احمد في نص السوق والناس بتسأل من الصادق وهو ضرب لي صحبو الضابط اسامة كلمو واسامة قال بحاول يتحقق من الموضوع
كل الجوطة دي فجأة اتزكر انو الصادق تلفونو معاهو
شال تلفونو وضرب للصادق
الصادق الضخم فضا جيوبو من كل الحاجات الفيها وخلاهو براهو مع عمك فجأة تلفون الصادق يضرب
الحاج شال التلفون لقا الاسم مكتوب "احمد العاطل" عمل رد للمكالمة
احمد : الو يا الصادق انتا وين
عمك : دي رجالتك..؟
احمد : يا حاج انا مابعرفك منو ولا رتبتك شنو ولا في ياتو قسم لكن الصادق دا مشا غلط بس تعالو سوقوني بدلو
عمك : ما اتوقعتا انك خواف وحترسل اصحابك اول ما تشوف الشرطة المهم انا لسا عرضي قائم لكن المرة دي ماف ليك قروش حتجيني مقابل راس صحبك الراجل دا اللسا مصر انو انتا..!
العميد قرب يصلك تركب معاهم العربية وتجي وبعد ساعتين صحبك برجع مكانو وما داير القا معاك زول البلقا معاك كلو بترفع
احمد : حاضر يا سعادتك
احمد افتكر انو عمك رتبة كبيرة في الشرطة ما دام مرسل ليه عميد عديل هو حيكون شنو يعني..!
الناس بتسأل احمد الحاصل شنو
احمد : ناس الشرطة ديل جاين يسوقوني وقال اي زول بلقوه معاي حيترفع
الناس كلها اتسحبت براحة واتخارجت محلاتا
في نفس الوقت وصلت عربية i 10 نزلت منها سجود بلبس رسمي المرة دي ومعاها شاب تاني لابس ملكي
احمد لما شافها نطط عيونو وقال بسس دي الحتساعدني
احمد : سجود انا واقع في مصيبة كبيرة
سجود : انا عارفة كل شي والناس الساقت صحبك دي لا شرطة لا شي الناس دي عصابة
احمد : عصابة 😳 وبقا يتمتم وما قادر يتكلم يادوب الخوفة دخلت فيهو
الشاب المعاها ملازم اول عثمان : ايوا عصابة يا احمد وعاوزين نعرف علاقتك معاهم سجود بتقول انتا بريئ بس انا شكلك دا ماعاجبني وشاكي فيك احسن تعتترف ولا..
قاطعتو سجود : الزول دا انا واثقة فيه ومتأكدة انو ضحية اسمع يا احمد الناس ديل اسي جايين في الشارع نحنا مراقبينهم ومامسكناهم عشان عاوزين نعرف خطتهم ومحتاجين مساعدتك
احمد : عامل كدا 😳 احساس انو في فيلم هندي وما فاهم الحاصل شنو وزي البيحلم بيحلم
سجود : يا احمد ركز ماف زمن الناس دي قربت كل المطلوب منك تشيل لاقط الصوت دا معاك ومدت ليه جهاز صغير كدا ختاه في جيبو
سجود : لا يا احمد ختو تحت البنطلون عشان ما يتلقي
وركز لازم تعرف الناس دي عاوزة منك شنو والحاج دا منو وزعيم العصابة منو وهدفهم شنو وحاول جمع اكبر كمية من المعلومات نحنا حنكون بنسمع معاك واذا حصل اي ظرف الشحاد البقعد في الشهدا ورجلو مقطوعة وبلبس جلابية اديه المعلومات دي كلها وحتصلنا..!
وركبت سجود وعثمان العربية واتحركو
وفي الناحية التانية عمك قاعد مع الصادق
عمك : اسمك الحقيقي منو يا ولدي ..؟
الصادق : ولدك هههههه بعد الدق الادقيتو والخطف والحقن دي كلها تقول ولدك
الصادق صدع وشوية ويغمى عليه من الصدمة والدق واثار المنوم الاخدو.
وصلت العربية ونزل العميد مسك احمد من يدو وجدعو في الكروزر قال ليه تغشنا ياحيوان
سجود وعثمان وصلو للعقيد وكلهم خشو غرفة
العمليات الخاصة عشان يسمعو التسجيل الملتقطو جهاز التصنت سمعو الناس بتشاكل في احمد في العربية واحمد بدا يتكلم
احمد : ع فكرة الناس دي سامعة كلامكم انا معاي جهاز تصنت..!
وطلع الجهاز وبصوت عالي قال : شكرا يا سجود
هنا العقيد وسجود وعثمان بقو يعاينو لي بعض
العقيد : دا شنو دا يا سجود..؟
عثمان : انا ما قلتا ليك احمد دا شكلو ماعاجبني 😠
سجود : في الحظة دي غمرت بدون ما تقول اي كلمة
ليه احمد اتصرف التصرف الغريب دا والحصل شنو ومالها فجأة جاطت كدا بنكتشف التفاصيل دي كلها في الجزء السادس من قصتنا.
يتبع..
