نازك_طلع حازم وطلعوا الجهال ونور طلعت بالاربع ساعات يلة رجعت بقينا نسولف اني وخالتي حضرت العشا وسويت كيكً خابرني عباس انه وصل لبلد وموجود بالقناة
عباس_طلعت من القناة اتمشى بالشوارع مال بلد شفت البنات طلعوا من المدرسة لمحت فادية دتتمشى وي بنيه ومااسمع الا صوت انفجار البنات كاموا يصرخون بنص الشارع وفادية تخبلت كعدت ع الرصيف تبجي جيت يمها كومي ويايع
فاديه_ابويه ابويه بس لا مات ابويه شوون
عباس_فادية كومي اوديج عليه
فاديه_وخر عوفني كالي اجي عليج ماكو مااجة عوفني
عباس_بس ياعيني اني منو اني اخو نازك الشارع فرغ وانتي وحدج اهنا
فادية_حباب وديني لابوية
عباس_والله اوديج كومي وياية اخذت جنطتها شلتها تمشي بالكوة من الهبطة اخذت تكسي كوة لكيته خابرت حازم وكلي بالبستان جايبين ولد متصوب يمهم كتله فادية منهارة تريد بس تشوفك
حازم_عباس كوللها تروح للبيت لا ابتلي بيها
عباس_بس تشوفك وارجعها حته اشوف نازك
حازم_يلة يلة مااكدر احاجيك هسا دااشتغل وياهم المستشفى مال بلد متروسة ضحايا جابوا للبستان ٣ متصوبين
عباس_اخذت فاديه ورحت للبستان نزلتها وشفت ابوها من بعيد فادية باعي ذاكً ابوج
فاديه_اي اي الحمد لله
عباس_امشي اوديج للبيت
فادية_لا اريد اروح يمةً مشيت خطوتين
عباس_تعاي وين صحت بيها جريتها قوي خزرتها...كلها زلم اهنا وين رايحة امشي اوديج
_اريد اروح يم ابوية
_شنوو انتي صغيرة امشي كدامي يلة اخذتها كوة ادفع بيها وصلنا ونزلت... صيحي نازك وياج
_اي شكرا باوعت بعينه خزرني وهز راسة
_استغفر الله البنيه كلش حبابة وحلوة جتي نازك بوستني وتبجي
_خفت عليك
_لاياب ليضل بالج الله الحافظ وين سلطان خلي اشوفه يلة مترجعين
_لا مااريد ارجع بس انت خطيه شلون تبقى وحدك
_لا اكضيهابالقناة عدي كومة شغل
_الله يوفقك هاي سلطان جابته فادية
عباس_اخذته من ايديها ورجعت فاتت لعبت شويًويا ورحت للبيت ارتاح
حازم_رجعت مدمى من البستان دم الضحايا واحد من جماعتي مات كلش تأذيت من طبيت صارت بوجهي نازك شافت الدم تخبلت
نازك_هاي منين الدم حجي هاي منك جاوبني
حازم_لالا مو مالتي فادية ياب وينج
فادية_ركضت عليه حضنته خفت عليك يابة متت خوف
حازم_الله الحافظ حضريلي دشداشتي والعباة عدنه فاتحة
ام حازم_ياهو المات
حازم_ابو محمد يمة السلامي الله يرحمة ..فادية وين امج
فادية_طالعه يابة
حازم_فؤاد ياب روح ع امك خلتجي
فؤاد_وين الكاها يابة
حازم_باوعت لنازك...دورها بالبيت ضل دك بيبان لحد مايكلولك يمنا جريت نفس
نور_ها حازم داز علية
حازم_عيني عزة بيت ام محمد روحي اخذي ام سلطان وروحي عيب واجب لان امي متكدر تروح
نور_اي شكو منها يلة ام سلطان تجين لو لا
نازك_اي هسه اوكل سلطان والبس
نوور_يلةً حضل انتظر
حازم_اهوووووو روحي اني اوديها وي فاديه واختي
كملتي امً سلطان
نازك_اي كملت يلة فادية
حازم_مراح تجي تبقى يم امي وسلطان
نازك_هاا يلة لعد صعدت ليكدام يمة باوعلي ودار وجهه ...حجي اني حكعد ليورة بلة صغرا بيك
حازم_براحتج ام سلطان وصلنا ونزلت
نازك_كوةً طبيت يسألوني منو وارد مرت جاسم ابن ام حازم جنت خجلانه كعدنا بالعزة واسمع نور تتبسبس وراية وتكول للنسوان انه البس كصيف بالبيت وماالبس حجاب راسمة ع زوجها واخذت جاسم بالسحورات عبالها اني مجاية للفاتحة
حازم_بالفاتحة مال ابو محمد ولزمني واحد من اعلام بلد وكللي عمي مرت اخوك بالبيت وياكم ميصير حرام هالشي وانت معروف ببلد عايف ام فؤاد ببيت ابوها وباقي ببيتك وام سلطان ارملة والشيطان شاطر وهي مو من عدنا مو ثوبنا ولبسها مو مستور اني لو ما خايف من الحجي الجاي نسمعوا ولا اكلك
حازم_صفنت وفار دمي عرفت منو راس البلوك نور ماكو غيرها طلعت من الفاتحة دك تليفوني ...الو
نازك_ابو فؤاد تعال رايدتك بسالفه اني بييت الحجية
حازم_ماشي جاي بس خو ماكو شي
نازك_ماكو شي حجي نسوان
حازم_جاي جاي فهمت كل السالفه نور لازم تطلع من حياتي لبستني فضيحة فشلة من مرت اخوي وصلت ونزلت جانت تنتظر بالحديقة تأكل باضافرها متوترة
ها ام سلطان خيرج
_الگوة ابو فؤاد جريت نفس
_الله يگويج امري
_اني راجعه لبغداد
_شوووون
_خابرني اخويه كال جاييج نصيب خوش ولد
_تردين تعرسين ورة جاسم
_اي اريد
_وشمعنا هسا من رحتي للعزة وجيتي باوعتلها بمكر كل هاي ومتريد تسوي مشاكل
_ماكو شي هسه خابر عباس
_دكيت ع عباس وفتحت السماعه الخارجية
