أحببتها رغم قسوة قلبي

الحلقة الثالثة

اهلا شن حالكم بالنسبه ليا اني مش كويسه لان مريضة🤒🤒😢
هذي الحلقة الثالثة ان شاء الله تعجبكم🌹❤️عاد ومنورين علي التعليقات😊
#أحببتها_رغم_قسوة_قلبي
#الحلقة_الثالثة

ميلاء:دكتور اصيل
انا:اسف بس لم حسيت انك راقده طلعت
ميلاء:ما فش مشكله تفضل
انا:لا مش لازم توا نكشف عليه امشي ارقدي وانا توا غدوا ان نكشف عليه بس ممكان نكلمك
ميلاء:تفضل
انا:بس هني مش مناسب خلي نقعدو في الكافتريا كان مافيهاش مشكله
ميلاء:به. ومشينا للكفتريا
انا: بنسألك بوك من شن جاه الظغط
ميلاء: بوي لم سمع ان اختي لكبيرا الي في المانياماتت جاه الظغط وما تحملش
انا:اسف ان شاء الله ربي يرحمها به كيف مات
ميلاء:ما فيش مشكله تسلم كان عندها مرض سرطان
انا: عفو بس بنسألك هي شن دير في المانيا
ميلاء: اختي هذي تقرا في الطب في المانيا
انا: عفوا بس شن اسمها بالك نعرفهالان انا قاري في المانيا
ميلاء: اسمها اسيل.
انا: .......تستكت ومعاتش عرفت شن نقول
ميلاء:فيه شيء
انا: اسمعي اختك تشبهلك صح
ميلاء: شويا بس لكن اهو نوريك صورتها اذا كنت تعرفها.
ورتني صورتها تي طلعت اختها تي معاتش عرفت شن ندير تي هذا كله صدف😳😳😳
ميلاء:تعرفها
انا:ايه نعرفها 😔
ميلاء: نسأذن انا نمشي باش نشبح بابا
انا: تفضلي واسف لان عطلتك تي كيف صار هكي مشيت لمكتبي ونحس في راسي خاش في بعضا ورقدت ونضت الساعه 9 علي صوت تاليفوني وكانت امي
انا:صباح الخير🌸
امي:صباح النور اصيل درتلك تاليفون باش ندكرك ان اليوم بنمش للمزرعه
انا: ايه نعرف
امي:خلاص تعالي مع الساعه4
انا:به بنسكر توا تبي حاجه
امي:لا نبيش الا سلامتك
مشيت توضيت وصليت وغسلت وجهي ومشيت باش نكشف علي عمي عمران
انا:السلام عليكم
عمي عمران: وعليكم السلام تفضل يا دكتور
انا: شن حالك اليوم ان شاء الله احسن
عمي عمران: الحمد الله امتا نقدر نطلع
انا: نكشف عليك توا ونقولك ولم يطلعو التحاليل نعرفو. كشفت عليه كان ما فيه شيء بس لازم نستنا في نتائج التحاليل
ميلاء: بابا دارت تاليفون ماما تسأل عليك وقالت تبي تجي
عمي عمران: لا لا قولليلها مش لازم لان تقريبا بنطلع اليوم يا دكتور
انا:ايه احتمال كبير ان تطلع اليوم
ميلاء: به
انا :اسمع يا عمي عمران توا لم تطلع من المستشفي يعني بنجيك للحوش مره مره باش نطمن عليك طبعا كان ما فيش مشكله 😊
عمي عمران :ما فيش مشكله تفضل في اي وقت🌸
انا: تسلم يا عمي نستأذن انامشيت للحوش ولقيتهم واتين وطلعولي حتي دبشي الدوشت ولبست وطلعنا تلاقينا عند خالي الي هوا بو منار منار اهيا منحبهاش وديما عراكي هذا هوا لان لاهي تسكت علي حقها ولااني نتحمل فيهامشينا للمزرعه و وصلنا سلمت عليهم كلهم وقعدنا انزلو في شناطي وقسمنا روحنا المزرعه فيها حوش علي دورين النساوين قعدو فوق واحني لوطا خلي نعرفكم علي العيله
خالي: يوسف بو منار عند بنت وحده بس
خالتي: امينه عندها زوز ولاد وبنتين وحد متجوزا اسمها خذيجه واسمائهم اسلام. احمد وبنتها اسمها نهال
خالتي اميمه:هذي عندها 3 بناويت بس مجد و مودة و مرام
خالتي منال:عندها ولد وبنت محمد و ساره ومعاهم حناي وخالي ادير متزوج جديد
انا: خالي
ادير:يخلخل عظامك الكلمه هذي معاتش تقولها
انا:به نبصر بس بنقولك النساوين يقعدو فوق ولا
ادير:اي احسن هكي
محمد:تي خلونا حني فوق
انا:جا الدحناس😒
محمد :قلت حاجه
انا:عر بنقولك خني لوطه احسن ولان فوق واسع ويساعدهم هما
ادير:صح معاك حق
منار:ماما وين نحط شناطينا فوق ولا لوطا
انا:علي حد علمي انك كنتي واقفه هني وفالته عيونك ومنتبه يعني واضحه وين بتقعد😒😂
منار:اني نكلم في امي انت شن جابك ف النص😒
انا: تعرفي عندك حق منعرفش علاش نضيع في وقتي معاك كنت نحسابك بنادم وتفهمي😂
منار:اسمع فوتني خير انا.....😒
ادير:فوتها يا ودي تي بارده 😅
انا:به به
ساره :أصيل
انا: ها شن تبي
ساره:ولعلنا الشويا
انا:به لحظه بس يا سرو.
منار: شكل تنحت منا العقده
انا: لكن شكلها العقده قاعده عندك مش عندي😂
منار:شنو
انا: يا سرو فيه تبزبيز هلبا جيبي حاجه نمروحه بها
ساره:تم يابرو وكان تبي فيه مزيل حشرات
انا:من امتا لكلام اهو تي للحظه حسيت ان الي قاعد قدامي ولد😂
ساره: فاهمه لان😒
انا: امشي بر
في الكوجينه عند لبنات
لمياء: اسمعو فوق فيه 4غرف
نهال: تكلمي كلنا اذن صاغيه
لمياء: نقسمو روحنا يعني اني وانت وموده وساره في دار ولمى ومجد ومنار ومرام في دار
نهال و ساره ومنار في الجامعه
موده و مرام و لمياء في التانوي
لمى و مجد في الاعدادي
ساره:شن تقولو اسرار دوله اجتماع هام بتهربو حاجه قولو اني وخيتكم لكبيره😉
منار: خيرك هبلتي🌚
ساره: غر قولو☺️
لمى:ههههه 😂خيرك انتي وبعدين كيف جت منك تخلي اصيل برا وتخشي تهدرزي علينا
موده:شن فيه 😳
لمياء:يا ستي ما في شيء لكن هي تسهوك عليهم لان عمرنا ما كان اصيل جو كويس مع بنات العيله
موده:اهاااا قولو هكي كنت نحساب حاجات تانيه
منار:الاحسن ان ماتحسابيش لان تعرفيه عمراما يفكر ب الموضيع اهما
لمياء:صح ره
ساره: وانتي شن عازقك في النص
منار:خيرك عليا انتي ولا تلاقيتي مع اصيل بتديرو سطو مسلح عليا😂✌🏼️
قعدو يضحكو خشيت عليهم 😂😂😂😂
انا:شن ياساره قاعده تضحكي
ساره:وعلاش ما نضحكش يعني
انا:انا شن قلتلك
ساره: نسيت هاك خوذ
انا:علي شن تصحكو به
ساره: مش شورك المواضيع اهما
انا: انتي يا انثي
ساره: هااااا شن تحساب انت اني انثويا اكتر منهم كلهم ره
انا:به به وانتي علي ما تصدقي تعلقي في حد. طلعنا وشوينا ورادعو النساوين الدبش وضمو الحويج و جا الوقت باش نرقدو خالي يوسف ورجال خالاتي قعدو في دار واني وادير واحمد في دار واسلام ومحمد في دار
والليل كلا مارقدتش قعدت واعي ونفكر في ميلاء وكلامها وملامح وجهها وتشابهها لأسيل في كل شيء اسلوبها ذكرتني بيها هلبا لما كنت معها حسيت ان قاعد مع اسيل منعرفش علاش ممكن لان هي عيلتها من ريحتها اكيد بكونو شكل بس لما قعدت معها حسيت بأن قلبي قريب طير ومعاتش نشبح في شيء الا ونذكر في اسيل وان واخيرا القيت حد يعرف عليها كل حاجه يعني حد من دمها وريحتها وبنخش حوشهم نبي معرف كل شيء كانت الدير فيه نبي نعرفكل شيء يعني ما كلمتش اختها عليا ورقدت الفجر بعد ما صليت
جت نهال تنوض فيا باعتتها ساره طبعا نهال ما تتكلمش هلبا معاي يعني تتحشم مني واني نفس الشيء
نهال: اصيل نوض ره امخر باش تفطر يستنو فيك وكان صوتها واطيء. اصيل امك تنادي عليك ره وجت ساره
ساره: بتنوضيه هكي تقعدي لغدو اشبحي كيف بنوضا . اصييييييييل
انا:خيرك وعيوني قاعدت مغمضه
ساره: كان صوتها تقول كلاكس سياره خاربه. بنقولك تليفونك شن رمزه
انا:هااااا. طبع اني حاجتي منحبش من امسها وفيه صوري مع اسيل😅😳
ساره: نضت توا صح غر قولي رمزك قبل ما تنوض
انا: لا تخافيش نضت انا جبيه جاي ساره اسمعي كف ره😒
ساره : به وانت الي يسمع يقول😍
انا:😒
نهال: صباح الخير
انا :صباح النور اشبحي كيف مش انتي تقول جرس متع المدرسه والناس تصبح قبل🌸
ساره: المسكينه من الصبح وهي تنوض فيك لكن انت تقول نايم مع اهل الكهف
انا:بالحق
ساره: من الصبح وهي تتكلم بشويا وتقول اصيل نوض يستنو فيك ره امك تنادي عليك وانت لا حياة لمن تنادي توا خلي ينفعها صوتها وحشمتها الغريبه
انا:😒
نهال:😶
ساره : به تفضلو وانتو تقولو اصنام😂😂

انا:به يابارده ام نهال تحشمت البنت بدا لون وجهها احمر اول مره نشبح بنت زيها مشينا باش نفطرو♥️
انا:صباح الخير🌸
العيله:صباح النور🌸
منال: اصيل خيرك شكلك مش راقد باهي
انا: ما فيا شيء رقدت عادي
امي:معها خق صارت حاجه اني مش مستريحه وجهك ترا كيف مداير
انا:ما فيا شيء يا غاليه انتي ريحيلي روحك كملنا فطور وقعدت لبرا ع الكرسي قبل ما نطلع قلت نخش للكوجينه باش ايدرولي قهوه
فبل ما نخش للكوجينه درت صوت باش يغطو روسهم خشيت للكوجينه
نهال: 😳😳
ساره : اطلع خلي تلبس البنت درت صوت وكلهم غطو الا نهال لان كانت قاعده ف الكوجينه الداخليه طلعت بسرعه بس انا الي شفتتا مستحيل ننساه لان اول مره نشبح بنت شعرها طويل زيها تي يوصل لركبتها
ساره:خش يادكتور🤓
انا: نهال انا اسف ره
نهال: لا عادي☺️
ساره:شن تبي به
انا: نبي قهوه
ساره: كيف تبيها
انا:ما فيهاش ولا قطرة سكر يعني نبيها ساده بلا شيء
منار: زي قلبك
انا: كيف يعني😤
منار: ما هو كل واحد وقلبه شن
انا:😒
ساره: به لكن مش من عوايدك
انا:وانتي شن دخلك بدري ولا ندير بروحي
ساره:به به
قعدت لبر نهدرز انا و احمد واسلام ومحمد
احمد:من زمان معاتش شفتك استحشنا هدرزتك
انا: والله اني اكتر معاتش نفضي هلبا وانت تعرف
احمد : نبي نكلمك علي حاجه
محمد:تكلم هني بلا جو
احمد:مش شورك انت
انا:به نوض
احمد:.....يتبع
#Wda🌹🍃