أحببتها رغم قسوة قلبي

الحلقة الاولي

#أحببتها_رغم_قسوة_قلبي
#الحلقة_الاولى

امي :اصيل نوض مش عندك عياده تبي تمشيلها ره الساعه 9:15
انا: باهي اهو نصت هي. خشيت الحمام ودوشت وبدلت ونزلت باش نفطر
لمياء:صباح الخير
انا:صباح الورد☺️
لمياء :تخدمو حتي ايامات السبت 😌
انا:ايه شني فيه تي مفروض حتي انتو تقرو و كان مش ليبيا راهو تو مش قاعده هني 😏
لمياء:تي بلاهي هذاك في المانيا مش هني
انا :صح وينها لمو
لمياء:راقده تقول عندها سنه مش راقده😂✌🏼️
انا :هي نركبو خلي نوضوها😁
امي:حرام عليكم خلوها راقده ره تضايق
انا:تي طول عمرها امبكرا الا اليوم خلي نوضها ما يصرلها شيء هي لمياء بسرعه
لمياء :نجيب ميا للاحطيات
امي: توا تقعد اليوم كل وهي عاقده حوجبها ريحونا عاد
لمياء:عادي يا ماما ميصرلها شيء وكانت تجري باش تركب
خشينا لدار بشويا وكانت بالحق كيف ما قالت لمياء تقول عندها سنه مش راقده وكانت الدارمصقعه قريب رقدت حتي اني نحينالها البطانيه وانا ندير في اصوات غريبه ناضت قعمزة مالقت حد لان الدار ظلام ورجعت باش ترقد وغمت روحها بالبطاني وجينا ورها بالميه وصبنها عليها
لمى:اااااااااااه. وكانت تلحق في نفسها وحنا ميتين من الضحك 😂😂😂😂😂
لمى:والله توا تشبحو يجيكم يوم تي خرخيركم شني فيه والله نعدي نقوللها ل ماما. وكانت تشبحلنا ع الجنب ومشت
او اني ولمياء خلاص متنا من الضحك
لمى :ماما شوفي اصيل و لمياء شن دارولي
امي:ههههههههه😂😂😂😂
لمى :بدت تبكي والله معاد مكلمه حد فيكم وكانت راكب وقفتها
انا:تي خيرك شني فيه عادي خليك بجوها
لمى:اميا ومصقعه وع الصبح حرام ره 😒
انا:وانتي تقولي الوحيد الي نضتي هكي تي نص الشعب الليبي اينوض ب الطريقة اهيا 😂
لمى:هههههههه😂😂
انا هكي خالكي فري. الساعه قداش خلي نطلع لمياء جبي تاليفوني
لمياء :خوذ كان يرن اصلا
انا:مني به
لمياء:رقم
انا :به هيا سلام توا. طلعت باسياره وكلمت معتز قالي جايك في العياده باش نتلاقو طبعا هي ملك لينا اني و معتز وكانت خاصه لان في ليبيا ما يمشوش الا هكي يعني فيها كل الا حتياجات ومعتز طبعا دكتور جراحه عامه بس نخدمو في نفس القسم ومره مره يساعد في ف العمليات
معتز :صباحو
انا:اهلين شج
معتز :تمام يا برو
ورن تاليفوني وكان رقم غريب معتز:رد عالرقم
انا به
انا:الو
الرقم:اهلين انت اصيل الفولاني وكان صوت بنت
انا:اهلا ايه تفضلي
هي:ممكن نتعرف
انا:كيف يعني علي حد علمي ان الولد هوا الي يدير في الحركه اهيا مش البنت سكتت البنت
انا:اسمعي اكيد تحشمتي ولو سمحتي معاتش ديري رنه عالرقم اهو احسن ما تجيك حاجه ومتعجبكش. وصكرت في وجها
معتز :تي خيرك مع البنت
انا:فوتني مش فاضيلك انا راه
معتز:تي جزب وطلع من الروتين الي انت فيه
انا:معتز اطلع من دماغي والكلام الي ديما نقول وانت حافظه اهو نعاودهولك انا مش متع وجيج لان وكان صار وتعلقت بوحده ره معنتا نمشي لحوشهم مش نكلمها في تاليفون هذا اني واصلا اني ما نتحملش في المواضيع اهما ومننفعش فيهم لان وكان كلمت وحده معنتا بنحبها و بنتعلق فيه وهي بداما رضت علي نفسها انها تكلمني معنتا مش هاممها ان تكلم مليون واحد تاني هذا علاش ولو بنمشي من الباب معنتا موضوع الخطبه بطول لان اني نبي وقت باش نتعرف ونوتق في خد وانت تعرف
معتز :تي باه باه
انا:خيرك ما تخدش علي خاطرك مني لانك انت اكتر واحد تعرف
معتز:تم يابرو
انا:تم معناتا خلي مخدمو خدمتنا ومطلعو مع بعض بعد الخدمه
معتز :تم معنتا. ومشي اليوم بين المرضي وكان ما عنديش عمليه
معتز:هيا كان بتطلع
انا:وين
معتز :تو نمشو عند ايوب في المحل متعا
انا:تي ياراجل المحل متعا ملابس بنات وصغير
معتز:غر اطلع و بعدين ساهل. ومشينا عند ايوب في المحل
انا ومعتز:السلام عليكم
ايوب:سلام تي غر وين يا اصيل معاتش شفناك
انا:والله يا عيادة يا في الحوش روتين يومي وخلاص
ايوب:تفضلو و اني نمشي نجيب حاجه ناكلوه توصو شيء
معتز :اني ماشي معاك باش نشبح شن فيه اصيل تبي حاجه
انا:جيبو الي تبوه.
ايوب :رد بالك عالمحل وكل شيء مسعر لو جا حد
انا:تم ومشو للمطعم واني قاعد وراالطاوله و نتفرج في التلفزيون خشت وحده وانا ما شبحتهاش وكانت تسأل
هي :لو سمحت بقداش هذي
انا: اسف ما انتبهتش مسعره تلقيها
هي : به فيه منها الوان
انا:منعرفش اني مش صاحب المحل لكن صاحبا توا يجي بس عالاغلب ان الي قدامك هذا هوا الموجود
هي:اها بهي نستناه ايجي بسرعه
انا:شويه ويجي تفضلي اقعدي
هي:شكرا عادي
جو معتز و ايوب والبنت طلعت بنت خالت ايوب اسمها ميلاء ومعتز اول ما خش وهو يرمش بعيونا ليا ويعاود
بعد ما طلعت معتز:شن صار مشينا دقيقه جبت زبائن
انا:بطل وبلاش براده
معتز :اسمع وكان مش شادها في بالك نشدها اني
انا:شن تحسبها طير هو
معتز:خلاص فهمت
انا:شن فهمت
معتز:مش شورك. وكلينا وروحت للحوش وكان الياس قاعد يقرا ف الدار وامي قاعده عند الجيران ولمى حتي هي ف دارها ولمياء كانت عندها صاحبتها ويقرو خشيت لداري وكان في حاجه غامه عليا رقدت ونصت علي صوت امي : اصيل امتا جيت انت
انا :لم كنتي عند الجيران
امي:اهاااا
انا:خيرك فيه شيء
امي:الاسبوع اهو الولاد بتم لقرايا و بعدين اني وخالتك وخوالك بنمشو للمزرعه
انا:واني شن دخلي
امي:لان انتي بتمشي معنا
انا:علاش اني نمشي😣
امي:لان بنباتو والبنات ومعنا ولاد خوالك وخلاتك فهمت
انا:به الي تبيه اصير😓
امي: وحتي منار بتكون قاعده
انا: شن بنديرلها😏
امي:بنقولك باش ما تعلقوش في بعض
انا: ما ديريهاش في بالك
امي: خلاص توا نديرللك قهوة
انا :لا لا مانبيش وخشت لمى علينا
انا: خشي يا بصباصه. مدايرا روحها انها وخدا علي خاطرها مني ومن لمياء
لمى :اني مش بصباصه وبعدين انت معاتش نكلمك
انا:علاش الا لمو
لمى:لا واضح من الي مدايرينا الصبح😏
انا:تي خلاص وانتي تنقي شن عندك غدو😌
لمى :رياضيات يادكتور😏
انا:انتي توا امتحانات فتره الاولى
لمى:ايه
انا:كملتي قرايا
لمى:فيه شويت حاجات يعني. وغمزت بعينها😉
انا:عارفتك مش من عويدك تعدلي علينا وانتي واخذا علي خاطرك مني هااا شن تبي😌😌
لمى: خلاص معاتش نبي😒
انا:بلا دلع ولا تقعدي من غير ما تجاوبي 😌
لمى :به هي عندي الورقه هذي والتمارين ا هيا
انا: ماشاء الله شن تحسابي عالم رياضيات🤓
لمى/بلا برود وخفت دم ورد بالك تصدق روحك ره اني صغيره يعني لا زم تعرف في الرياضيات اكتر لان هذا المستوى يعتبر ضعيف😅😂
انا : به خلاص وانتي شايفه روحك. وحلتلها التمارين وفهمت بعدها نضت صليت العشاء و شفت الياس كان يبي حاجه هو و لمياء وبعدها هكي خطرلي نرقد ورفدت واستمريت علي ه الحال وما صارش شيء طبعا في يوم الاربعاء طلعت اني و امي لان تبي تجيب شويت حاجات لان طبعا بنمشو للمزرعه نزلت امي علي قداش محل واني نستنا والطريق كانت زحمه شويه هكي واني كنت نلعب بالتاليفون خبطت فيا سيارة من تالي نزلت من السياره ونلقها بنت ترا وين شفتها بس نسيت وكنت متكنتي و ما نشبحش قدامي بس الحمد الله تكلمت بشويا لان بنت لكن كلامي كان قاسي شويا........يتبع😌🌸

#Wda🌹