စကားချပ်: 11th July 2016 မှာ နောက်ဆုံးရေးဖြစ်တဲ့အပိုင်းကို ဒီပုံပြင်ရဲ့အဆုံးသတ်လို့ ထင်မိခဲ့တာဟာ ကျွန်တော့်ရဲ့ မဟာအမှားတစ်ခု ဖြစ်ခဲ့ပါတယ်။
×××
ဆုပ်ချေပြီး လေထဲလွှင့်ပစ်လိုက်တာနဲ့ ပြာမှုန်တွေလို တကွဲတပြား ပျောက်ကွယ်သွားမဲ့ အရာတွေထဲမှာ ချစ်ခြင်းတရားမပါမှန်း ကျွန်တော်မသိခဲ့ပါဘူး။
မိုက်မဲတယ်ပဲဆိုဆို သူ့ကိုမေ့ပစ်နိုင်ပါတယ်ဆိုပြီး ကိုယ့်ကိုယ်ကို ယုံကြည်မှုရှိနေမိခဲ့တာပဲ။
တကယ်တော့ သူ့အတွက် ကျွန်တော့်ရဲ့ ခံစားချက်တွေက ဆားပက်ပြီးနှင်မရတဲ့ နတ်ဆိုးဝိညာဉ်တွေပဲ။ မသိလိုက်ချိန်မှာပဲ ကြောက်စရာကောင်းလောက်အောင်ကို ခြေသံလုံတဲ့ ရင်ခုန်သံတွေက ကျွန်တော့် ရင်ဘတ်ကို အထပ်ထပ်ရစ်ပတ်လျက်သား ဖြစ်နေခဲ့တယ်။
ကျွန်တော့်အချစ်တွေက တိမ်လွှာဝါဂွမ်းတွေလို ဖြူဆွတ်နူးညံ့တဲ့ အချစ်မျိုးမဟုတ်ဘူး။ အနာဂတ်မှာ ပြန်လှည့်ကြည့်လိုက်တဲ့အခါ ဆွတ်ပျံ့ကြည်နူးဖွယ်ဖြစ်နေမဲ့ ခံစားချက်ပါးပါးလေးတွေ မဟုတ်ဘူး။
ကျွန်တော့်အချစ်ဟာ အဆိပ်သင့်လေထုလို ကျွန်တော့်ကို တစ်စတစ်စဝါးမျိုမဲ့ အချစ်မျိုး။ ကျွန်တော့် အသိစိတ်တွေကို သွားကြားထိုးတံချိုးသလို ချိုးဖျက်ပစ်မဲ့ အချစ်မျိုး။
သူ့ဓာတ်ပုံကို စက္ကန့်အနည်းငယ် မြင်ပြီးနောက်မှာ ကျွန်တော်ဟာ ရှစ်နာရီကြာအောင် သူ့ကို အိပ်မက်မက်ခဲ့တယ်။ ကျွန်တော် လက်လှမ်းမမှီနိုင်တဲ့ နေရာမှာ အမြဲတမ်းရှိနေမဲ့ ကျွန်တော့်ရဲ့ ကြယ်ကလေးကို ကျွန်တော်ဟာ မြေအောက်ငရဲကနေ မော့ကြည့်နေခဲ့တယ်။ အိပ်မက်ထဲမှာတော့ ရှစ်နာရီဟာ ရှစ်ကမ္ဘာကြာခဲ့တာပေါ့လေ။
နောက်တော့ အိပ်မက်ဆိုးက နိုးသလိုပဲ ကျွန်တော် လန့်နိုးလာခဲ့တယ်။
လေသင်တုန်းဖြတ်သလို မလှုပ်မယှက် မျက်နှာကြက်ကို စိုက်ကြည့်နေခဲ့ချိန်မှာ ကျွန်တော်မေ့ပြီလို့ထင်ခဲ့တဲ့ အမှတ်တရတွေက ကျွန်တော့်ခေါင်းထဲကို တသီတတန်းဝင်လာတယ်။ အဲ့အချိန်တုန်းကတော့ သူ့အပြုံးဟာ ကျွန်တော့်အတွက် ကြည်နူးစရာပေမဲ့ အခုတော့ သူ့အပြုံးတွေ၊ သူ့စကားတွေကို မှတ်မိတာက ကျွန်တော့်ကို နာကျင်စေတယ်။
ဝန်မခံချင်ပေမဲ့ ကျွန်တော့်နှလုံးသားဟာ သူ့ကို ဘယ်လိုမှ လက်မလွှတ်နိုင်ခဲ့ပါဘူး။
ရယ်စရာတော့အကောင်းသား။ ကျွန်တော် သူ့ကို လက်လွှတ်ဖို့ ကြိုးစားရင်း ရေးတဲ့ စာစုတိုင်းဟာ သူ့ကို ဆက်လက်ဖက်တွယ်ဖို့ ကြိုးစားတဲ့ စာကြောင်းတွေချည်းပဲ ဖြစ်နေခဲ့တယ်။ ကျွန်တော် မေ့ဖို့ကြိုးစားတဲ့ မှတ်ဉာဏ်တွေဟာ ကျွန်တော့် ဦးနှောက်ထဲကို အတင်းတိုးဝင်သွားကြတယ်။
×××
ဒါဟာ ပုံပြင်တစ်ပုဒ်မဟုတ်ပါဘူး။
ဘယ်ကမှန်းမသိတဲ့ ဝဋ်ကြွေးကို အကျေဆပ်နေရတဲ့ လူတစ်ယောက်ရဲ့ ခံစားချက်တွေ သက်သက်ပါ။
×××
ကျွန်တော့်ကို အကြံပေးစရာမလိုပါဘူး...
ကျွန်တော့်ကို နှစ်သိမ့်ဖို့လည်း မလိုပါဘူး...
ကျွန်တော့်ကို နားထောင်ပေးရုံနဲ့ ကျေနပ်ပါတယ်...
ကျေးဇူးတင်ပါတယ်။
×××
