثاني !!
شعب يصدك كاظم مدلل بالكاميرا الخفية ،
شعب يدز مسج لقناة يريد يعرف نسبة الحب بين عمار وحنين،
شعب يتصل الف مرة حتى يحجي ويا ابو علي الشيباني لان ابنه بيه سرطان ،
شعب عايش على سمعت وكلوللي وصديقي شاف و ولد عرف و حجولي .. وهو مشايف شي بس المهم يسولف ،
شعب بكل مناسباته يرمي طلق بالجو ،
شعب الى هسة عباله العلمانية معناهة الحاد ،
و مصدك ان الامريكان الله غاضب عليهم وعايشين عيشة سوده و اعصارات و فيضان لان كفار،
شعب يكتب رقم 2 على صورة بيها ابنية وينتظر سقوط فستانها ،
شعب يطير من الفرح لمن يشوف البيضة مكتوب عليها لفظ الجلالة ،
شعب ممكن ينسى تاريخ اكبر حرامي بمجرد ما يشوف الحرامي بمكان مقدس ،
شعب يشمر وساخته بكل مكان وحتى لو جان قريب من حاويه للنفايات يذب وساخته بصفها مو بيها،
للأسف هذولة عددهم هواية ،
اما البقية فما الهم اي تأثير .
ملاحظة / الغاية من المنشور مو تسليط الضوء عالسلبيات
اعرف الشعب العراقي اهواي بي ايجابيات لكن نذكر السلبيات حتى نعالجهن وبلكت الواكع بيهن يصحى على روحه ولا استثني نفسي.
(فكرة المنشور منقولة وعدلت بيها اهواي)
