حازم _يطبج طوب قلبتي وان ماقبلتي
نور_اني يطبني طوب الة اعوفلك البيت واروح لاهلي
حازم _ماكو روحة تكعدين هنا لا وعلمة لمحمد ونورة لسيد محمد اقفل الباب عليج واحبسج
نور_انوب تحبسني تريد ليش ماورايه اهل يسألون عليه ماابقه بالبيت دقيقة وحدة
حازم _انعل ابوج يابو اهلج هم بعد شتريدين
نور_شوف وديني لاهلي اليوم دقيقه ماابقى اريد اشوف شلون راح تشوف وجهك لابوي الحجي ...بعد هالكلام ركضت ع التليفون ادك ع اهلي ركض علية
حازم _نور لا تطلعين من طوري ترة راح اضربج وحق هو الله
نور _شنوو شحدك تمد ايدك علية
حازم _شنو شحدك انت تخربطين بالحجي تكولين ودي امك لبيت اختك زهكتني
نور_اي تزهك اكبر واحد تعاي غسليلي النوبة ماعدهة بنية اداريهة
حازم _ولج والله لوما عيب اني افوت اغسللها
نور _اختك وحدة متستحي عايفهة امهة
حازم _اختي توهه متزوجة عيالهة عيب منهم كل يوم جايه لهنا
نور_معليه اني والله
حازم _زين لخاطري اني اذا تحبيني
نور_ مااكدر اني تعبانه من جهالك لنوب امك
_جهالي كبار فؤاد صار رجال صف سادس ابتدائي وفادية مرة وشايلة البيت اعتبريها امج وداريتيها فدوة
_كتلك مااكدر لتضغط عليه
_اجيبلها وحدة اداريهة
_حته تسرح وتمرح وياها والله انت مو راحة ماكو مطب وحدة غريبه اهنا
_نوووور صحت بعلو صوتي راح اكفر بيج شتريدين فهميني انطيج فلوس المداراه كل شهر انطيج ٣٠٠
_مممممم زين يلا ميخالف
_الحمد لله حبيبه انتي كلبج طيب ام الطيبة والحنان
_ي بعد اصبغني
حازم _السلام عليكم ادري اول طبه اطبوهة النا مو خوش شفتونا نتمالخ شنو اسوي كضيت حياتي وياها هيج اني حازم من محافظة صلاح الدين بلد اني فلاح بكاع ورثتهة من صغري حالتي ميسورة الحمد لله عندي فادية وفؤاد والدتي مرة جبيرة بالعمر تحتاج رعاية اني وزوجتي الي هي بنت خالتي نور من بدايه زواجنا مشاكل تعبتني وتعبتها يعني متنطي البيت والرجال حقة اني تعلمت عليها بس هالفترة تعبتني من ورة امي ذلتني بيها جنت محاس بأمي بيوم لان اختي جانت موجودة من تزوجت حسيت بيها
نور بنت خالتي بكدي بالعمر كل همها القال والقيل ع نسوان الطرف من وكعت امي لا لكمة بيهة خير لا حجاية سمعت بعد وكعتها تريح الفاد بس تعلمت عادي والدها الحجي وكفاته حلوة ويايه من وفاه والدي لحد ملزمت الكاع لهذا اخاف تزعل واتفشل ويه الحجي
جاسم _السلام عليكم اني اخو حازم خريج هندسة اتصالات لازم قناة بلد الفضائية عمري ٢٦ سنة اخوي حازم نفسي بدنيتي الاب والاخ والصديق قبل سنه تعرضت لحادث بالماطور تاذيت بي هواي صار الضرر بمكان حساس بقيت اتعالج بالسر ابد مكايل لاحد عليه جنت احب بنت عمي وتحبني وخاطبهة اسمي من صار الحا دث كمت اتهرب من عمي واخوتها
جاسم _هادكتور بشر
الدكتور_خال انت بشر شكوماكو ماكو نتيجة
جاسم _والله دكتور كلشي ماكو
الدكتور _جاسم خلي ايمانك بالله جبير واكو شغلات مالها علاج شتسوي بعد
جاسم_شنو بلة دكتور كولي شلون وابقه بلة زواج
الدكتور _هاي الي قسمة الك ربك ارض بحكم ربك
جاسم _نصيت راسي حمدت الله وطلعت تربيت مثل شباب بلد ع الايمان والصدق والحلال وخوفنا من دوسة الحرام ايماني بالله صبرني ع البيه كملت السنه وماكو شي .... عدت الايام والتهيت بشغلي بدة كلام اهلي ع بنت عمي شجن
امي _يلا يايمة شوكت نفرح بيكم
جاسم _يوم سدي الموضوع
امي_ليش يايمة مو عمك ميت مرة كلي فشلة منه
جاسم _يوم كوليله مااريدهة
حازم _انت شدتخربط ليش هالحجي البنيه كطعت روحك عليهاوعلي ابن عمك رادها وهسه من تزوج علي گلبت احركك حرك والكعبة
جاسم _محد يدخل شجن مااريدهة
حازم _موكيفك شنو السبب
امي _والله حرام الدتسوي بيه حرام التربايه بيك
جاسم_يوم رحمة ال الله عوفيني
حازم _شتعيفينا شدتحربط شنو لعبنا لعبنا بطلنا بطلنا
جاسم _الا اكللكم عدي وحدة واحبها واريدها
حازم _شنو خال شنوو ومنين هاي بلداويه
جاسم _لا مو منا
حازم _من وين لعد
جاسم _من بغداد او اني جاني عرض قناة بغداد وعادي انتقل لهناك
حازمً_شنوو ومن شوكت هذا الحجي
جاسم _هالاسبوع هيا العرض شوفوا حازم
امي _هاي الوحيدة منهو بنته
جاسم _تنهدت يمه اجيبهة الكم يا خرب وكت صفنه
اصلا ماكو هيج وحدة اريد اخلص من الملحة مالتها
ولا اكو عقد ابغداد بس راح انهزمً من عني ومن حب حياتي مااكدر اشوف العتب بعينها سافرت لبغداد طبعا حازمً تعارك ويايه وامي هم زعلت بس خليني هيجً احسن ولايشوفوني عاجز ويشفقون عليه وصلت لبغداد واجرت شقه وراجعت قناة بيغدادً قبلوا يخلوني ع هندسة الصوت لان عرفوا عندي قناة ابلد وطبعا القناة بلد مسديتها بقيت متواصل وياهم وعدي نسبة ٥٠٪ من القناة وارباحهة الاعلانات التسويقية يدزوهة لحسابي ع الكريدت كارت مرت الايام حازم ميحاجيني بس امي رجعت تحاجيني الحمد لله بيوم من الايام جان اكو برنامج بالقناة يفترون بدور الايتام ويشوفون احوال الايتام راحوا المصور والمذيع بدار الرحمة بالاسكندرية الراجعه لمحافظة كربلاء وسووا اللقاء ورة ماجابوا التصوير اني عليه الصوت والموسيقى وقطع الصوت اثناء الحلقة
باللقاء حجوا ويه وحدة عاملة بالدار جانت كلش نازكة وصغيرة وتحجي عن الاطفال بحنان ومدمعه عينهة سألهة المذيع اذا جانت يتيمة جاوبت اي وعدهة اخ واحد بس مجانت عايشة بالدار جانت بيت خالتهة ودخلت الدار تطوعي وخلولهة راتب البنيه جانت تلمح انه بحاجة للمال الي خلاها تجي للدار بقيت اعيد بالمشهد مالتهة والافكار ادور براسي محتاجة فلوس ويتيمة فكرت اعرض عليهة حالتي وهي مخولة بان توافق او لا صاني يوم راحوا للدار لتكملة الحلقه اني جلبت وياهم ورحت وياهم بقيت افتر بالدار لحد مالمحتها وضليت اراقبها تلعب ويه الاطفال جانت وتونسهم جانت مثل الملاك بنزاكتها ولطفتها تقربت عليها وعرفتها ع نفسي ان اني ويه القناة رحبت بيه بابتسامة بريئة هاي الي راح تخلصني من النك مال اهلي عليه بس كون تقبل واخد من الاطفال صاح عليها نازك الله ع هالاسم الحلو تقربت اكثر ست نازك ممكن سؤال
نازك :هلاو شلونكم حبيت اقدم نفسي من رخصة الكاتبة اني نازك عدنان مواليد١٩٩٨سكنة الاسكندرية قبل سنه والدتي توفت مبقالي احد والدي متوفي من زمان عن ي اخ اسمه عباس وردة مال الله يشتغل بالعمالة ومن يرجع بالاربعه يشتغل حمال من الشغل الثقيل صار عندة عضلات حبيبي جان يخاف يعوفني طول هالوقت وحدي بالبيت فأقترحت عليه فكرة تطوعي بالدار وافق بعد ما زار الدار واطمأن ماكو بيهة زلم بس الحارس ورجال كبير ودراستي اني خريجة معهد معلمات وكاعدة بلاشغل عباس هم ممكمل دراسة خطيه لان من وفاة والدي مبقالنه معين غير عبوسي عمرة ٢٣ سنه يستحي يحجي عوفوا براحته اثناء الحجي شيصير حجي راح تتعرفون عليه اكثر هاي اني باختصار نرجع لكادر القناة العفته مشتول خطيه ينتظر اجاوبه
نازك _تفضل جواب
جاسم _انتي متزوجة
نازك _هذا زاحف استفاد لا ممتزوجة ليش تسأل
جاسم _هههههه لا جنت اسال متعجب شلون مدبرتهة ويه عملج
