أحببتها رغم قسوة قلبي

الحلقة الخامسة

🍃🌷😊❤️
#احببتها_رغم_قسوة_قلبي
#الحلقة_الخامسة
.
.
.

ميلاء:شكرا واسفه لانك تعبت معانا
انا: انتم اهل اسيل يعني اهلي وبعدين الشكر اهو مش وقت وتو انتي اهم شيء اهتمي بأمك وبروحك وكولي كويس باش ما تخوفيش امك
ميلاء:ان شاء الله وصلنا لحوشهم وكان فيه عمامها وخولها واقربهم وميلاء اول ماشبحتهم مشت تجري لواحد وبدت اظبط فيه كنت نبي نعرفا لكن اسيل ما عندهاش خوات ولاد وصلت للحوش وكنت مش راقد كويس وفتحت تاليفوني كان الشحن متعا طافي ونلقي في رسايل لبيانا من الي متصلين بيا كانو امي ولمياء ومحمد وادير وخالي يوسف و معتزفتحت بابا الحوش
الياس:اصيييل
انا:خيرك شن فيه
الياس: خيرك ماتردش علي تاليفونك
انا:يافهمان كان مصكر وقصه طويله
امي:اصييل وين كنت نحساب غر فيك حاجه
انا:ما في شيء امي هي بدلي دبشك
امي:شن فيه ان شاء الله
انا:بو ميلاء توفي
امي:ان لله وان اليه راجعون امتي هذا
انا:نبدل دبشي وندوش ونجي نقوللك
امي:به مابين ماتكمل يكون العشيء واتي
انا:به وين لبنات
امي: اكيد يتفرجو ولا ايديرو في حاجه
انا: به نمشي ندوش انا مشيت دوشت وبدلت دبشي ونزلت
انا:امي
امي:انا هني شن تبي
انا:بنقولك تبيش تمشي توا للعزاء
امي:مانبيش نمشي اليوم ونخلي خوتك وبعدين تعرفهم ناقر ونقير والتانيه تقرا غدو نمشي احسن شيء
انا:به براحتك مشيت للصاله
لمى:حول من قدامي
الياس:اعطيني الريموت ان حول
لمى :لا والله ماتبيش نديرلك حاجه تانيه
الياس:انتي عطيني الريموت والباقي ساهل
لمى:اقلب فسختك من عليا
الياس: لم تجيك للمخده علي راسك تو تعطيهالي
لمى:هاك خوذ نمشي احسن لي
انا:خيركم هذا كل علي خاطر الريموت مش مل حد عند تلفزيون
لمى:الي صار ان الانسه الي في داري تتفرج حتي هي وهذا مايبيش يمشي لدارا وريحني
انا:به به وين ماشيه
لمى:نمشي نتفرج مع لمياء احسن انا:به
مشيت لداري وقعدت نقلب في التاليفون في الصور لين لقيت صورتي اني واسيل الصوره كانت لم طلعت من المستشفي ومشينا نتعشو وقلتلها ان الموضوع يبي تذكار ره قالتلي واكيد مافيش احسن من التصوير قعدت نكبر في ملامحها الي متذكرتهم من خمس سنين وصوتها وضحكتها وكلامها
امي:نخش
انا:تفضلي
امي:نبيك تقولي شن صار معاك
انا:به حكيتلها الي صار
امي:سخفتني البنت قصدك عندها اختها ميته
انا:ايه نعرفها اصلا
امي:كيف تعرفها
انا:كانت معاي في الجامعه
امي:به اسمع بنقولك حاجه
انا:شن فيه
امي:نبي نفرح بيك مافيش بنت في بالك نسأل عليها
انا: الموضوع تهو انا مش مخمم فيه ولا في بنت في راسي
امي:به براحتك لكن وكان فيه حد في بالي ره بنقولك
انا:به الي تبيه اصير كليت وصليت وقعدت نقرا لين لقيت جمله حسيتها تعبر عليا
🌸(إِذٓا لٓمْ يُزِيدكٓ الْبُعْدُ حُبٓاً ****فٓأٓنْتٓ لٓمْ تُحِبُ حٓقَاً)🌸
بعد ما قريتها عرفت ان حبي ل اسيل كان حب حقيقي ما فيش لعب رقدت واني مطمن
نضت باش نفطر لان خذيت اجازه لان اليوم الي قبلا كان اصعب يوم
انا:صباح الخير
كلهم:صباح النور
انا:وين لمى
امياء: راقده اكيد
انا:اهاه
لمياء:خيرك مش ماشي الخدمه
انا: لان واخذ ايجازه اليوم
قعدنا نفطرو وكملت فطور ومشيت لداري ولقيت مكالمه من معتز
انا:الو
معتز:اهلا وين غياب اليوم
انا:لا عطله اليوم
معتز :خيرك
انا:كيف يعني
معتز:يعني جوك أهأه
انا:فوتني انا احسن شيء وين قاعد توا
معتز:في المستشفي تبي حاجه
انا:لم تكمل كلمني بهي
معتز:تم يا برو
انا:سلام توا صكرت من معتز وقعدت نفكرشويا وجت امي
امي:اصيل مش قلت انك تبي ترفعني للعزاء
انا:ايه بعد نص ساعه ناجذة شويا بس
امي:به نضت بدلت دبشي
انا:امي هيا تطلعي
لمى:وين بتمشو
انا:وانتي شن دخللك
لمى:😒
امي: هي وليدي خلي نطلعو
انا:هيا سلام لمو تبي حاجه
امى:اصيل تربح عبي النت
انا:به به. مشيت حطيت امي في العزاء وكلمت معتز باش نتلاقو
معتز: اهلين
انا:شج
معتز:تمام خيرك
انا:اااه تعرف هذا الي صير غريب يا عزو
معتز: غر قول شن صار اني نسمع فيك
انا:تي اخر حاجه نتوقعها تصير
معتز:شن هيا
انا:تخيل ان اسيل عندها اخت
معتز:😳
انا:الموضوع مش هني الموضوع ان اختها ميلاء
معتز:لا تكذب
انا:يعني الي مات توا بو اسيل اصلا اني من قبل هدرزت مع ميلاء وقلنلها شن السبب الي خلا بوك اجيه الظغط قالتلي لان اختي الي كانت في المانيا ماتت قلتلها شن تقرا قالتلي طب قلتلها شن اسمها قالتلي اسيل ورتني صورتها
معتز:لحظه لحظه تي كيف صار هذا كل
انا: ما نعرفش وقلتلا ل معتز الي صار بالتفصيل
معتز:هذا كل صدفه غريبه بس اختها طرف
انا:صكر فمك يابارد
معتز:علاش وانت شن دخلك في البنت وبعدين البنت قريبت ايوب يعني بديرلي فيها حل
انا:اسكت والبنت فوتها
معتز:علاش تبيها
انا:هكي لان مش من هذا النوع ولا نبها لانم
معتز:وكيف عرفت
انا:اخت اسيل ونفسها ونفس الحركات واسلوبها وكل شيء
معتز:به بنفوتها لكن علاش
انا:هكي وخلاص
معتز:به به دارتلي امي تاليفون وروحت بيها للحوش والليل كل واني نفكر شن بيصر معاهم ومن الولد ال ظبط لميلاءلين رقدت نضت بكري باش نمشي للمستشفي وقعدت علي نفس النطام لمدة ثلاثه ايام كنت بناخذ امي باش تعطيهم المعجنه وامي كانت تعرف ام ميلاء لهذا اضطرت انها تمشي اكثر من يوم وفي اليوم الرابع كنت بناخذ امي باش تاخذ المعجنه بعد روحت من الخذمه العصر دوشت وبدلت باش ناخذ امي
لمياء تاليفونك يشرين
انا:جيبيه منو
لمياء:رقم
انا:جيبي كان رقم لكن مار عليا من قبل كانت ميلاء
ميلاء:الو السلام عليكم
انا:الو وعليكم السلام ميلاء صح
ميلاء:ايه
انا:شن حالكم
ميلاء:الحمد الله كويسين بنقولك انت بتجيب امك اليوم صح
انا:ايه ان شاء الله
ميلاء:به نبي نكلمك علي حاجه
انا:ان شاء الله خير
ميلاء:خير ان شاء الله لم توصل امك كلمني
انا:تمام
ميلاء:سلام
انا:سلام صكرت منها
امي:اني واتيه كان بتاخدني
انا:.....امي:اصبل نكلم فيك ره
انا:نعم
امي:هيا كان بترفعني
انا: اا هي هي طول الطريق واني مش مركز وصلت للحوش نزلت امي ودرتلها تاليفون
ميلاء:الو
انا:الو ميلاء انا اصيل
ميلاء:قاعد البرا انت
انا:ايه
ميلاء:تعالي من جيهة الكراج
انا:به مشيت ولقيتها
ميلاء:اهلين
انا:اهلا
ميلاء:اسمع نبيك في موضوع اكيد عندك بيه علم امك امس تكلمت مع امي باش تطلبني ليك انت او بمعني اوضح انها تعطي فيا كلمه لكن اني ما نبيش
انا: ماعرفتش شن نرد عليها لكن قلت ان ندير روحي نعرف. به المهم توا
ميلاء:به الحل توا اني ما نبيش لان نبي نقعد مع امي وماتخممش في حاجه تانيه
انا:به اني نشبح شن ندير لكن لو الموضوع وصل لعمي ره مانقدرش ندير اي حاجه
ميلاء:اهم شيء المحاوله علي فكره اسيل كانت تحبك ره بس ما قلتلكش كانت ديما تحكيلي عليك
انا: حق
ميلاء:علاش
انا:لا شيء نسأل بس يلا سلام توا
ميلاء:سلام ماتحسابش اني كارهتك او في حياتي حد
انا: اصلا مش موضوعي مانعرفش علاش رديت عليها بلا مبالا في الوقت الي اني كنت مهتم في الموضوع ركبت للسياره وقعدت نفكر ياربي يعني اسيل كانت تحبني به علاش كنت مهتم ب ميلاء وكيف ان امي تخطبني ل أخت اسيل ياربي واعر ره ان نخونها رن معتز
انا:الو
معتز: اهلين وينك
انا: معتز بالله تفوتني مش فاضيلك
معتز:خيرك شن فيه قولي
انا:الموضوع ما ينقالش ع التاليفون
معتز:به نتلاقو في قهوة لفلاني نستنا فيك
انا:به مشيت عند معتز
معتز:اهلين اقعد خلي نفهم منك
انا: حطيت ادي علي جبهتي تي الموضوع كبير ره
معتز:غر قول
انا:اهو نقولك تعرف ميلاء اخت اسيل امس امي مشت لأمها عطت فيها كلمه بدون علمي واني مانقدرش نوقف القصه لو الموضوع وصل ل عمي
معتز:به
انا:اليوم تلاقيت ب ميلاء واقالتلي انها ماتبيش وقلتلها ان نحاول طبعا اني ما كنتش نعرف اصلا واني طالع قالتلي تعرف حاجه اسيل كانت تحبك وتبيك وكانت تحكيلي عليك انا نصدمت بعدها قالتلي ما تفكرش ان اني كارهتك او في حد في حياتي قلتلها ان عذا مش شوري مانعرفش علاش قلتلها هكي بالرغم من ان اني نبي نعرف
معتز:عليك قصه تو شن بدير
انا: ما نعرفش لكن او الموضوع وصل لعمي معنتى ما نقدرش نتكلم فيه
معتز:يعني بتاخذها
انا: ما نعرفش صح هيا دكرني ب أسيل لكن ان اني ناخذ اختها هكي نحس في روحي واحد خوان بدات بهد ما عرفت ان هيا كانت تحبني
معتز: عليك تشكبينا
انا:خلي نوض نروح لان راسي قريب يطربق
معتز:به
انا:سلام توا رنت امي
انا:الو
امي:هيا كان بتروح بيا
انا:به في الطريق مشيت لامي وصلت وكنت متعصب ومتكنتي ما نبيش حد يكلمني
امي:هذا مل في الطريق
انا:....
امي:خيرك شن فيه
انا:ما في شيء وصلنا للحوش كنت نحاول ندير روحي عادي و كأن ما نعرف حاجه
امي:اسمع نبي نكلمك في موضوع
انا:به
امي:اسمع غدوا عمك بجي وبكلمك علي حاجه
انا:شن هي
امي:كل خير ان شاء الله
طلعت امي من الدار واني كيف الي صبو عليه ميا سخونه طبعا عمي هذا كيف بوي ومانرفضلاش طلب والي قوله هذا هو قعدت نفكر يعني توا بما ان الموضوع وصل لعمي معنتى مافيش كيف بنقول لا يعني توا هي بتبدا مراتي تي كيف انا مستحيل نقدر نمسها به كيف بنحبها صح هيا تشبه اسيل لكن لما تجي بحداي نتذكر اسيل قعدت نفكر لين خذاني النوم نضت الصبح كان عمي عندنا
انا:صباح الخير
عمي:صباح النور كيف حالك
انا:الحمد الله شن خباركم
عمي:كوسين تعرف ان جيت علي خاطر بنقولك علي موضوع........
#Wda🌷