احمد : هههههه عاوز تشغلا لي ولا شنو يا عمك
وقبل ما يكمل كلامو تقيف لاند كروزر GXR اخر موديل مظللة قدام المحل
عمك : خليك من كلامك دا تعال ع الاوباما القدامك دي
احمد : يالصادق الحق دا عمك الحكيت ليه عنو وقال لي تعال الكروزر دي 😳
الصادق : عمك دا شكلو سالب وماعندو موضوع داير يتونس ويشغلها ليك عارفك في السوق والسوق كلو اوبامات واقفة اقفل في وشو واكسر الحنك
احمد فعلا قفل التلفون
في اللحظة دي باب الكروزر فتح ونزل منو واحد ضخم جسم وليس عضلات
الضخم : السلام عليكم
احمد والصادق : وعليكم السلام
الضخم : احمد وينو فيكم..؟
الصادق : انا احمد خير..؟
الضخم : قوم ارح معاي
الصادق : يازول انا مابعرفك امشي معاك وين
في اللحظة دي نزل واحد تاني لابس لبس بوليس والرتبة عميد
العميد : يا احمد دايرنك في موضوع قانوني
الصادق : لي احمد يا فرده بتعرف الناس ديل..؟
احمد : اول مرة اشوفهم يامان بس خليني اكمل فهمهم ديل شرطة وبقولو موضوع قانوني
الصادق : لالا خليني امش انا اشوف الحاصل شنو ما اصلو المكنة ركبت فيهم وماف طريقة رجعة
احمد : انا ما بخلي اخوي يمشي معاكم براه لازم امشي معاه
العميد : نحنا مباحث وشرطة ماتخاف عليه كلها ساعة زمن وبرجع
في نفس الزمن في مركز جهاز الامن الفي المباحث الجنائية نتيجة فحص البصمات طلعت
ملازم اول سجود بتقرا في النتيجة
الإسم : احمد محمد احمد سعد
العمر : 26 سنة
العمل : لايوجد
السيرة : خريج جامعة السودان للعلوم والتكنولوجيا
التخصص تقنية معلومات
خريج عام 2015
لايوجد لديه اخوة ووالده ميت
السجل الجنائي : حركة ثورية في المواقع الإلكترونية ضد الحكومة
لم يتهم او يسجن من قبل ولم يشهد في محكمة
والمزيد من المعلومات الماركزت معاها
شالت التقرير وراجعة المكتب تديه للعقيد
جرس تلفونها رن والرقم رقم العقيد
العقيد : سجود الحاج رسل ناسو متنكرين يسوقو احمد من السوق
لازم في علاقة بينهم لازم بيعملو في مهمة جديدة سوا نحنا متابعنهم وحنحاول نقبضهم قبل ما تحصل مشكلة جديدة انا الوزير مهددني اعدام عديل لو ما قبضتا العصابة دي
سجود : على حسب السجلات احمد ماعندو اي علاقة بالحاج دا يمكن عاوز يستخدمو في خطة جديدة ..!
العقيد : خليك من الكلام الكتير اتحركي تعالي
في نفس الزمن الصادق ركب العربية مع الناس دي ومريح بالو انهم شرطة ومباحث بس بفكر في انو المشكلة شنو..!
فجأة العميد والضخم مسكوه وواحد تالت راكب قدام طعنو حقنة ومنها الدنيا بقت تضلم في عينو
احمد بقا بفتش في ارقامو منو البقدر يساعد منو المن دفعتو في الشرطة..!
لقا رقم وبدا يتصل وناس السوق لامين فيهو بسألو الحاصل شنو..؟
يتبع...
