أحببتها رغم قسوة قلبي

الحلقة الثانية

#أحببتها_رغم_قسوة_قلبي
#الحلقة_الثانية
.
.
.
.
.

انا:سؤال انتي لم جيتي لسيارتي وين ماشيه ب الطيري 😠
هي :اسف منعرفش كيف خشيت في سيارتك 😔
انا: به جاوبي   ومن وين خديتي شهاده😤 هوا اصلا الي في سنك كيف يسوق تي اسفه شني هذي نعتبرها تي هذي مش خبطت شويا هذي باش تمسحيها بكلمة اسفه
هي:والله ما كنتش قاصده ومنعرفش كيف خشيت فيها اصلا  وعفوا معليش تسقم اسلوبك معاي نعرف روحي غالطه😣
انا: ومعترفه اصلا الي يشبح  الخبطه في السياره واني باعد علي طريقك يقول هذي 😠.....وقطعت كلامي امي
امي: اصيل اسكت وبلاش فضايح وبعدين ماترفعش صوتك علي بنت.  هاا يا بنتي صارلك حاجه😇
هي:لا ياخالتي ما صارلي شيء سامحيني بس والله بالغلط وكانت البنت واضح عليها ان صاير معها حاجه
امي: انتي شن صاير معاك وجهك اصفر ولونك مخطوف ومن عيلة مني
هي:انا ميلاء الفولاني يا خالتي انا كلمتني امي وقالتلي ان بوي ارتفع عندا الضغط وما لقيتش كيف نوصل للمستشفي الي هما قاعدين فيها اصلا ما لقوش دكتور الي عاين فيه😣
باش اديرولا حل
انا:شن اسمه بوك
ميلاء:عمران😣
انا:تي هذا المريض متعي اسمعي بوك عند الضغط والقلب صح وكان فيه عياده يعاين فيها وتوا فيها صيانه
ميلاء:صح يعني انت الدكتور اصيل الفولاني
انا:نعم 😅
امي :به يا اصيل خلي نمشو مع البنت للمستشفي باش تشبح بوها وتعاينا
انا:به وكان مافيهاش مانع ياانسه.....😅
ميلاء: اسمي ميلاء عادي مافيهاش شيء بالعكس احسن
انا:ركبي سيارتك طبعا هذا لوتفدري انك تسوقي
ميلاء :ايه نقدر عادي😊
امي :به  هذا يعني ان اني نركب معاك لان شكلك مش قادره
ميلاء:به تفضلي ياخالتي.   ومشينا للمستشفي والافكار تلعب برأسي تي هذا كلهم صدف  وكملت وعينتا وكان لازم يقعد تحت المراقبه24ساعه باش لو صار اي شيء يقعد بين الدكاتره مشيت حطيت امي ف الحوش وبدلت رديت للمستشفي لان اني المشرف علي حالتا وكان اهل ميلاء كلهم مشو وكانت هيا بس الي قاعده و مشيت انا باش نخش  وطقطقت علي الباب
ميلاء:تفضل
انا:اهلا كيف حالك يا عمي عمران
عمران:كويس الحمد الله
انا:به كويس تمام ماتحسش ب شيء توا عادي بكل
عمران:ايه
انا:علاش قعدت الانسه يعني لو روحت احسن كأنه
عمران:ياولدي معاك حق قلتلها ان كيف بتقعد في الليل هي قالت بنقعد
انا:لو احتجتو اي شيء انا في الخدمه لان اليوم قاعد هني   وبالنسبه للانسه توا نتطلب يجيولها سرير باش ترق عليه
عمران:ما فيش داعي
انا:تي مش مشكله ياعمي اصلا الكل نديرولهم هكي لان مايقدروش ان يبقو واعين الليل كلا
عمران:تسلم يا اصلي
انا:ما فش مشكله وكيف ما قلتلك تحتاجو شيء قلولي و اسئلو عليا في الرسبشن انجيكم
عمران:شكرا ياولدي
انا:هي سلام باش ترتاح توا. مشيت باش نطلع واني بنسكر الباب نجبد كانت ميلاء   وماقلتش شيء لان هيا الي جابده الباب
ميلاء:اسفه ع سيارتك ولان تعبتك
انا:فش مشكله اصلا حتي انا لو قالولي ان بوي فيه حاجه ره اني ممكن صار معيا كيف ما صرللك وانا اسف لان ما عدرتكش😊
ميلاء:ان شاء الله ما يصرلا لبوك شيء ومفش مشكله الي صار صار توا
انا:بوي مات يعني لو كان عايش ره اكيد درت حادت زيك
😔ميلاء:اسفه منحسابش ميت بوك الله يرحمه ان شاء الله😣
انا:عادي ما تخديش في بالك وغامت عليا بكل اني 😓وحسيت بغصه واستأدنت وكنت يا دوب نبلع في رقي وصبيت قعدت علي الكرسي كان قريب من مكتبي وعلي جيت معتز:تي غر وينك شني فيه نديرلك في تاليفون ماتردش خيركم من مريض فيه حاجه خيرك تبكي
انا:لا ما في شيء غر نسيتا في السياره 😢
معتز: ماتضحكش علي وقولي طبعا قلتلا الي صار
معتز :وانت خيرك تبكي
انا:تي خلاص ما تخدش في بالك
معتز:قول يا را
انا:هكي غامتلي بس شويا
معتز :به به صدقتك
انا:تي فوت يا راجل
معتز:به به اسمع اني غدوا بنمش للمزرعه بنسهر انا والشباب
انا:تي ذكرتني غدوا بعد الغذاء بنمشو للمزرعه بنباتو حني وعيلة خالي وخالاتي😓😓
معتز:به غدوا يعني توا الساعه عشره ما وصلتش
انا:به اني نمشي لمكتبي باش نصلي ونرتاح
معتز:جاي معاك
انا:هيا به.  ومشينا انا ومعتز علي المكتب وصليت ودعيت لبوي بالرحمه ما نعرفش علاش كنت نبكي 😣
معتز:اني بنبات معاك توا ومش متحرك من مكاني الي وتقولي خيرك
انا: تي ما في شيء وانت تعلق😤
معتز:تي شن مافيه تي واضح ان غامتلك بكل علي روحك
انا:منعرفش علاش حتي اني
معتز: كان علي بوك ان شاء الله ربي يرحمه وانت مش احق من ربي عليه🙌
انا:والله ما نعرفش كيف ضعفت هكي وبكيت
معتز:اسمع انا عارفك لان تذكرتها ولا
انا:مانعرفش بس انا علاش الي نحبهم كلهم يمشو اولهم جدي وبعدين بوي وبعدها هي
معتز: اسمع بالنسبه للبنت انت ما قلتلهاش اصلا انك انت تحبها وتبيها
انا:تي ياراجل انا بعد ما مات جدي وبوي حسيت اني مفروض ما نحبش حد لان ما نستاهلش
معتز:تي مش فاهمك انا تي كيف تحب بنت الناس من بعيد من غير ماتقول انا هذي ماخشتش دماغي
انا: مش بتفهم انت توا البنت ربي يرحمها😔 وانا غامتلي ونزلو دموعي من غير مانحس معتز كان ساكت وماقالش شيء
معتز :خلاص يا راجل ان شاء الله ربي يرحمها وانسها
انا:تعرف شن هذي بالنسبه ليا تي قلبي هذي ره واني متت بعد ما هيا مشت تي ماتت ره 😢..وقعدت كيف غصه ب قلبي
معتز : كمل نسمع فيك
انا: تي يا راجل فوت وخليني وكنت كيف الولد الي يبي  امه تي ممكن هذي اول مره نبكي بحرقه من 5سنين
وما حسيتش بروحي الا وضبطني معتز
معتز:تي ياراجل انا اول مره نشبحك هكي من لما عرفت ان هيا ماتت
انا:ولا كلمه
معتز :خلاص ياراجل و ان شاء الله تلاقي الي احسن منها
انا:تي بنات الدنيا كلها ما يجوش زيها
معتز:به امشي اغسل وجهك توا باش تصحصح وحاول ان تفوت
انا: به نضت غسلت وجهي مانعرفش علاش بكيت هكي حسيت اسلوب ميلاء بشبهلها ما نعرفش كنت ملخبط
معتز : ااصيل نبي نكلمك ع الموضوع توا
انا:به  شن تبي نقولك
معتز: اعتبرني ما نعرفكش وقولي توا من البدايه. 
انا: به اسمع بعدها ما نبش نسمع صوتك 😤
معتز:تم 😊
انا:لما سافرت لألمانيا بعد مات بوي كنت ديما بروحي حتي امير  قطعتا ومعاتش نتلاقو الا في الجامعه طبعا حنا المكان الي قاعدين فيه يشبه العماره  وكل واحد وداره وقريب من الجامعه يعني يشبه للداخلي طبعا اي شيء نطلبوه عالداخلي وفي يوم وصلني قفطان 👗في صندوق كان القفطان طويل والاسم المستلم كان اسيل بس وصلني صدفه استلمت ونزلت لبواب العمارة وقلتلا ان لو فيه وحده اسمها اسيل  وحكيتلا الي صار قالي في اي دور ورقم الدار وركبت تي يا راجل كانت ملاك 😇اول مره بنت تلفت نظري وحبيتها ما تسألش كيف بس هذا الي صار وبعدها شبحتها في الجامعة جت وسلمت عليا 😍وطلبت ان نطلعو باش نتغدو علي خاطر تشكرني طبعا اني قلتلها فش مشكله طلعنا والبنت كانت محترمه ومش متعت وجيج يعني مش جو علاقات بس انا حبيتها ومشت الايام مره مره نشبحها في الجامعه ونصبح عليها وهي تسلم عليا لكن في نهايه العام معاتش شفتها ولا تلاقيت معها سألت عليها  وسمعت ان هي مريضه 😔وكانت مريض بمرض السرطان وكانت في المستشفي مشيت وكانت حالتها مش كويسه وبديت كل يوم نمشيلها وبعدما طلعت من المستشفي بديت نطلع فيها وهذا لان هي قاعده بروحها في المانيا وناخذ فيها اذا كان عندها موعد في المستشفي وتم العام وتخرجت انا وهي مزال لان المرض متعها عطلها شويا واصلا مش نفس التخصص وفي يوم تعبت هلبا وكانت مريض 🤒هلبا قعدت معها في المستشفي و الدكاتره دارولها العمليه لكن في العمليه ماتت😢😢 لم قالولي انها ماتت الدنيا كلها لفت بيا ومعاتش فهمت شيء قعدت نبكي وكان في نهاية الاسبوع بنروح لليبيا روحت في نهاية الاسبوع ومنها ما فكرتش ب ولا بنت من بعدها لانها هي بالنسبه ليا كل شيء في دنيتي بس لما طلع الدكتور فالي انها قبل ما تموت قالت اسمي انا ما نعرفش علاش درت للموضوع قيمه بس هذا الي صار
😣معتز: .... كيف قدرت ان تقعد لتوا تحبها و ما نسيتهاش و الموضوع عند 5سنين
انا:تي ما تقدرش تفهم انت تي انا بروحي مش فاهم كيف لتو مدكر تفاصيل وجهها وصوتها في ودني ❤️
معتز:به انا بنمشي باش نروح لان الساعه 5:30
انا: به خلاص وانا نمشي باش نشبح ل عمي عمران
معتز:به سلام توا. مشيت لعمي عمران قلت السلام عليكم قبل ما نخش بس ماردش عليا حد خشيت للدار وكانت ميلاء راقده ولم لقيت البنت راقده كنت   بنطلع بس سمعتها قالت......
#Wda🌸