Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
I
ito na ang huling tula na isusulat ko para sayo. Sa dinami dami ng mga alaala noong mga panahon na meron pang "tayo." Mensahe ko sayo'y idadaan nalang dito. Dahil gusto ko nang makalaya sa nararamdamang ito.
II
Sa bawat araw nais kong makalimutan ka. napakasakit malaman na mas napapasaya ka ng iba. Dahil alam kong Hindi mo naman makita aking halaga kahit anong gawin ko Hindi ko na maibabalik pagsasama nating dalawa.
III
Hindi ko naman siya kayang pantayan dahil sa Una palang ako na ang talunan. Hindi na kita dapat ipaglaban dahil alam ko namang parehas na kayo ng nararamdaman.
IV
Ma's mabait sya, mas maganda at mas matalino Matangkad, may talento at maraming nagkakagusto. Kaya pala patay na Patay ka sakanya ng husto nandito naman ako, pero siya padin ang hinahanap mo.
V
Akala ko, tayo ang bida sa pelikula. Yun pala, ako ang kontrabida sa inyong dalawa. akala ko, tungkol saatin ang istorya. Mali ako, akala ko lang pala.
VI
Patuloy pa rin akong nasasaktan At Patuloy pa ring nagbubulagbulagan Dahil Hindi ko pa rin matanggap iyong paglisan. Patawad Mahal, akoy nakakapit pa rin sa nakaraan.
VII
Patawad sa mga nagawa kong kasalanan. Patawad dahil hindi pa rin kita mapakawalan. Patawad sa aking mga kakulangan. Patawad dahil Hindi na kita kayang ipaglaban.
VIII
tama nga sila, ako'y isang tanga Wala akong magagawa, 'minahal kita' Kaya oras na para ilipat ito sa ibang pahina. Ito na rin ang pagkakataon na gumawa ng panibagong tula
IX
Pipilitin kong maging manhid kagaya mo. panahon na para Isara ang libro Dito ko na tinatapos ang kwento. Kaya Mahal, Ito na ang huling tula na isinulat ko para sayo.
