M A K I N I L Y A

Huling Subok

Mga araw na puno ng lungkot

Mga matang kinusot
Dahil namula na sa pag-iyak
Timba timbang luha ang inilabas

Iiyak muna bago matulog
Ipamumunas ang kumot

Yayakapin ang mga unang nalunod

Buti pa ang nakaraan, napaguusapan
Pero ang tampuhan, kinalimutan na lamang

Teka,
wag kang magalit
Hindi lang naman ikaw ang nasasaktan

Ang mga kamay ko'y puno na rin ng galos sa kakasubok na hilahin ka pabalik

Pilit pa rin akong humahanap ng paraan upang maibalik ang init
Teka.
Pagbigyan mo ako.
Hindi ako sigurado kung ito na ang huling subok ko.