BINABASA MO ANG

A collection of some of poems made from random thoughts. Most of which made before going to sleep.

Kung Umiiyak Ka

122 19 4

ni Archangel_Giel

ni Archangel_Giel

Kung umiiyak ka, pagmamasdan kita,

sa 'yong pagluha, itutuon ang mata.

Katulad ka nga pala ng isang bata,

tulad din ng puso kong sayo ang punta.

Kung umiiyak ka, ika'y pakikinggan,

ang paghikbi mo at paghinga'y titignan,

iuukit ito sa aking karunungan

mula ngayon, bukas, at sa walang hanggan

Kung umiiyak ka, ika'y sasamahan,

pagka't sakin maaari kang tumahan.

Ang mga kamay mo aking hahawakan,

sisigaw sa langit "di ka bibitawan!"

Kung umiiyak ka, ika'y maniwala

buhay ang araw, nakangiti ang tala

nariyan ang Diyos, wag kang mabahala

narito ako, di na mangungulila.

Kung umiiyak ka, ngiti!, ayos lang yan,

naghihintay na sa'yo ang kasiyahan.

Kung iiyak ka, isigaw ng tuluyan,

ngiti dahil nasa'yo ang kalayaan