المتصل : سعادة الوزير أتخطف..
العقيد : كيف وبتين ووييين الحرس..!؟
المتصل : الحرس خشو معركة والوزير أتخطف بنفس العربية الإتخطف بيها الصادق وأحمد..!؟
- العقيد قعد بعد ماكان واقف ونادا بأعلى صوتو يا عثمااان يا عثمااان
سجود ابتسمت والملازم المعاها مافاهم اي حاجة..!
ملازم عثمان : نعم يا سعادة ان شاء الله خير..؟؟
العقيد : خير يجي من وين بس ك** دي قضية و ك** دي عصابة زاتو..!! ، الوزير إتخطف.
ملازم عثمان : لازم نتحرك فورا لمكان الحادث.
العقيد : اقبض كل حرس الوزير واي زول في المنطقة حايم وماف اي حارس يدخل مستشفى كلهم ع سجن الهدا لما يجي وقت استجوابهم..!!
العقيد : سجود وجعفر الليلة يا واحد فيكم يعترف يا تموتو الاتنين..
- تلفون العقيد يضرب والمتصل رقم خاص.
العقيد : الووو
عمك عمر : هم كلمتين ، سجود تطلع ، ابراهيم محمد ابراهيم يطلع ، الوزير يرجع.
- تييت تيييت تييت الخط يقطع ، والعقيد مصدوم وجايط وما فاهم شي.
العقيد : سجووود..!!
انتي الواشية انتي الخاينة انتي المن البداية مدوشانا وماقادرين نجيب الناس دي..!
سجود : ولا ربع الحصل لي ابوي منكم ، ولو رجعت فيني ضفر مكسور الوزير حيجع ميت والسبب حيكون انتا وتقصير منك انتا وما حتلقا ولا زول يقيف معاك ولا زول حيصدقك.
العقيد : هههههه والله الا تخلي البلد دي
جعفر امشي يرجعو ليك سلاحك ، ولو حرف واحد من الحصل هنا دا طلع ماحتشوف شمس تاني وارجاني مع باقي الملازمين في قاعة الاجتماعات ، اما سجودي رجعوها الحبس.
- في الناحية التانية الضخم وعم عمر واحمد قاعدين مع الوزير المربط ووشو مغطى.
عم عمر : انتا عارف يا سيادتك انو ناسنا لو مارجعو انتا حتموت هنا ، لا وكمان ابشع موتة ، والتحتك كلهم حيتسجنو بسسب البلاوي الحتطلع..!
الوزير : انتا منو وعايز مني شنو..!؟
عم عمر : اخو ابراهيم محمد ابراهيم
الوزير : اممم انا اسف للحصل لي اخوك..!
عم عمر : طيب يا ابو قلب جامد وماعندك احساس ممكن اعرف ليه عملتا كدا او بالصح عملتو كدا..؟
الوزير : شوف يا ابني البلد دي مابتمشي الا بالسلطة والمال وحتى لو عندك سلطة بدون مال مابتكون محمي من الاعلى منك لكن لو عندك مال ممكن تركب في ضهر رئيس الجمهورية عديل وتمشيه زي ماعاوز
اخوع عامل فيها شريف وزول كويس وبدي الناس الغلط اراضي ساي والاراضي دي قروشها كتيرة وناس كتار عينهم عليها عشان تزيد ثروتهم وسلطتهم ، وانا ما لي الا نص النصيب والفكره اصلا فكرتي.
عم عمر : عشان كدا كلكم حتشوفو الويل وتتعذبو دنيا واخرى ودم اخوي ما بروح ساي ، هاك كلم مدير جهاز الامن بمتطلباتنا..
الوزير : يا سعادة العقيد الناس ديل بعد تطلعهم من السجن والمصحة توديهم..
يتبع...
