أحببتها رغم قسوة قلبي

الحلقة العاشرة

#احببتها_رغم_قسوة_قلبي
#الحلقة_العاشرة

معتز:لان هي تحبك وتبيك ف بتقول ايه وبتوافق بالرغم ان هي تعرفك ان انت ما تبيهاش
انا:😣نعرفش حطني في الحوش
معتز:لا
انا:علاش😒
معتز:هكي
انا:خيرك به
معتز:الي صارلك كل مني اني وتييني نخليك بنمشو للعيادة باش نشوف ايدك
انا:اسمع انت خوي الي ما جبتاش امي يني الي صار مني انيفاهم
معتز:نعرف لكن اني مفروض ما قلتلكش
انا:به فوت توا الساعة قداش
معتز:الساعة 1:30
مشينا للمستشفى وودارولي ضمضات للجرح الي في ادي وقعدت في المكتب كان ما عنديش حالات قعدت للساعة 4 ومشيت للحوش باش نبدل مشيت للحوش
(Wda:اني تلخبصت في الوقت هذاكانت العيد لكبيرة قريبا والي قبلا تلخبصت فيه يعني شهر رمضان نسيتا حبيت نوضح 😅اسفة😅)
كان ما فيش حد ف الحوش كانو كلهم عمد حوش حناي الي هي ام بوي لكن هي ماتت لكن هذا وين بنجتمعو لان يوتو للعيد بدلت دبشي
سورية احمر دم غزال وعليها سروال بيج ولبس ساعتي ودرت شعري و عطري و طلعت وصلت للحوش ميلاء وكلمتها في التاليفون باش تطلع للجنان وخشيت
ميلاء:اهلين
انا:اهلا
ميلاء:تفضل خش للداخل
انا:مافيش مشكلة عادي
ميلاء:في التاليفون قلت ان تبي تكلمني
انا:ايه كنت نبي نقولك علي موضوع مهم اني ما نقدرش انجيب ولاد من بعد الحادث وانتي تعرفي ان انتي لم قبلتي فيا وبالرغم من ان تعرفي ان انا نحب اسيل و ما نقدرش نعيش مع حد غيرها هي يعني المعنى ان مانقدرش نتأقلم الابعد مدة وانتي تعرفي ان اني نحتاج وقت لكن اني فكرت ان انتي زيك زيها مهما كانت لازم نعطيك حقك في ان يكون عندك ولاد لكن هذا الي صار ولو انتي بتقولي لا بنتفهمك عادي اني جيت نعرف رايك😔😣

ميلاء كانت منزلة راسها وتسمع فيا ومبتسمه رفعت راسها باش تكلمني:كملت كلامك 😊جا وقت نجاوبك ع السؤال الي سئلت انت وهو علاش انا رضيت بيك والسبب ان اني انحبك هذا علاش واني بعد الي سمعت موافقه ان نكون معاك تمام هكي وانت بتقول عليا اني ما نحسش بضميري يعني الي كانت اختي تكلمني عليه بنتزوج ونحبه نحس فيه الموضوع هذا لكن اني فكرت هلبا قبل ما نواجهك وجيت في وقتك هذا الي كنت نبي نقول
انا:😳 يعني موافقة عادي انتي متأكدة
ميلاء:ايهخيرها ايدك
انا:انجرحت في العيادة اليوم اني بنروح توا
ميلاء:سلام توا واسفه علي كلامي نعرف ان صدمتك
انا:لا عادي سلام توا
ميلاء: الحمد الله علي سلامتك سلام
انا:ايسلمك
روحت وكنت ملخبط ومشيت ع البحر غريب الناس يعني اختها كانت تحبني وواجهت روحها باش تعترف ورضت بيا واني علي ه الحال بالحق ان الحب يغير الناس ويحليهم يتغيرو و يتخلو عن كل شيء ااااه ياربي طلعني من الي فيه يارب😣😔 وشرين تاليفوني وكان معتز
معتز:الو شن صار
انا:حكيتلا الي صار
معتز:شبحت كيف ماقلتلك ولا به كيف بدير توا
انا:بنخلي الموضوع كيف ماهو وخلاص

روحت للحوش لقيتهم كيف مروحين من حوش حناي طبعا امي تعرف تسوق
انا:اهلين
امي:اهلا وين ماجيتش غادي
انا:نعرفش هذا هو مبي نكلمك في حاجه
امي:خيرك
انا:هو الموضوع كيف عرفته اليوم
امي:ان شاء الله خير من وجهك واضح ان فيه حاجة قول
انا:امي انا بسبب الحادث ما نقدرش نجيب ولاد😢
امي تحاول انها تكون عادية:به يا وليدي قضاء ربي اصب انت ان شاء الله خير انت ادعو بس😔و كانت تمسك في دموعها ب السيف
انا:اليوم قلت ل ميلاء وهي موافقة قالت
امي:به يا ولدي ان شاء الله تنفتح عليك ويخلها ليك يااارب
انا:امين
امي:ابدا من تو اشري النواقص لحوشك لان الايام يجرو ره اسمع خيرها ايدك
انا:انجرحت في العيادة جرح بسيط بس
امي:به دير بالك مرة ثانية تبي تتعشى
انا:لا نبيش تصبحي علي خير
امي:وانت من اهل😔
حاضر رقدت وانا نفكر نضت الصبح بدلت ومشيت للعيادة كانت عندي عملية ونجحت والحمد الله روحت الساعة 4 قلت لمعتز ان ايلقيني في حوشي وتغديت وبدلت دبشي ومشيت خشينا باش نعرفو نواقص الحوش من اتات وهكي يعني
معتز:تبي مراية للانتري و مكيف في الدار هذي وهذي
انا:ايه بالنسبة للدار النوم بنديرلها مكيفين و تبي اتاتها كل
قعدنا نحسبو في النواقص الي تحسابهم امي شويا ومشينا للمحل اتات كبير وصينا علي كل شيء قالي بعد يومين بيركبوه وبيجيبوه
معتز:تعرف بناخذو زوز بنقلا ايسيقو وينضفو الحوش كله
انا:مش لازم ماهو بيرا عوه النساوين قبل العرس
معتز:تي ياغبي خيرك انت تي هذ مش شويا ره باش ايدروه هما😝
انا:به به هيا
خذينا زوز بنقلا وقعدنا نعولو معاهم😂😂😂هذي اخرتها وبدا الحوش يلمع كملنا في الليل وروحنا كان مزال ع العيد اربعة ايام بس شرينا بقرة وهكي وخذيناه للمزرعة نقوللها المزرعة لان فيها حوش وسياج و هكي طبعا بنعيدو غادي اصلا مشو الايام وجي الوقت الي بيجبو فيه الاثاث وكل الي وصينا عليه انا ومعتز جو للحوش وركبوهم طبعا حتي من البسطات درناهو وكل شيء والفازات و اي شيء(مافيش منهم الا ف الروايات هذو😂😂😂😂)وبدا الحوش ما شاء الله ونظيف